ព័ត៌មានជាតិ
លោក ហេង សួរ ៖ ចំណុចស្នូល នៃការសិក្សារបស់ TVET គឺ រៀនទ្រឹស្ដីតិច អនុវត្តច្រើន ហាត់ការជាក់ស្ដែងរយៈពេលខ្លី អាចចេញប្រកបការងារឆាប់
លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បញ្ជាក់ថា ចំណុចស្នូល នៃការសិក្សារបស់ TVET គឺ រៀនទ្រឹស្ដីតិច ការអនុវត្តច្រើន និងចុះហាត់ការជាក់ស្ដែង ក្នុងរយៈពេលខ្លី ដើម្បីអាចចេញប្រកបការងារបានឆាប់។
ការបញ្ជាក់នេះ ក្នុងឱកាស លោក ហេង សួរ បានអញ្ជើញជាអធិបតីក្នុងពិធីប្រគល់សញ្ញាបត្រថ្នាក់សញ្ញាបត្របច្ចេកទេស និងវិជ្ជាជីវៈ ១,២,៣ សញ្ញាបត្រជាន់ខ្ពស់បច្ចេកទេស និងបរិញ្ញាបត្របច្ចេកទេស ជូនដល់សិស្ស-និស្សិត នៃវិទ្យាស្ថានពហុបច្ចេកទេសខេត្តកំពង់ធំ ចំនួន ៣៥០ អង្គ/នាក់ នៅវិទ្យាស្ថានពហុបច្ចេកទេសខេត្តកំពង់ធំ កាលពីព្រឹកថ្ងៃទី ២៤ ខែកុម្ភៈ ឆ្នាំ ២០២៥។
នាឱកាសនោះ លោក ហេង សួរ បានអបអរសាទរចំពោះសមិទ្ធផលប្រកបដោយផ្លែផ្កាដែលសិស្ស-និស្សិតជ័យលាភីទាំងអស់ទទួលសញ្ញាបត្រ ដើម្បីជាគ្រឹះសម្រាប់សិស្ស-និស្សិតផ្ទាល់ខ្លួន និងសម្រាប់ក្រុមគ្រួសារ ព្រមទាំងសង្គមជាតិ។
លោក ហេង សួរ បញ្ជាក់ថា ចំណុចស្នូល នៃការសិក្សារបស់ TVET គឺ រៀនទ្រឹស្ដីតិច ការអនុវត្តច្រើន និងចុះហាត់ការជាក់ស្ដែងក្នុងរយៈពេលខ្លី ដើម្បីអាចចេញប្រកបការងារបានឆាប់។ ទន្ទឹមនេះ កម្មវិធី TVET គឺជាកិច្ចការអាទិភាពមួយ ដែលរាជរដ្ឋាភិបាល តាមរយៈក្រសួងការងារ និងបណ្ដុះបណ្ដាលវិជ្ជាជីវៈ កំពុងជំរុញយ៉ាងសកម្មជាមួយនឹងមន្ត្រីថ្នាក់ជាតិ ខេត្ត ក៏ដូចជារាល់បណ្ដាគ្រឹះស្ថាន TVET នានា ទូទាំងប្រទេស ដើម្បីយុវជនជំនាន់ក្រោយ ដើម្បីគ្រួសារ ដើម្បីសហគមន៍ ដើម្បីការរីកចម្រើនសេដ្ឋកិច្ចក្នុងខេត្តកំពង់ធំ និងនៅទូទាំងប្រទេស។
លោករដ្ឋមន្ត្រី ក៏បានអំពាវនាវ និងលើកទឹកចិត្តដល់យុវជន ក៏ដូចជាអ្នកប្រកបរបរសេដ្ឋកិច្ចក្រៅប្រព័ន្ធ គឺអាចចាប់យកជំនាញបច្ចេកទេស និងវិជ្ជាជីវៈ ដែលផ្ដល់នូវជំនាញមួយយ៉ាងតិចប្រចាំជីវិត ស្របទៅនឹងទីផ្សារការងារកំពុងត្រូវការ ឱកាសការងារធ្វើ និងប្រាក់ចំណូលសមរម្យ។
លោករដ្ឋមន្ត្រី សង្ឃឹមថា តាមរយៈអគារសិក្សាថ្មី នៃវិទ្យាស្ថានពហុបច្ចេកទេសខេត្តកំពង់ធំ ដែលមានកម្ពស់ ៥ ជាន់ បំពាក់ដោយសម្ភារៈ បរិក្ខារសិក្សាទំនើបៗ នឹងកាន់តែជំរុញគុណភាពសិក្សាជំនាញបច្ចេកទេស និងវិជ្ជាជីវៈរបស់សិស្ស-និស្សិត ក្នុងខេត្តកំពង់ធំ។
ជាមួយនេះ លោករដ្ឋមន្ត្រី ក៏បានប្រកាសផ្តល់ជូនកុំព្យូទ័រចំនួន ៤០ គ្រឿង ដែលជាអំណោយរបស់ សម្តេចមហាបវរធិបតី ជូនដល់វិទ្យាល័យកំពង់ធំ សម្រាប់ឲ្យ គ្រូ និងសិស្ស ក្នុងវិទ្យាល័យនេះធ្វើការសិក្សាស្រាវជ្រាវមុខវិជ្ជាផ្សេងៗ ជាពិសេសការសិក្សាស្វែងយល់កាន់តែច្បាស់ពីវិស័យ TVET ផងដែរ។
