ព័ត៌មានជាតិ
លោក ជួន ណារិន្ទ ៖ ១ ត្រីមាស ដើមឆ្នាំ ២០២៥ បទល្មើសមានការថយចុះ បើធៀបឆមាសទី ១ ឆ្នាំ ២០២៤
លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បញ្ជាក់ថា ក្នុង ១ ត្រីមាស ដើមឆ្នាំ ២០២៥ នគរបាលរាជធានីភ្នំពេញ បង្ក្រាបបានករណីតូចធំ ១២២ ករណី ប្រៀបទៅនឹងឆមាសទី ១ ឆ្នាំ ២០២៤ បទល្មើសថយបាន ១៨ លើក ស្មើនឹង ១៨%។
កាលពីល្ងាចថ្ងៃទី ៣ ខែមីនា ឆ្នាំ ២០២៥ ថ្មីៗ នេះ លោកឧត្ដមសេនីយ៍ឯក ជួន ណារិន្ទ បានឲ្យដឹងថា នៅឆមាសដើមឆ្នាំ ២០២៥ នេះ នគរបាលរាជធានីភ្នំពេញ បានធ្វើការល្បាតទប់ស្កាត់ និងបង្ក្រាបមានប្រសិទ្ធភាពខ្ពស់ ដូចជាករណីឆក់ ករណីលួចម៉ូតូ ករណីគាស់ផ្ទះ និងករណីធាក់វាយប្លន់តាមផ្លូវ មានការស្ងាត់ ថមថយ ប៉ុន្តែនគរបាលរាជធានី នៅតែពង្រឹងសកម្មភាពនេះដដែល គឺមិនដកដៃនោះទេ។
លោកឧត្ដមសេនីយ៍ឯក ជួន ណារិន្ទ បន្តថា ការបង្ក្រាបបទល្មើស និងតាមចាប់មុខសញ្ញាដែលនៅសេសសល់ គឺសមត្ថកិច្ចមានកិច្ចសហប្រតិបត្តិការយ៉ាងល្អជាមួយនគរបាលតាមបណ្ដាខេត្ត។
លោកបានបញ្ជាក់ថា ថ្មីៗ នេះ ករណីឆក់ ប្លន់ នគរបាលរាជធានីបង្ក្រាបបានច្រើន ហើយការបង្ក្រាបនេះបានតែងតែនៅបក្សពួកសេសសល់ ប៉ុន្តែសមត្ថកិច្ចមិនបំភ្លេចចោលនោះទេ គឺបានបង្កើតក្រុមតាមចាប់ ហើយធ្វើព្រមៗ គ្នារវាងរាជធានី-ខេត្ត ដោយលោកជឿជាក់ថា បទល្មើសទាំងនោះពិតជាងើបមិនរួចនោះទេ។
លោកឧត្ដមសេនីយ៍ឯក ជួន ណារិន្ទ ថា ចំពោះមុខសញ្ញាដែលធ្លាប់ជាប់ពន្ធនាគារ នៅពេលដែលចេញមកវិញ ៩០ ភាគរយ គឺនៅមិនរាងចាល នៅតែប្រព្រឹត្តបទល្មើសដដែល។ ករណីនេះ លោកបានឲ្យកម្លាំងជំនាញស្រាវជ្រាវតាមចាប់ទៅដល់តាមបណ្ដាខេត្ត សហការជាមួយខេត្ត។ រីឯមុខសញ្ញាដែលរត់ពីខេត្តចូលមករាជធានី ក៏សមត្ថកិច្ចសហការគ្នាបានល្អបង្ក្រាបបានជោគជ័យដែរ។
ចំពោះវិធានការល្បាតទប់ស្កាត់ លោកស្នងការ ក៏បានបញ្ជាក់ថា ការប្រើប្រាស់កម្លាំងល្បាតនេះ សមត្ថកិច្ចល្បាតច្បាមទៅតាមភូមិសាស្ត្រ ចំណុចតំបន់ណាដែលចាំបាច់ និងពិសេស ហើយបែងចែកពេលវេលាវេនគ្នា។ ដូច្នេះ លោកបានឲ្យតាមខណ្ឌដំឡើងផែនទី តំបន់ភូមិណាដែលងាយកើតហេតុនោះមកកាន់ការិយាល័យជំនាញ។ ឧទាហរណ៍ ពោធិ៍សែនជ័យ លោកបានណែនាំឲ្យផ្តល់យោបល់គ្នាជាមួយខណ្ឌ-ស្រុកដែលជាប់ថាត្រូវមានវិធានការទប់ស្កាត់របៀបណា នេះជាវិធានការរដ្ឋបាលចំហ។
