ព័ត៌មានជាតិ
តើសៀវភៅការងារជនជាតិខ្មែរ មានអត្ថប្រយោជន៍អ្វីខ្លះ?
សៀវភៅការងារ គឺជាកូនសៀវភៅមួយតូចដែលជាកម្មកសិទ្ធរបស់បុគ្គលិក កម្មករនិយោជិត។ ក្នុងនោះមានកំណត់ត្រាអំពី ឈ្មោះក្រុមហ៊ុនដែលធ្លាប់បម្រើការងារ កាលបរិច្ឆេទ ប្រាក់បៀវត្ស តួនាទី អត្ថប្រយោជន៍ផ្សេងៗទាំងពេលចាប់ផ្តើម និងពេលលាឈប់។
សៀវភៅការងារ មានលេខកូដរបស់ក្រសួងការងារ ដែលជាលេខចាំបាច់សម្រាប់និយោជក ឬបុគ្គលិករដ្ឋបាល ក្នុងការប្រកាសបុគ្កលិកចេញចូលទៅមន្ទីរ ឬក្រសួងការងារ ពីព្រោះរាល់ពេលមានបុគ្គលិកថ្មី ឬមានបុគ្គលិកណាម្នាក់លាឈប់ និយោជកត្រូវតែប្រកាសជូនទៅមន្ទីរ ឬក្រសួងការងារ ហើយជាចាំបាច់ទាមទារឱ្យនិយោជក ត្រូវតែបំពេញព័ត៌មាននានារបស់បុគ្គលិកនោះ ដោយត្រូវបំពេញលេខកូដសៀវភៅការងាររបស់បុគ្គលិកម្នាក់នោះផងដែរ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានប្រាប់«កម្ពុជាថ្មី»ថា សៀវភៅការងារមានអត្ថប្រយោជន៍ សម្រាប់សម្គាល់អត្តសញ្ញាណសាមីខ្លួនក្នុងវិស័យការងារ និងសម្រាប់កត់ត្រាប្រភេទការងារដែលបានចុះកិច្ចសន្យាធ្វើ មុខងារ/តួនាទី ប្រាក់ឈ្នួល និងការចុះកិច្ចសន្យាបន្តៗមកទៀត។ ជាពិសេសសម្រាប់កត់ត្រាអំពីប្រវត្តិការងារ និងបទពិសោធន៍ការងារដែលធ្លាប់ធ្វើ ដែលអាចឱ្យគាត់ទទួលបានប្រាក់ឈ្នួលសមរម្យជាងមុននៅពេលផ្លាស់ប្តូរការងារ។
លោកបន្តថា កម្មករនិយោជិត ត្រូវមានសៀវភៅការងារ ព្រោះជាកាតព្វកិច្ចតម្រូវដោយច្បាប់ ដែលមានចែងក្នុងមាត្រា៣២ នៃច្បាប់ស្តីពីការងារ (ជនដែលមានសញ្ជាតិខ្មែរ ធ្វើការយកប្រាក់ឈ្នួលពីនយោជកណាមួយ ត្រូវតែមានសៀវភៅការងារ។ ជនណាក៏ដោយមិនអាចប្រើប្រាស់កម្មករនិយោជិតដែលមិនប្រតិបត្តិតាមប្បញ្ញត្តិនៃកថាខ័ណ្ឌខាងលើនេះបានទេ)។
បើតាមអ្នកនាំពាក្យដដែល លក្ខខណ្ឌដើម្បីទទួលបានសៀវភៅការងារ គឺជាជនជាតិខ្មែរដែលធ្វើការយកឈ្នួលពីនិយោជកណាមួយ (អនុឡោមតាមមាត្រា៣២នៃច្បាប់ស្តីពីការងារ) និងត្រូវចូលស្នើសុំតាមប្រព័ន្ធគ្រប់គ្រងទិន្នន័យរួមពាក់ព័ន្ធវិស័យការងារ (LACMS) ដែលមានគេហទំព័រ https://lacms.mlvt.gov.kh នៅសេវាលេខរៀងទី៦ ដោយត្រូវភ្ជាប់ឯកសារដូចជា អត្តសញ្ញាណប័ណ្ណសញ្ជាតិខ្មែរ, វិញ្ញបនបត្រមុខរបរកម្មករនិយោជិតខ្មែរ (ចេញដោយនិយោជក) និងរូបថត ៤x៦ ចំនួន ១សន្លឹក៕
អត្ថបទ៖ គេន ម៉ាលិះ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?