ព័ត៌មានជាតិ

ត្រឹម៣ថ្ងៃនៅភ្នំពេញមានកុមារអាយុចាប់ពី៧ខែដល់១៤ឆ្នាំជិត២០នាក់ បានឆ្លងជំងឺកូវីដ១៩

បានផុស

៤ years មុន

នៅ

ថ្ងៃអាទិត្យ ២១ មីនា ២០២១

ដោយ

ភ្នំពេញ ៖ ត្រឹមតែរយៈពេល៣ថ្ងៃប៉ុណ្ណោះ នៅរាជធានីភ្នំពេញមានកុមារអាយុចាប់ពី៧ខែរហូតដល់អាយុ១៤ឆ្នាំចំនួន១៧នាក់ បានឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ក្រសួងសុខាភិបាលបានឲ្យដឹងថា ក្នុងចំណោមកុមារឆ្លងជំងឺកូវីដ១៩ចំនួន១៧នាក់នោះ ក្នុងនោះនៅថ្ងៃទី១៩ មីនា មានឆ្លងចំនួន៨នាក់រួមមានកុមារីអាយុ១១ឆ្នាំនៅខណ្ឌដង្កោ កុមារាអាយុ១៣ឆ្នាំនៅសង្កាត់ឃ្មួញ កុមារីអាយុ១៤ឆ្នាំនៅសង្កាត់ឃ្មួញ ទារកអាយុ១ឆ្នាំនៅសង្កាត់ឃ្មួញ ទារិកាអាយ៧ខែនៅខណ្ឌដង្កោ កុមារាអាយុ៨ឆ្នាំនៅសង្កាត់ផ្សារថ្មី២កុមារីអាយុ៧ឆ្នាំនៅសង្កាត់ផ្សារថ្មី២និងកុមារីអាយុ១៤ឆ្នាំនៅភ្នំពេញ។

ក្រសួងបានបន្តថា ចំណែកនៅថ្ងៃទី២០មីនាមានកុមារឆ្លងចំនួន៣នាក់ក្នុងនោះ រួមមានកុមារអាយុ១៣ឆ្នាំនៅទួលទំពូង កុមារីអាយុ១៣ឆ្នាំនៅសង្កាត់ភ្នំពេញថ្មីនិងកុមារាអាយុ៦ឆ្នាំនៅខណ្ឌឫស្សីកែវ។

ដោយឡែកនៅថ្ងៃទី២១មីនានេះ មានកុមារឆ្លងចំនួន៦នាក់ទៀត ក្នុងនោះរួមមានកុមារីអាយុ២ឆ្នាំនៅសង្កាត់ចាក់អង្រែ កុមារីអាយុ៧ឆ្នាំនៅសង្កាត់ចាក់អង្រែ កុមារីអាយុ៩ឆ្នាំនៅសង្កាត់ស្ទឹងមានជ័យ កុមារាអាយុ២ឆ្នាំនៅសង្កាត់ស្ទឹងមានជ័យ កុមារាអាយុ១០ឆ្នាំនៅសង្កាត់ស្ទឹងមានជ័យនិងកុមារាអាយុ៨ឆ្នាំនៅសង្កាត់ក្រាំងធ្នង់។

កុមារដែលឆ្លងជំងឺកូវីដ១៩នេះត្រូវបានមហាជនមានការអាណិតអាសូរជាទីបំផុត។ ជាក់ស្តែងកុមារាអាយុ៦ឆ្នាំនៅខណ្ឌឫស្សីកែវត្រូវបានបណ្តាញសង្គមហ្វេប៊ុកបង្ហោះតៗគ្នាពីសកម្មភាព ជាមួយនឹងការពាក់ម៉ាស ស្ពាយកាតាបនិងយួរថង់មួយតែម្នាក់ឯង ចូលទៅក្នុងរថយន្តសង្គ្រោះបន្ទាន់យ៉ាងអាណោចអាធម៌ជាទីបំផុត។

គួរបញ្ជាក់ថា គិតត្រឹមព្រឹកថ្ងៃទី២១មីនានេះមានអ្នកឆ្លងក្នុងព្រឹត្តិការណ៍សហគមន៍២០កុម្ភៈសរុបចំនួន១១៧២នាក់ស្រី៥១៩នាក់ប្រុស៦៥៣នាក់នៃអ្នកឆ្លងសរុប១៦៩០នាក់និងអ្នកជាសះស្បើយ៩៥០នាក់និងអ្នកកំពុងសម្រាកព្យាបាលនៅមន្ទីរពេទ្យចំនួន៧៣៥នាក់៕

ដោយ ៖ សំអឿន