លោកស្នងការ បញ្ជាក់ទៀតថា ជាមួយគ្នានេះ ក្នុង ១ ត្រីមាស នគរបាលរាជធានីភ្នំពេញ បង្ក្រាបបានករណីតូចធំ ១២២ ករណី ប្រៀបទៅនឹងឆមាសទី ១ ឆ្នាំ ២០២៤ បទល្មើសថយបាន ១៨ លើក ស្មើនឹង ១៨% ក្នុងនោះ បទឧក្រិដ្ឋបង្ក្រាប ២០ ករណី លើ ២៦ លើក ថយចុះ ៦ លើក ស្មើ ២៤% រីឯបទល្មើសមជ្ឈិម គឺបទល្មើសតូច ថយចុះ ១២ លើក ស្មើ ១៣%។ ដោយឡែក នៅឆមាសទី ២ ឆ្នាំ ២០២៣ និងឆមាសទី ២ ឆ្នាំ ២០២៤ នគរបាលរាជធានីភ្នំពេញបង្ក្រាបបទល្មើសបានប្រហែល ៩២% បើប្រៀបធៀបនឹងត្រីមាស និងដើមឆ្នាំ ២០២៥ នេះ នគរបាលរាជធានីបង្ក្រាបបានរហូត ៩៥%។
លោកឧត្ដមសេនីយ៍ឯក ជួន ណារិន្ទ ក៏បានថ្លែងកោតសរសើរដល់មន្ត្រីនគរបាលតាមបណ្តាខណ្ឌ និងការិយាល័យជំនាញ មានបទពិសោធ និងការងារជំនាញមានប្រសិទ្ធភាពខ្ពស់ទ្វេដងជាមុន៕
អត្ថបទ ៖ សំណាង
លោក ជួន ណារិន្ទ ៖ ១ ត្រីមាស ដើមឆ្នាំ ២០២៥ បទល្មើសមានការថយចុះ បើធៀបឆមាសទី ១ ឆ្នាំ ២០២៤
មេដឹកនាំកាណាដា ទ្រូដូ ហៅវិធានការពន្ធ ត្រាំ ថាជារឿង «ល្ងង់ខ្លាំង»
របរធ្វើចេកបន្ទះប្រពៃណីនៅក្តុលដូនទាវ ក្លាយជាគោលដៅទាក់ទាញទេសចរបរទេសចូលទស្សនា
Benzema ប្រាប់ថា ការទៅលេងនៅអារ៉ាប៊ីសាអ៊ូឌីត មិនមែនរឿងលុយ
Justin នៅតែបង្ហាញចរិតប្លែកៗ ដូចមនុស្សផ្សេងគ្នា
សភាអ៊ុយក្រែនចេញមុខស្នើសុំ ដូណាល់ ត្រាំបន្តជួយ និង«ចង់នៅឯករាជ្យ»
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
ប្រទេសមួយទៀតចេញមុខ គាំទ្រអង់គ្លេស ហើយចង់បញ្ជូនទ័ពទៅអ៊ុយក្រែន ធ្វើជាកងរក្សាសន្តិភាពដែរ
ពិធីករប្រដាល់ប្រើសម្ដីលែបខាយលើនារី, រដ្ឋមន្ត្រីមហាផ្ទៃ ថាជាទង្វើជ្រុលហួស ប៉ះពាល់តម្លៃស្ត្រី
ត្រាំ ចំអន់អឺរ៉ុបថាជះលុយទិញប្រេងពីរុស្ស៊ី ច្រើនជាងផ្ដល់ជំនួយឲ្យអ៊ុយក្រែន
-
សន្តិសុខសង្គម២ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានអន្ដរជាតិ១ សប្តាហ៍ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៧ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ជីវិតកម្សាន្ដ២ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ១ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៥ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ១ សប្តាហ៍ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
សន្តិសុខសង្គម៥ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់