គួរជម្រាបថា សមិទ្ធផលខាងលើទាំងអស់នេះ គឺជាសក្ខីភាពថ្មីមួយទៀតក្នុងការបង្ហាញឲ្យឃើញនូវការប្ដេជ្ញាចិត្ត និងការយកចិត្តទុកដាក់ខ្ពស់របស់រាជរដ្ឋាភិបាលដែលមានក្រសួងការងារ និងបណ្ដុះបណ្ដាលវិជ្ជាជីវៈ ជាសេនាធិការក្នុងការពង្រឹង និងពង្រីកវិស័យអប់រំបណ្ដុះបណ្ដាលបច្ចេកទេស និងការអភិវឌ្ឍធនធានមនុស្សនៅកម្ពុជា។
ចំពោះពិធីប្រគល់សញ្ញាបត្រជូនដល់សិស្ស-និស្សិត នេះ មានវត្តមានចូលរួមពី លោក ផាន់ ផល្លា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ , ថ្នាក់ដឹកនាំ នៃក្រសួងការងារ និងបណ្ដុះបណ្ដាលវិជ្ជាជីវៈ , លោក ជា វ៉ាន់ចាន់ អភិបាលរង នៃគណៈអភិបាលខេត្តកំពង់ធំ , អាជ្ញាធរមូលដ្ឋាន , តំណាងសមាគម , តំណាងក្រុមហ៊ុន , តំណាងមន្ទីរនានា , គ្រឹះស្ថានអប់រំ , នាយកវិទ្យាស្ថាន គណៈគ្រប់គ្រងវិទ្យាស្ថាន លោកគ្រូ អ្នកគ្រូ សិស្ស និស្សិត នៃវិទ្យាស្ថានពហុបច្ចេកទេសខេត្តកំពង់ធំ និងសិស្សវិទ្យាល័យកំពង់ធំ សរុបជាង ១ ៧០០ នាក់៕
អត្ថបទ ៖ ពិសី
លោក ហេង សួរ ៖ ចំណុចស្នូល នៃការសិក្សារបស់ TVET គឺ រៀនទ្រឹស្ដីតិច អនុវត្តច្រើន ហាត់ការជាក់ស្ដែងរយៈពេលខ្លី អាចចេញប្រកបការងារឆាប់
វៀតណាមរំពឹងពីកំណើនការនាំចេញជីកសិកម្ម ចំពេលតម្លៃកើនឡើង
កម្ពុជាដាក់ឱ្យដំណើរការរបាយការណ៍ពាណិជ្ជកម្មតាមប្រព័ន្ធអេឡិចត្រូនិក (E-Commerce)
ទីប្រឹក្សាអាជ្ញាធរជាតិគ្រឿងញៀន បង្ហាញយុទ្ធសាស្ត្រ៦ចំណុចពាក់ព័ន្ធការងារប្រយុទ្ធប្រឆាំងគ្រឿងញៀន
អ្នកជំនាញ៖ អតិផរណាខ្ពស់ក្នុងខែមករានឹងប៉ះពាល់ដល់ស្ថិរភាពម៉ាក្រូសេដ្ឋកិច្ច
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
តារាកំប្លែងជើងចាស់ ស្រីទូច និងនាយត្រដក់ ថ្លែងអំណរគុណ លោកជំទាវអ្នកឧកញ៉ា ម៉ៅចំណាន គិតម៉េង ដែលបញ្ចប់វិវាទដ៏រ៉ាំរ៉ៃចប់ជាស្ថាពរ
អគ្គិភ័យឆេះផ្ទះលក់ដូរអីវ៉ាន់ចាប់ហួយមួយនៅខេត្តត្បូងឃ្មុំ ខាតបង់ទឹកប្រាក់សរុបប្រមាណ ៣៥០០០ ដុល្លារ
បុរសម្នាក់ ដុតផ្ទះជីតាខ្លួន និងអ្នកជិតខាងចំនួន ២ខ្នង ឆេះខ្ទេចគ្មានសល់ នៅស្រុកអណ្ដូងមាស
មានការផ្ទុះនៅស្ថានកុងស៊ុលរុស្ស៊ី ក្នុងប្រទេសបារាំង
-
ព័ត៌មានជាតិ១ សប្តាហ៍ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៧ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម១ សប្តាហ៍ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៧ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ២ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ចរាចរណ៍៥ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម៥ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
-
ព័ត៌មានអន្ដរជាតិ១ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត