ព័ត៌មានជាតិ

អាជ្ញាធរខណ្ឌដង្កោផ្តល់អំណោយជូនពលរដ្ឋ២៥គ្រួសារកំពុងធ្វើចត្តាឡីស័ក

បានផុស

៤ years មុន

នៅ

ថ្ងៃចន្ទ ២២ មីនា ២០២១

ដោយ

ប្រជាពលរដ្ឋប្រមាណ២៥គ្រួសារ រស់នៅក្នុង បុរី ពិភពថ្មី គួរស្រូវ៣ មូលដ្ឋានសង្កាត់រលួស ខណ្ឌវដង្កោ ទទួលបានអំណោយពីអាជ្ញាធរខណ្ឌដង្កោ ក្នុងការធ្វើចត្តាឡីស័ករយះពេល១៤ថ្ងៃ នៅផ្ទះរបស់ពួកគាត់ ។

មន្ត្រីសាលាខណ្ឌដង្កោប្រាប់ឲ្យដឹងថា នារសៀលថ្ងៃទី២២ ខែមីនា ឆ្នាំ២០២១ លោក ជ គឹមស៊ អភិបាលរងខណ្ឌដង្កោ តំណាងលោកស្រី គឹម ញឹប អភិបាល នៃគណៈអភិបាលខណ្ឌដង្កោ បានចុះចែកអំណោយ ជូនបងប្អូនប្រជាពលរដ្ឋ ដែលគាត់កំពុងធ្វើចត្កាឡីស័ក រយៈពេល១៤ថ្ងៃ នៅផ្លូវលេខ ១៧B នៃ បុរី ពិភពថ្មីគួរស្រូវ៣ ចំនួន២៥គ្រួសារ អ្នកចូលរួម២៥នាក់ ស្រី១៥នាក់ក្នុងនោះមួយគ្រួសារៗទទួលបាន អង្ករ១០គីឡូក្រាម មី១កេស ទឹកសុទ្ធ ០១ កេស និងទឹក ស៊ីអ៊ីវ១ យួរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសាលាខណ្ឌដង្កោ ប្រាប់បន្តឲ្យដឹងថា ការធ្វើបែបនេះរបស់អាជ្ញាធរខណ្ឌដង្កោ គឺដើម្បីសម្រួលដល់ជីវភាពរស់នៅរបស់បងប្អូនប្រជាពលរដ្ឋទាំង២៥គ្រួសារនេះបានមួយរយះ និងដើម្បីកុំឲ្យពួកគាត់ចេញទៅខាងក្រៅផ្ទះផ្តេសផ្តាស ។

ជាមួយគ្នានេះ រដ្ឋបាលខណ្ឌដង្កោ សូមធ្វើការសំណូមពរ បងប្អូនប្រជាពលរដ្ឋទាំងអស់ សូមបន្តអនុវត្តនូវវិធានការរបស់រាជរដ្ឋាភិបាល ជាពិសេសក្រសួងសុខាភិបាល តែងតែផ្សព្វផ្សាយ អប់រំ ណែនាំ ឲ្យបងប្អូនប្រជាពលរដ្ឋទាំងអស់ មានការលាងសំអាតដៃ ជាមួយសាប៊ូ ឬ ជែល អាកុល និងពាក់ម៉ាសជាប់ជាប្រចាំ ជាពិសេសត្រូវរក្សាឲ្យបាននូវគម្លាតសង្គមយ៉ាងតិច មួយម៉ែត្រកន្លះឡើងទៅ ៣ការពារ និង ៣កុំ ៕

អត្ថបទ ៖ រ៉ាវុទ្ធ