ព័ត៌មានជាតិ

ស្នងការរាជធានីភ្នំពេញ ៖ ក្មេងទំនើងដែលកើតចេញពីសិស្សានុសិស្ស បានថមថយស្ទើរតែ ១០០ ភាគរយហើយ នៅឡើយក្មេងទំនើងចេញមកពីតាមភូមិ

បានផុស

៤ សប្តាហ៍ មុន

នៅ

ថ្ងៃពុធ ៥ មីនា ២០២៥

ដោយ

ក្មេងទំនើងដែលកើតចេញពីសិស្សានុសិស្ស បានថមថយស្ទើរតែ ១០០ ភាគរយហើយ នៅឡើយតែក្មេងទំនើងចេញមកពីតាមភូមិ និងអ្នកចំណាកស្រុកចូលមកធ្វើកម្មកររស់នៅតាមផ្ទះជួល នៅរាជធានីភ្នំពេញប៉ុណ្ណោះ ខណៈបច្ចុប្បន្នកម្លាំងសមត្ថកិច្ចជំនាញមិនបានបន្ធូរក្នុងការបង្ក្រាបនោះឡើយចំពោះមុខសញ្ញាក្មេងទំនើងនៅសេសសល់។ នេះបើយោងតាមការឲ្យដឹងពីសំណាក់ លោក ឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានសង្កត់ធ្ងន់ថា ក្នុងនាមស្នងការនគរបាលរាជធានីភ្នំពេញ លោកនឹងមិនឲ្យពាក្យថា «ក្មេងទំនើង» អាចមានជីវិតរស់ឡើងមកវិញនោះទេ ខណៈរយៈពេល ២ ខែ ដើមឆ្នាំ ២០២៥ នេះ សមត្ថកិច្ចបង្ក្រាប ៣៦ ករណី ឃាត់មនុស្ស ១៤៤ នាក់ អនុវត្តវិធានការច្បាប់។

បន្ថែមទៀតនោះ លោកស្នងការ បានដាក់បទបញ្ជាដល់លោកស្នងការរង ជំនាញពាក់ព័ន្ធ លោកអធិការទាំង ១៤ ខណ្ឌ និង ប៉ុស្តិ៍រដ្ឋបាលនគរបាលទាំង ១០៥ ក្នុងភូមិសាស្ត្ររាជធានីភ្នំពេញ សហការផ្លាស់ប្ដូរវេនល្បាត ២៤ ម៉ោង លើ ២៤ ម៉ោង ដើម្បីបង្ការទប់ស្កាត់រាល់បទល្មើសផ្សេងៗ នៅក្នុងមូលដ្ឋានរាជធានីភ្នំពេញ ដើម្បីរក្សាសន្តិសុខសុវត្ថិភាពជូនប្រជាពលរដ្ឋឲ្យមានប្រសិទ្ធភាពខ្ពស់ ជាពិសេសក្មេងទំនើងនេះតែម្ដង៕

អត្ថបទ ៖ សុភា