Connect with us

ព័ត៌មានជាតិ

សម្ដេចធិបតីអរគុណពលរដ្ឋដែលប្រើបណ្ដាញសង្គមរិះគន់ស្ថាបនាអ្នកនិយាយលេបខាយលើនារីប្រាសចាកវប្បធម៌ខ្មែរ

បានផុស

នៅ

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ថ្លែងអំណរគុណពលរដ្ឋកម្ពុជា និងអ្នកដែលប្រើប្រាស់បណ្ដាញសង្គមដែលបានរិះគន់ ដាស់តឿន ចំពោះអ្នកដែលប្រព្រឹត្តខុសដោយកាយ និិងពាក្យសម្ដី និយាយលេបខាយលើនារីប្រាសចាកវប្បធម៌ខ្មែរ ឱ្យងាកមកប្រព្រឹត្តត្រូវឡើងវិញ។ សម្ដេចធិបតី ហ៊ុន ម៉ាណែត ថ្លែងដូច្នេះ ក្នុងឱកាសអញ្ជើញជាអធិបតីក្នុងពិធីទិវាវប្បធម៍ជាតិ ៣មីនាលើកទី២៧ ដែលរៀបចំឡើងនាល្ងាចថ្ងៃទី០៥ ខែមីនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចធិបតី ហ៊ុន ម៉ាណែត ថ្លែងបែបនេះ បន្ទាប់ពីមហាជនផ្ទុះការរិះគន់លើពិធីករប្រដាល់ម្នាក់ដែលនិយាយពាក្យសម្ដីលេបខាយលើយុវតីម្នាក់កាលពីពេលថ្មីៗនេះ។

នៅចំពោះមុខសិល្បករ សិល្បការិនី សម្ដេចធិបតី ប្រមុខរដ្ឋាភិបាល​ថ្លែងដូច្នេះ៖« ខ្ញុំសូមអរគុណយ៉ាងច្រើន មិនមែនត្រឹមតែក្រសួងស្ថាប័នរដ្ឋរបស់យើងប៉ុណ្ណោះទេ ប៉ុន្តែមហាជន ប្រជាពលរដ្ឋរបស់យើង នៅពេលដែលសកម្មភាពឬពាក្យសម្ដីដែលលើសព្រំដែនវប្បធម៌  សីលធម៌ សង្គមជាតិខ្មែរ ប្រជាពលរដ្ឋយើងតែងតែ នាំគ្នា ដាស់តឿន ក្រឿនរំលឹក និងតម្រង់ទិសទៅដល់បងប្អូនទាំងអស់នោះ »។

ទន្ទឹមនឹងការអរគុណពលរដ្ឋដែលរិះគន់ដើម្បីតម្រង់ទិសចំពោះការប្រព្រឹត្តខុសចាកវប្បធម៌ សីលធម៌ខ្មែរ សម្ដេចធិបតី ហ៊៊ុន ម៉ាណែត ចាត់ទុកការតម្រង់ទិស ណែនាំនេះ ថាជាស្មារតីនៃការថែរក្សាវប្បធម៌ សីលធម៌ ប្រពៃណីដ៏ល្អផូរផង់របស់ខ្មែរ។

សម្ដេចធិបតី ប្រមុខរដ្ឋាភិបាល ថ្លែងសង្កត់ធ្ងន់ថា« វប្បធម៌ដើម្បីទាំងអស់គ្នា ទាំងអស់គ្នាដើម្បីវប្បធម៌ យើងមានកាតព្វកិច្ចការពារវប្បធម៌របស់យើង»។

សម្ដេចធិបតី ក៏បានចាត់ទុកថា ការប្រព្រឹត្តខុសផ្នែកពាក្យសម្ដីមួយចំនួនមិនមែនកើតឡើងដោយចេតនាឡើយ ដូច្នេះសម្ដេចស្នើឱ្យពលរដ្ឋជួយណែនាំ តម្រង់ទិសគ្នា ឱ្យប្រព្រឹត្តត្រូវឡើងវិញ ឱ្យសមជាពលរដ្ឋខ្មែរដែលមានវប្បធម៌ សីលធម៌ និងជាពលរដ្ឋរស់នៅក្នុងសង្គមស៊ីវិល័យ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group
ក្តាមសេះ
ព័ត៌មានជាតិ៥៣ វិនាទី មុន

ស្ថានីយភ្ញាស់ក្តាមសេះ ក្នុងសហគមន៍នេសាទភូមិថ្មី កំពុងដំណើរការភ្ញាស់ក្តាមមេពង ដើម្បីរក្សាស្ថិរភាពក្តាមនៅក្នុងសមុទ្រកែប

ព័ត៌មានជាតិ៩ ម៉ោង មុន

ស្នងការ​ខេត្ត​បន្ទាយមានជ័យ ៖ បុណ្យចូលឆ្នាំថ្មី​ខាង​មុន​នេះ ហាម​ច្រក​ទឹក​ក្នុង​ថង់ ​គប់​ដាក់​គ្នា

សន្តិសុខសង្គម១០ ម៉ោង មុន

Update! សង្ស័យ​ផ្ដើម​ពី​ផ្ទុះ​ធុងហ្គាស ទើប​ឆេះ​ឃ្លាំង​រោងចក្រ​៣ រាលដាល​ដល់​ផ្ទះ​ពលរដ្ឋ​០៤​ខ្នង

ព័ត៌មានជាតិ១១ ម៉ោង មុន

ព្រឹត្តិការណ៍ “សង្ក្រាន្តវត្តភ្នំ” ៣​ថ្ងៃ​មាន​រៀបចំ​កម្មវិធី​បែប​ប្រពៃណី​ជាតិ និងកម្មវិធី កម្សាន្ត​សប្បាយជាច្រើន

នយោបាយ១២ ម៉ោង មុន

អ្នកវិភាគ និង​អ្នកឃ្លាំមើល៖ នាយករដ្ឋមន្ត្រី​កម្ពុជា​តែង​ផ្ដល់​អាទិភាព​ខ្ពស់​ ចំពោះ​សុខទុក្ខ​​ប្រជាពលរដ្ឋ

Sokha Hotels

ព័ត៌មានពេញនិយម