ព័ត៌មានជាតិ
ផ្ទះទាំង៤របស់តាម៉ុក និងរូបថត១០០សន្លឹកបានក្លាយជាសារមន្ទីរប្រវត្តិសាស្ត្រអន្លង់វែង
សារមន្ទីរប្រវត្តិសាស្ត្រអន្លង់វែងបច្ចុប្បន្នកំពុងមានការចាប់អារម្មណ៍ខ្លាំងពីប្រជាពលរដ្ឋខ្មែរយើងដែលចូលទៅទស្សនាដែលឋិតនៅក្នុងស្រុកអន្លង់វែង ខេត្តឧត្តរមានជ័យ ដែលក្នុងនោះសារមន្ទីរប្រវត្តិសាស្ត្រអន្លង់វែងបានបង្ហាញពីផ្ទះទាំង៤របស់តាម៉ុក និងបង្ហាញពីរូបថត១០០សន្លឹកដែលបន្សល់ទុករំលឹកឲ្យកូនខ្មែរចងចាំទុកនិងការអប់រំដែលអាចជួយលើកកម្ពស់ ការយល់ដឹងនិងជាការឆ្លុះបញ្ចាំងស៊ីជម្រៅដោយបានបង្ហាញពីអតីតកាលដ៏ជូចត់នៃសម័យកាលវាលពិឃាត៣ឆ្នាំ៨ខែ២០ថ្ងៃ។
គួររំលឹកថា បន្ទាប់ពីការធ្វើសមាហរណកម្មរបស់តំបន់អន្លង់វែងនៅក្នុងឆ្នាំ១៩៩៨ ផ្ទះតាម៉ុកត្រូវបានប្រែក្លាយទៅជាសារមន្ទីរ២ឆ្នាំក្រោយមក។ចំណុចចាប់ផ្តើមនៃសារមន្ទីរនេះគឺមានត្រឹមតែជាសម្បកផ្ទះរបស់តាម៉ុកប៉ុណ្ណោះ ប៉ុន្តែគ្មានព័ត៌មានផ្សេងៗនៅឡើយទេ។ តែទោះជាយ៉ាងណាក៏ដោយ សារមន្ទីរនេះបានក្លាយជាទីតាំងដែលមានមនុស្សចូលទស្សនាច្រើនបំផុត បើប្រៀបធៀបទៅនឹងទីតាំងទេសចរណ៍ប្រវត្តិសាស្ត្រចំនួន១៤កន្លែងផ្សេងទៀត នៅក្នុងស្រុកអន្លង់វែង ។ សារមន្ទីរនេះទទួលបានភ្ញៀវចូលទស្សនារាប់ម៉ឺននាក់ក្នុង១ឆ្នាំៗហើយប្រជាជនកម្ពុជាមានចំនួនច្រើនលើសលប់។ ដោយសារតែមានភាពចាំបាច់ដើម្បីធ្វើឲ្យសារមន្ទីរនេះមានភាពរស់រវើកឡើងវិញតាមរយៈការស្វែងយល់ឲ្យកាន់តែគ្រប់ជ្រុងជ្រោយថែមទៀតអំពីប្រវត្តិសាស្ត្រនៃសង្គ្រាមនិងសន្តិភាពនៅក្នុងប្រទេសកម្ពុជា មជ្ឈមណ្ឌលសន្តិភាពអន្លង់វែងដែលជាគំនិតផ្តួចផ្តើមរបស់មជ្ឈមណ្ឌលឯកសារកម្ពុជានិងក្រសួងទេសចរកំពុងបោះមួយជំហានទៅមុខទៀតក្នុងការដាក់តាំងពិព័រណ៍រូបថត១០០សន្លឹកនេះ។
តាមឯកសារបានបង្ហាញថាផ្ទះទី១ មានទ្រង់ទ្រាយជារោងដែលមានតែដំបូលគ្មានជញ្ជាំង។ នៅខាងមុខផ្ទះនេះភ្ញៀវទេសចរនឹងឃើញផ្ទាំងព័ត៌មានបង្ហាញពីព្រឹត្តិការណ៍សំខាន់ក្នុងប្រវត្តិសាស្ត្រក៏ដូចជាផែនទីនៃទីតាំងប្រវត្តិសាស្ត្រទាំង១៨ កន្លែងក្នុងស្រុកអន្លង់វែង នៅខាងក្នុងផ្ទះមានឡានបាក់បែកមួយដែលមានស្លាកថា« ស្ថានីយ៍វិទ្យុចល័តរបស់ ប៉ុល ពត » នៅខាងស្តាំដៃនឹងមានទ្រុងដែកពីរ នៅខាងឆ្វេងដៃទ្រុងដែកទាំងពីរនេះត្រូវបានចងចាំថាទ្រុងសម្រាប់ឃុំឃាំងអ្នកទោសសំខាន់ពីរនាក់របស់តាម៉ុកឈ្មោះ សូ សារឿន ហៅ« តា០៥ » និងមៀច សាន ហៅ « តា០៦ » ។ អ្នកទាំងពីរនេះជាអតីតមេទ័ពរបស់ប៉ុល ពត អតីតនាយករដ្ឋមន្ត្រីនៃកម្ពុជាប្រជាធិបតេយ្យហើយមានការជឿជាក់ថាអ្នកទាំងពីរជាអ្នកទទួលខុសត្រូវចំពោះការសម្លាប់សុន សេន ដែលជាអតីតឧបនាយករដ្ឋមន្ត្រីទទួលបន្ទុកការពារជាតិនៃកម្ពុជាប្រជាធិបតេយ្យ។
