ព័ត៌មានជាតិ
ពលរដ្ឋជាង៥០គ្រួសារផ្ទុះការតវ៉ាខណៈគ្រឿងចក្រជីកកាយយកអាចម៍ដីធ្វើឲ្យប៉ៈពាល់ដីដែលកំពុងអាស្រ័យផល
ប្រជាពលរដ្ឋដែលកំពុងអាស្រ័យផល(កសិកម្ម)ក្នុងបរិវេណទំនប់អូរច្រនៀងប្រមាណជាង៥០គ្រួសារ បាននាំគ្នាតវ៉ាខណៈដែលមានគ្រឿងចក្រ(អាអិច)ជិត១០គ្រឿងធ្វើសកម្មភាពជីកកាយយកអាចម៍ដីដឹកតាមរថយន្តបែនយកទៅលក់ ធ្វើឲ្យប៉ះពាល់ដល់ដីដែលធ្លាប់អាស្រ័យផលនាពេលកន្លងមក។
ការផ្ទុះការតវ៉ានេះបានកើតឡើងនៅព្រឹកថ្ងៃទី២១ ខែមីនា ឆ្នាំ២០២១ ត្រង់ចំណុចអាងទំនប់អូរច្រនៀង ស្ថិតក្នុងភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។
ទាក់ទិននឹងករណីដូចខាងលើ យោងតាមសំដីរបស់ប្រជាពលរដ្ឋបាននិយាយថា ទីតាំងបរិវេណអាងទំនប់នេះ កន្លងមកពួកគាត់បានអាស្រ័យផលដូចជាការធ្វើស្រូវពង្រោះឬដាំដំណាំរួមផ្សំផ្សេងៗ ប៉ុន្តែពេលនេះត្រូវគ្រឿងចក្រជាច្រើនគ្រឿងបានចុះទៅជីកកាយយកអាចម៍ដីដឹកជញ្ជូនតាមរថយន្តបែនយកទៅលក់រាប់សិបគ្រឿង។
ប្រភពបានបញ្ជាក់ទៀតថា ការជីកយកអាចម៍ដីខាងលើនេះពួកគាត់មិនដឹងថា ម្ចាស់គ្រឿងចក្រមានបំណងបែបណានោះទេ ដោយគ្រឿងចក្រទាំងនោះបានជីកកាយដីក្នុងសភាពរដិករដុបជាច្រើនកន្លែងតាមទំនើងចិត្ត ថែមទាំងពុំមានអាជ្ញាធរណាជូនដំណឹងជាមុនឡើយ។
ទោះជាបែបណា ពលរដ្ឋដដែលបានសង្កត់ធ្ងន់ថា ថ្វីត្បិតដីដែលពួកគាត់អាស្រ័យផល ចំណុចបរិវេណអាងទំនប់អូរច្រនៀង ឃុំកំពង់ត្រាចខាងលិច ជាដីរបស់រដ្ឋយ៉ាងនេះក្តី តែចំណុចនេះពួកគាត់ធ្លាប់បានដាំដុះអាស្រ័យផលជាច្រើនឆ្នាំមកហើយ។ដូច្នេះបើរដ្ឋបាលស្រុកកំពង់ត្រាចត្រូវអភិវឌ្ឍន៍អ្វីមួយ ក៏គួរតែជូនដំណឹងជាមុនសិន មិនមែនអនុញ្ញាតឲ្យក្រុមហ៊ុនដែលមានគ្រឿងចក្រចុះទៅជីកយកអាចម៍ដីបង្កផលប៉ៈពាល់ដល់ដីដែលគាត់ធ្លាប់អាស្រ័យផលបែបនេះឡើយ។
ជុំវិញរឿងរ៉ាវខាងលើ លោក អូន ខន អភិបាលស្រុកកំពង់ត្រាច បានប្រាប់កម្ពុជាថ្មី តាមទូរស័ព្ទនៅព្រឹកថ្ងៃទី២១ ខែមីនា ឆ្នាំ២០២១ ថា តាមពិតកិច្ចការស្តារអាងទំនប់អូរច្រនៀង ក្នុងឃុំកំពង់ត្រាចខាងលិចនេះ ពិតជាគម្រោងរបស់ស្រុកដែលតម្រូវឲ្យក្រុមហ៊ុនគ្រឿងចក្រនានា ទទួលអនុវត្តការងារនេះជាលក្ខណៈសហការដោះដូរ ព្រោះតែរដ្ឋបាលស្រុកគ្មានថវិកាសម្រាប់ចំណាយលើការស្តារអាងទំនប់សម្រាប់ស្តុកទឹកជូនពលរដ្ឋប្រើប្រាស់បានឡើយ តែការជីកស្តារទំនប់នេះរដ្ឋបាលស្រុកបានកំណត់ឲ្យម្ចាស់គ្រឿងចក្រជីកកាយយកដីស្របទៅតាមលក្ខណៈស្តង់ដារបច្ចេកទេស ពោលគឺមិនមែនចេះតែជីកកាយយកអាចម៍ដីដូចក្នុងរូបភាពនេះឡើយ។
ចំពោះករណីនេះ រដ្ឋបាលស្រុកកំពង់ត្រាច ក៏បានបញ្ជាដល់ផ្នែកពាក់ព័ន្ធចុះទៅផ្អាកកុំឲ្យគ្រឿងចក្រដំណើរការជីកយកអាចម៍ដីបន្តទៀត ដោយរង់ចាំការត្រួតពិនិត្យ និងការកំណត់ជាថ្មី ដើម្បីឲ្យគ្រឿងចក្រជីកស្តារទំនប់ទៅតាមលក្ខខណ្ឌ ស្របតាមស្តង់ដារបច្ចេកទេស៕
អត្ថបទ ៖ សេង ណារិទ្ធ
កុមារា អាយុ ៩ឆ្នាំម្នាក់ លង់ទឹកស្លាប់នៅស្រុកឆ្លូង
សំណាកចំណីអាហារ១២មុខ ត្រូវបានមន្ត្រីជំនាញពិនិត្យរកសារធាតុហាមឃាត់
អបអរសាទរ! U20 កម្ពុជា បានឈ្នះ បារ៉ែន បង្កើតក្តីសង្ឃឹមឡើងវគ្គបន្ត
តុលាការកាត់ទោសបុរសស្រវឹងបើករថយន្តបុកមនុស្សស្លាប់៤នាក់នៅស្ពានអាកាសឬស្សីកែវ ឱ្យជាប់ពន្ធធនាគា៥ឆ្នាំ
លោក លី ធុជ៖ សម្ដេចធិបតី ជាមេដឹកនាំសកម្មក្នុងការអំពាវនាវឱ្យបណ្តាប្រទេសនានាគាំទ្រដល់អនុសញ្ញាអូតាវ៉ា
លោក លៀក លីដា បង្ហាញការខកចិត្តចំពោះការរិះគន់របស់ Allan
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ភាគកណ្តាលវៀតណាម មានមនុស្សស្លាប់ដោយសារទឹកជំនន់ ខណៈជាង ១ម៉ឺននាក់ ត្រូវជម្លៀស
-
ព័ត៌មានជាតិ៧ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ២០ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ជីវិតកម្សាន្ដ១៩ ម៉ោង agoលោក លៀក លីដា បង្ហាញការខកចិត្តចំពោះការរិះគន់របស់ Allan