ព័ត៌មានជាតិ
ក្រសួងការងារ ៖ ខេត្តកំពង់ឆ្នាំងមានតម្រូវការកម្លាំងពលកម្មជាង ១ ម៉ឺន ៦ ពាន់កន្លែង ច្រើនជាងគេនៅទូទាំងប្រទេស
ក្រសួងការងារ និងបណ្ដុះបណ្ដាលវិជ្ជាជីវៈ បានអះអាងថា គិតត្រឹមថ្ងៃទី ២១ ខែកុម្ភៈ ឆ្នាំ ២០២៥ នេះ ខេត្តកំពង់ឆ្នាំងមានតម្រូវការកម្លាំងពលកម្ម ១៦ ៩០៩ កន្លែង ពោលគឺច្រើនជាងគេ ក្នុងចំណោមកម្លាំងពលកម្មសរុបចំនួន ៧១ ៧០៦ កន្លែង នៅទូទាំងប្រទេស។
បើតាមក្រសួងការងារកម្លាំងពលកម្មសរុបចំនួន ៧១ ៧០៦ កន្លែង សម្រាប់បម្រើលើវិស័យធំៗ ៣ រួមមាន វិស័យឧស្សាហកម្មមានចំនួន ៥៨ ៨៧៤ កន្លែង សេវាកម្មចំនួន ៧ ១៩៧ កន្លែង និងកសិកម្មចំនួន ៥ ៦៣៥ កន្លែង។
ក្នុងនោះ ខេត្តកំពង់ឆ្នាំងមានតម្រូវការ ១៦ ៩០៩ កន្លែង។ ក្នុងនោះ ផ្នែកឧស្សាហកម្ម ១៦ ៩០៨ កន្លែង និងផ្នែកសេវាកម្ម ១ កន្លែង។ ខេត្តស្វាយរៀងមានចំនួន ១៥ ៤៤៩ កន្លែង ក្នុងនោះ វិស័យឧស្សាហកម្មមាន ១៤ ៧៥១ កន្លែង និងសេវាកម្ម ៩៨ កន្លែង។ រាជធានីភ្នំពេញមាន ១៤ ៥៧៤ កន្លែង ក្នុងនោះ ផ្នែកឧស្សាហកម្ម ១០ ៩៤៧ កន្លែង និងផ្នែកសេវាកម្ម ៣ ៦២៦ កន្លែង។ ខេត្តកំពង់ស្ពឺមាន ៦ ១៣៥ កន្លែង ក្នុងនោះ ផ្នែកឧស្សាហកម្ម ៦ ១២៤ កន្លែង និងសេវាកម្ម ១១ កន្លែង។
ចំណែកខេត្តកណ្តាលមាន ៥ ៦០៦ កន្លែង ក្នុងនោះ ផ្នែកឧស្សាហកម្ម ៥ ៥៣៧ កន្លែង និងផ្នែកសេវាកម្ម ៩ កន្លែង។ ខេត្តក្រចេះមានតម្រូវការកម្លាំងពលកម្មកសិកម្ម ៣ ៨០០ កន្លែង។ ខេត្តកំពង់ចាមមាន ១ ៨៧៧ កន្លែង ក្នុងនោះ ផ្នែកឧស្សាហកម្ម ១ ៧៦២ កន្លែង និងសេវាកម្ម ១១៥ កន្លែង។ ខេត្តបន្ទាយមានជ័យមាន ១ ៤៨៤ កន្លែង ក្នុងនោះ ផ្នែកឧស្សាហកម្ម ៣៧១ កន្លែង និងផ្នែកសេវាកម្ម ១ ១១៣ កន្លែង។ ខេត្តរតនគីរីមានតម្រូវការផ្នែកកសិកម្មចំនួន ១ ៣៩៦ កន្លែង។ ខេត្តតាកែវមាន ៨៧៦ កន្លែង ក្នុងនោះ វិស័យឧស្សាហកម្ម ៨៥៦ កន្លែង និង សេវាកម្ម ២០ កន្លែង និងខេត្តផ្សេងៗ មាន ៣ ៦០០ កន្លែង ក្នុងនោះ ឧស្សាហកម្មមាន ១ ៦១៨ កន្លែង សេវាកម្ម ១ ៥៤៤ កន្លែង និងកសិកម្ម ៤៣៨ កន្លែង។
ក្រសួងការងារ បានបន្តទៀតថា កម្លាំងពលកម្មជាង ៧ ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន អ្នកបញ្ជាម៉ាស៊ីនដេរ កម្មករចម្ការដំណាំ កម្មករក្នុងផលិតកម្ម កម្មករខ្ចប់វេចដោយដៃ យន្តការី និងអ្នកដំឡើងអគ្គិសនី វិជ្ជាជីវៈខាងការផ្សព្វផ្សាយ និងទីផ្សារ មន្ត្រីឥណទាន និងកម្ចីប្រាក់ កម្មករដំណាំចម្រុះ និងចិញ្ចឹមបសុសត្វ អ្នកឯកទេសត្រួតពិនិត្យ និងដំណើរការផលិត អ្នកធ្វើការក្នុងកាស៊ីណូ និងមុខរបរផ្សេងៗ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់ប្រជាពលរដ្ឋខ្មែរទាំងអស់ស្វែងរកឱកាសការងារធ្វើនៅក្នុងស្រុក ជៀសវាងទៅធ្វើការដោយខុសច្បាប់នៅក្រៅប្រទេសតាមរយៈមេខ្យល់នាំឱ្យបាត់បង់អត្ថប្រយោជន៍ ឬមានការរំលោភបំពានផ្លូវច្បាប់ ពិសេសប្រឈមនឹងការចាប់ខ្លួនពីសំណាក់អាជ្ញាធរបរទេសទៀតផង។
លោកបានបន្តថា ការស្វែងរកការងារធ្វើនៅក្នុងស្រុកពុំមានការលំបាកនោះទេ ពីព្រោះឱកាសការងារនៅក្នុងស្រុកត្រូវបានប្រកាសជារៀងរាល់សប្ដាហ៍តាមរយៈទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ ទាំងនៅលើបណ្ដាញសង្គម និងនៅតាមរោងចក្រ សហគ្រាស ក៏ដូចជានៅតាមមូលដ្ឋានរបស់ប្រជាពលរដ្ឋដោយផ្ទាល់តែម្តង ដែលការងារទាំងនោះទទួលបានអត្ថប្រយោជន៍ច្រើនដូចទៅនឹងបណ្តាប្រទេសជិតខាងផងដែរដូចជា ទទួលបានប្រាក់ឈ្នួលសមរម្យបើធៀបជាមួយបណ្តាប្រទេសជិតខាងមួយចំនួននាពេលបច្ចុប្បន្ន , កន្លែងការងារនៅក្បែរផ្ទះ និងការចំណាយទាប ដែលអាចឱ្យប្រជាពលរដ្ឋអាចសន្សំសំចៃបានច្រើន៕
អត្ថបទ ៖ សំអឿន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