ព័ត៌មានជាតិ
ក្រសួងអប់រំ ប្រកាសទទួលស្គាល់សាលារៀនចំនួន ១៤៤ ជាប់ស្តង់ដារសាលារៀនគំរូ
ក្រសួងអប់រំ យុវជន និងកីឡា បានប្រកាសទទួលស្គាល់សាលារៀនចំនួន ១៤៤ ជាប់ស្តង់ដារសាលារៀនគំរូ និងជំរុញ និងលើកទឹកចិត្តដល់សាលារៀនដទៃទៀត បន្តធ្វើការកែលម្អ និងអនុវត្តឱ្យបានពេញលេញនូវស្តង់ដារ សាលារៀនគំរូ នៅឆ្នាំបន្តបន្ទាប់ទៀត។
ការប្រកាសទទួលស្គាល់សាលារៀនចំនួន ១៤៤ ជាប់ស្តង់ដារសាលារៀនគំរូនេះ ត្រូវបានធ្វើឡើងនៅក្នុងពិធីបើកសន្និបាតបូកសរុបការងារអប់រំ យុវជន និងកីឡា ឆ្នាំសិក្សា ២០២៣-២០២៤ និងទិសដៅឆ្នាំសិក្សា ២០២៤-២០២៥ នៅវិទ្យាស្ថានបច្ចេកវិទ្យាកម្ពុជា នៅព្រឹកថ្ងៃទី ២៤ ខែកុម្ភៈ ឆ្នាំ ២០២៥ ក្រោមអធិបតីភាពលោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។
ក្នុងពិធីបើកសន្និបាត លោកឧបនាយករដ្ឋមន្ត្រី បានមានប្រសាសន៍ថា សាលារៀនចំនួន ១៤៤ ជាប់ស្តង់ដារសាលារៀនគំរូ រួមមាន សាលាមត្តេយ្យសិក្សា ២៤ សាលាបឋមសិក្សា ៥០ អនុវិទ្យាល័យ ៥ វិទ្យាល័យ ៦០ និងសាលាគរុកោសល្យ ៥។ ក្រសួងសូមលើកចិត្តឱ្យសាលារៀនទាំង ១៤៤ និងសាលារៀនដទៃទៀត បន្តធ្វើការកែលម្អ និងអនុវត្តឱ្យបានពេញលេញនូវស្តង់ដារសាលារៀនគំរូ នៅឆ្នាំបន្តបន្ទាប់ទៀត។
លោកឧបនាយករដ្ឋមន្ត្រី បានបន្តថា ជាមួយគ្នានេះ រាជរដ្ឋាភិបាលកម្ពុជា បានបង្កើតគណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំរបស់រាជរដ្ឋាភិបាល នីតិកាលទី ៧ នៃរដ្ឋសភា (គ.វ.អ.) ដែលដឹកនាំផ្ទាល់ដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីធ្វើការកែទម្រង់ និងដាក់ចេញនូវវិធានគន្លឹះសម្រាប់វិស័យអប់រំពីកម្រិតមត្តេយ្យសិក្សាដល់កម្រិតមធ្យមសិក្សា ដោយផ្ដោតទៅលើការពង្រឹងជំនាញទន់របស់សិស្ស ការពង្រឹងអភិបាលកិច្ចសាលារៀនសកម្មភាពក្រៅម៉ោងសិក្សា និងការចូលរួមពីសហគមន៍។
ទន្ទឹមនឹងនេះ លេខាធិការដ្ឋាន គ.វ.អ. បានចុះជ្រើសរើសសាលាបឋមសិក្សាគោលដៅចំនួន ៤២ សាលា នៅបណ្តារាជធានី-ខេត្តចំនួន ៩ នៅឆ្នាំសិក្សា ២០២៣-២០២៤ សម្រាប់ការអនុវត្តជំហានដំបូង ដោយផ្តោតលើកម្មវិធីក្រៅម៉ោងសិក្សា ចំនួន ២ ម៉ោងបន្ថែម រួមមាន វិន័យ សីលធម៌ ចរិយាធម៌ ការងារស្ម័គ្រចិត្ត ការចូលរួមពីសហគមន៍។ ក្នុងឆ្នាំសិក្សា ២០២៤-២០២៥ សាលារៀន គោលដៅ គវអ. បានពង្រីកដោយប្រើប្រាស់យុទ្ធសាស្ត្រផ្ការីក ដល់សាលាបឋមសិក្សាចំនួន ១៦១ ក្នុង ២៥ រាជធានី-ខេត្ត។
កាលពីសន្និបាតអប់រំនៅខែមេសា ឆ្នាំ ២០២៤ ក្រសួងអប់រំ បានវាយតម្លៃ និងទទួលស្គាល់សាលាគំរូចំនួន ១២០ ក្នុងនោះរួមមាន មត្តេយ្យសិក្សា ១០ បឋមសិក្សា ៤០ អនុវិទ្យាល័យ ១៥ និងវិទ្យាល័យ ៥៥។
គួរបញ្ជាក់ថា ក្នុងគោលដៅគាំទ្រការអនុវត្តស្តង់ដារសាលាគំរូទាំងបីកម្រិតក្រសួងអប់រំបានចេញសេចក្តីណែនាំស្តីពីការអនុវត្តស្តង់ដារសាលារៀនគំរូ,ប្រកាសស្តីពីការដាក់ឱ្យអនុវត្តស្តង់ដារសាលារៀនគំរូ, បង្កើតគណៈកម្មការដឹកនាំ និងគណៈកម្មការបច្ចេកទេសអនុវត្តស្តង់ដារសាលារៀនគំរូទាំងបីកម្រិត,ក្រុមការងារចុះជួយគាំទ្រតាមតំបន់ទាំង ៥ ដែលមានសមាសភាពចម្រុះពីថ្នាក់ជាតិថ្នាក់រាជធានី-ខេត្ត គ្រូប្រឹក្សាគរុកោសល្យ គ្រូឧទ្ទេស នាយកល្អ គ្រូបង្រៀនល្អ ព្រមទាំងអ្នកឯកទេសនានា។ ក្រសួង ក៏បានអភិវឌ្ឍន៍ឯកសារ និងឧបករណ៍គាំទ្រនានាក្នុងការអនុវត្តសាលាគំរូ ដើម្បីផ្តល់ជូនសាលារៀន និងអ្នកពាក់ព័ន្ធតាមគ្រប់ទិដ្ឋភាព៕
អត្ថបទ ៖ សំអឿន
UN សរសើរកម្ពុជាពីគំរូនៃការជំរុញប្រព័ន្ធគាំពារសង្គម និងការងារសមរម្យ
ដំណើរទស្សនកិច្ចលោក ស៊ី ជីនពីង អ្នកវិភាគ រំពឹងថា នឹងជួយទាញវិនិយោគិនចិនមកកម្ពុជាកាន់តែច្រើន
កម្ពុជា-ម៉ាឡេស៊ីដាក់ឱ្យដំណើរការជាផ្លូវការការទូទាត់ឆ្លងដែនតាមឃ្យូអរកូតដំណាក់កាលទី២
តួឯកស្រីក្នុងរឿង «Marry My Husband» សារភាពត្រង់ៗថា មុខមាត់ស្អាតឆ្លងកាត់កាំបិតសុទ្ធសាធ
កម្ពុជារំពឹងទទួលបានទេសចរចិនជាង ១ លាន នាក់មកទស្សនាក្នុងឆ្នាំ២០២៥នេះ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា