ព័ត៌មានជាតិ
និស្សិតកម្ពុជា ត្រូវត្រៀមអ្វីខ្លះដើម្បីទទួលបានអាហារូបករណ៍សិក្សានៅចិន ឆ្នាំសិក្សា ២០២៥-២០២៦?
នៅថ្ងៃទី៥ ខែមីនា ឆ្នាំ២០២៥ ក្រសួងអប់រំ យុវជន និងកីឡា បានប្រកាសពីការប្រឡងជ្រើសរើសនិស្សិតអាហារូបករណ៍ ថ្នាក់បរិញ្ញាបត្រទៅសិក្សានៅ Southern University of Science and Technology (SUSTech) នៃសាធារណរដ្ឋប្រជាមានិតចិន សម្រាប់ឆ្នាំសិក្សា២០២៥-២០២៦។ តើនិស្សិតត្រូវត្រៀមលក្ខណៈ និងគុណសម្បត្តិបែបណាខ្លះក្នុងការប្រឡងយកអាហារូបករណ៍មួយនេះ?

ចំពោះអាហារូបករណ៍នេះ ចំនួន ១០កន្លែង សម្រាប់ការផ្តល់ជូនដល់និស្សិតកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ តាមកម្មវិធី អន្តរជាតិ (International Program) រយៈពេល ០៤ឆ្នាំ ដោយចាប់ផ្តើមពីខែសីហា ឆ្នាំ២០២៥ នេះតទៅ នៅ សាធារណរដ្ឋប្រជាមានិតចិន។ ភាគីមិត្តរ៉ាប់រងថ្លៃសិក្សា ការស្នាក់នៅ ប្រាក់អាហារូបករណ៍ប្រចាំខែ រីឯសំបុត យន្តហោះទៅ-មក ជាបន្ទុករបស់សាមីជន។
ចំណែក លក្ខខណ្ឌនៃការចុះឈ្មោះវិញ បេក្ខជនទាំងពីរភេទត្រូវមានសញ្ញាតិខ្មែរ, មានសញ្ញាបត្រមធ្យមសិក្សាទុតិយភូមិដែលមាននិទ្ទេស A, B, ឬ C, មានចំណេះដឹងភាសាអង់គ្លេសជ្រៅជ្រះ និងមានសុខភាពល្អបរិបូណ៌ទាំងកាយសម្បទា និងសតិបញ្ញា។ រីឯ វិញ្ញាសាដែលត្រូវប្រឡងមាន គណិតវិទ្យា និងភាសាអង់គ្លេស ក្នុងមួយមុខប្រឡងរយៈពេល ១ម៉ោង ៣០នាទី។ ការប្រឡងនឹងធ្វើនៅថ្ងៃទី៦ ខែមេសា ឆ្នាំ២០២៥ ចំពោះមណ្ឌលត្រូវប្រឡងក្រសួងនឹងជម្រាបនៅពេលក្រោយ។
យ៉ាងណា អាហារូបករណ៍នេះ នឹងបើកទទួលពាក្យពីថ្ងៃផ្សាយដំណឹងដល់ថ្ងៃទី២៨ ខែមីនា ឆ្នាំ២០២៥។ ចំពោះព័ត៌មានទាក់ទងនឹងព័ត៌មានពីការដាក់ពាក្យ និងរៀបចំឯកសារនានា សូមមើលតាមសេចក្តីជូនដំណឹងរបស់ក្រសួងអប់រំខាងក្រោមនេះ៕



-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២១ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