ព័ត៌មានជាតិ

មុខសញ្ញាចាយលុយសែនពេលរាត្រី ត្រូវពលរដ្ឋចាប់បានពីរនាក់

បានផុស

១ ខែ មុន

នៅ

ថ្ងៃពុធ ២៦ កុម្ភៈ ២០២៥

ដោយ

ជនសង្ស័យចំនួន២នាក់ដែលជាមុខសញ្ញាបន្លំយកលុយសែន(លុយក្លែងក្លាយ)ដើរចាយពេលរាត្រី ត្រូវបានប្រជាពលរដ្ឋឃាត់ខ្លួនបាន២នាក់ រួចប្រគល់ឲ្យសមត្ថកិច្ច ក្រោយពីបានជិះម៉ូតូកង់បី របស់បុរសចំណាស់ម្នាក់។ ហេតុការនេះបង្កឲ្យមានការភ្ញាក់ផ្អើលកាលពីវេលាម៉ោង១១និង៣០នាទីយប់ ថ្ងៃទី២៥ ខែកុម្ភៈ ឆ្នាំ២០២៥ នៅផ្លូវសហព័ន្ធរុស្ស៊ី ផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីម្ចាស់ម៉ូតូកង់បីបាននិយាយប្រាប់ថា នៅមុនពេលកេីតហេតុគាត់ឃេីញបុរស២នាក់ ឈរជិតផ្សារផ្លូវ ១០០២ សង្កាត់ភ្នំពេញថ្មី ហើយពួកគេបានហៅម៉ូតូកង់បីរបស់គាត់ជិះមកម្តុំផ្សារទឹកថ្លា ក្នុងតម្លៃ៥ពាន់រៀល។ លុះពេលដឹកមកដល់នៅផ្សារទឹកថ្លា ជនសង្ស័យម្នាក់បានយកលុយដុល្លារក្រដាស់៥ដុល្លារអោយគាត់ តែគាត់ពុំមានលុយអាប់។

បុរសម្ចាស់កង់បីបានបន្តថា នៅពេលនោះគាត់បានឱ្យជនសង្ស័យទៅដូរឱ្យគាត់ តែដោយមានការសង្ស័យគាត់ក៏យកលុយមកពិនិត្យ ដោយគាត់និយាយថា លុយក្លែងក្លាយទេក្មួយ ចំណែកឯក្រុមជនសង្ស័បានតបវិញថា លុយក្លែងក្លាយឯណា គេទេីបដូរអោយមុននឹងមិញ។ ម្ចាស់ម៉ូតូកង់បីបានពិនិត្យម្តងទៀត ទើបដឹងថា ពិតជាលុយដុល្លារសែនមែន ស្រាប់តែជនសង្ស័យទាំង២នាក់នាំគ្នារត់តែម្តង។

ភ្លាមៗបុរសម្ចាស់កង់បីបានស្រែកឱ្យគេជួយចាប់ ទើបផ្អើលប្រជាពលរដ្ឋជួយដេញចាប់បានជនសង្ស័យទាំង២ និងឆែកឆេររកឃើញលុយដុល្លារសែនជាច្រើនសន្លឹក។ ជនសង្ស័យបាននិយាយថា មកពីពួកខ្លួនអត់លុយ និងមិនដឹងរកវិធីអ្វីទើបប្រើវិធីបែបនេះ។ ក្រោយពេលកេីតហេតុប្រជាពលរដ្ឋបានទាក់ទងទៅសមត្ថកិច្ចនគរបាលប៉ុស្តិ៍ភ្លាមៗ និងប្រគល់ជនសង្ស័យ២នាក់ឲ្យសមត្ថកិច្ចយកទៅសួរនាំនៅប៉ុស្តិ៍នគរបាលសង្កាត់ទឹកថ្លាដេីម្បីចាត់ការតាមនិតិវិធីបន្ត៕

អត្ថបទ៖ សំណាង

Related Topics:លុយក្លែងក្លាយ