ផ្ទះទី២បានបង្ហាញថាមានបន្ទប់មួយដែលលម្អដោយរូបគំនូរនៃប្រាសាទអង្គរវត្ត និងប្រាសាទព្រះវិហារ។នៅលើជញ្ជាំងមួយទៀតមានស្លាកព័ត៌មានមួយចង្អុលបង្ហាញឲ្យភ្ញៀវទេសចរឡើងទៅជាន់លើដែលមានដាក់តាំងពិព័រណ៍រូបថត ចាប់ផ្តើមចេញពីសម័យកាលមុនខ្មែរក្រហម។ នៅក្រៅបន្ទប់ដេករបស់តាម៉ុក មានរូបថតមន្ត្រីរបស់របបសាធារណរដ្ឋខ្មែរ(១៩៧០ដល់១៩៧៥)ដែលដឹកនាំដោយលោកសេនាប្រមុខលន់ នល់។ មុននឹងចុះទៅជាន់ក្រោមវិញទេសចរអាចទស្សនារូបថតដែលបង្ហាញពីការចាប់ផ្តើមនៃរបបកម្ពុជាប្រជាធិបតេយ្យនៅដើមឆ្នាំ១៩៧៥។
ផ្ទះទី៣ មានដាក់តាំងរូបថតដែលបង្ហាញពីរបបកម្ពុជាប្រជាធិបតេយ្យនិងចលនាខ្មែរក្រហមរហូតដល់ចុងបញ្ចប់នៃចលនានេះនៅឆ្នាំ១៩៩៨។ ចាប់ផ្តើមចេញពីជញ្ជាំងនៅខាងស្តាំដៃពិព័រណ៍រូបថតបង្ហាញពីទិដ្ឋភាពនៅដើមឆ្នាំ១៩៧៥ និងបន្តរហូតដល់ចន្លោះឆ្នាំ១៩៧៦និងឆ្នាំ១៩៧៧។រូបភាពដែលមានពណ៌បង្ហាញពីអំលុងឆ្នាំ១៩៧៨នៅពេលដែលអ្នកកាសែតកុម្មុយនិស្តនិយមឈ្មោះ ហ្វូនណា បឺតស្ត្រម មកធ្វើទស្សនកិច្ចនៅតាមសហករណ៍និងការដ្ឋានរបស់ខ្មែរក្រហម។
រូបភាពបន្ទាប់បង្ហាញពីអំលុងឆ្នាំ១៩៧៩នៅពេលដែលប្រជាជនកម្ពុជាធ្វើដំណើរត្រឡប់ទៅភូមិកំណើតរបស់ខ្លួនវិញ។ផ្នែកចុក្រោយរបស់ពិព័រណ៍រូបថតបង្ហាញពីសម័យកាលដែលតាម៉ុកកាន់អំណាចនិងការធ្វើសមាហរណកម្មទៅក្នុងរាជរដ្ឋាភិបាលកម្ពុជាវិញនៅឆ្នាំ១៩៩៨។ ផ្ទះទី៤គឺជាបន្ទប់សោតទស្សន៍ដែលភ្ញៀវទេសចរអាចចូលទៅទស្សនាភាពយន្តឯកសារ និងភាពយន្តថ្មីៗស្តីពីស្រុកអន្លង់វែង។ទេសចរក៏អាចប្រើប្រាស់បន្ទប់នេះដើម្បីឆ្លុះបញ្ចាំងអំពីប្រវត្តិសាស្ត្ររបស់សារមន្ទីរ៕
អត្ថបទ ៖ កញ្ញាវ៉ាត.
លោកបណ្ឌិត ឈត ប៊ុនថង ប្រាប់យុវវ័យកុំឱ្យជ្រួលច្របល់ក្នុងថ្ងៃ១៤កុម្ភៈ ព្រោះមិនមែនជាបុណ្យរបស់ខ្មែរឡើយ
មន្ទីរអប់រំរាជធានីភ្នំពេញ ហាមលក់ផ្កានៅក្រៅបរិវេណសាលា ក្នុងទិវា នៃក្តីស្រលាញ់
ក្រោយបញ្ចប់បេសកកម្មមនុស្សធម៌ នៅស៊ូដង់ខាងត្បូង កងរាជអាវុធហត្ថមួកខៀវកម្ពុជា៧៣នាក់ ត្រឡប់មកដល់កម្ពុជាវិញ
មន្ត្រីជំនាញ ណែនាំពលរដ្ឋកុំបារម្ភមូសអង្កាមមិនមែនជាភ្នាក់ងារចម្លងជំងឺគ្រុនឈាមទេ
ប្រតិបត្តិការផែស្វយ័តភ្នំពេញមានកំណើនខ្ពស់នៅខែមករាដើមឆ្នាំនេះ
ហ្សេលេនស្គី៖ អ៊ុយក្រែនត្រៀមខ្លួនប្រគល់ទឹកដីដូរយកសន្តិភាពហើយ
Breaking News៖ អគ្គិភ័យកំពុងឆេះស្ថានីយប្រេងឥន្ធនៈ នៅខេត្តព្រះសីហនុ(មានវីដេអូ)
ស្ពានឆ្លងកាត់ទន្លេមេគង្គ ភ្ជាប់ទៅផ្លូវល្បឿនលឿនភ្នំពេញ-បាវិត វឌ្ឍនភាពសម្រេចបានជាង ៥%
កូរ៉េខាងជើងគំរាមសងសឹក ក្រោយនាវាមុជទឹកនុយក្លេអ៊ែរអាមេរិកចូលចតនៅកំពង់ផែប៊ូសាន
ហេតុការណ៍បំផ្ទុះគ្រាប់បែកអត្តឃាតកក្រើកឡើងជាថ្មីនៅអាហ្វហ្គានីស្ថាន
-
សន្តិសុខសង្គម២ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត