ព័ត៌មានជាតិ

បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់

បានផុស

៦ នាទីutes មុន

នៅ

ថ្ងៃសៅរ៍ ១ មីនា ២០២៥

ដោយ

ភ្នំពេញ ៖ នាយប់ថ្ងៃទី០១ ខែមីនា ឆ្នាំ២០២៥ នេះ លោកបណ្ឌិតសូ ណារ៉ូ រដ្ឋមន្រ្តីប្រតិភូអមនាយករដ្ឋមន្រ្តី បានសរសេរនៅលើគណនីហ្វេសប៊ុកផ្លូវការរបស់លោកថា “សូមបងប្អូនប្រជាពលរដ្ឋរស់នៅក្នុងប្រទេសកម្ពុជាមានការប្រុងប្រយ័ត្ន ក្នុងរយៈពេលចុងក្រោយនេះ ជនក្បត់ជាតិ សម រង្សុី កាន់តែព្រហើនបង្កើនការអំពាវនាវដ៏ឆ្កួតលីលាដោយចេញសារឱ្យត្រៀមកម្លាំងប្រដាប់អាវុធ និងកម្លាំងមហាជនផ្តួលរំលំរាជរដ្ឋាភិបាលស្របច្បាប់ ដែលជាទង្វើខុសច្បាប់ ជាបទល្មើសមានទោសព្រហ្មទណ្ឌកំរិតធ្ងន់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងផេករបស់លោកបណ្ឌិត សូ ណារ៉ូ បានសរសេរបន្ថែមថា “ការ ស៊ែ Share សារទាំងនេះដែលមានចរិតញុះញង់ផ្តួលរំលំរាជរដ្ឋាភិបាល អាចចាត់ទុកជាទង្វើសមគំនិតនឹងបទល្មើសព្រហ្មទណ្ឌ ដែលអាចមានទោសសមគំនិតក្បត់ ជាពិសេសអ្នកគាំទ្រ សម រង្សុី កំពុងរស់នៅក្នុងប្រទេសកម្ពុជា។ ដូច្នេះសូមបងប្អូនមានការប្រុងប្រយ័ត្ន កុំចូលរួមសមគំនិតក្បត់ ដោយដាច់ខាតមិនត្រូវស៊ែ នូវសាររបស់ជនក្បត់ជាតិ សម រង្សុី លើទំព័រសង្គម Facebook ឬ Tik Tok របស់ខ្លួនដោយខ្វះការពិចារណារួចជាប់ទោស។ ពីបំណងល្អរបស់ខ្ញុំ”៕