ព័ត៌មានជាតិ
ក្រុមការងារកំពុងរកនីតិវិធីស្រង់នាវាចម្បាំង ដែលលិចក្នុងទន្លេ នៅកំពង់ចាម មកលើគោក
នាយឧត្តមសេនីយ៍ នាង ផាត រដ្ឋលេខាធិការ ប្រចាំការក្រសួងការពារជាតិ និងជាប្រធានក្រុមការងារអន្តរក្រសួង ដើម្បីចុះសិក្សា និងដោះស្រាយករណីរកឃើញគ្រាប់យុទ្ធភណ្ឌមិនទាន់ផ្ទុះក្នុងនាវាដែលលិចក្នុងទន្លេ នៅថ្ងៃទី២២ ខែមីនា ឆ្នាំ២០២១នេះ បានបើកកិច្ចប្រជុំស្តីពីនីតិវិធីស្រង់នាវាចម្បាំង ដែលមានគ្រាប់យុទ្ធភ័ណ្ឌមិនទាន់ផ្ទុះជាច្រើនតោន នៅក្នុងទន្លេ ខេត្តកំពង់ចាមមកលើគោក។
កិច្ចប្រជុំនេះ បានប្រព្រឹត្តិទៅនៅទីបញ្ជាការដ្ឋាន ស្ថិតនៅវត្តមាន់១០ ស្ថិតនៅភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម ជាទីដែលនាវាមួយគ្រឿងលិចនៅក្នុងទន្លេកាលពីសម័យសង្គ្រាមស៊ីវិលនៅកម្ពុជា ជាង៤០ឆ្នាំមុន ហើយកិច្ចប្រជុំនេះមានការចូលរួមពីអ្នកពាក់ព័ន្ធជាច្រើនរូបផងដែរ។
ថ្លែងនៅក្នុងកិច្ចប្រជុំនោះ នាយឧត្តមសេនីយ៍ នាង ផាត បានឱ្យដឹងថា នាវាម៉ារីនដែលលិចក្នុងកំលុងសង្គ្រាមស៊ីវិលនៅកម្ពុជា កាលពីទសវត្សឆ្នាំ១៩៧២នេះ បានលិចគប់ក្នុងបាតទន្លេមានជម្រៅរហូតដល់២៧,៥ ម៉ែត្រ ព្រមទាំងគ្រប់ដណ្តប់ដោយដីខ្សាច់នៅលើយ៉ាងច្រើនផងដែរ ចំណុចនេះធ្វើឱ្យក្រុមការងារជំនាញជួបការលំបាកក្នុងការប្រមូលគ្រាប់យុទ្ធភណ្ឌ ដែលបានរសាត់រាយប៉ោយ នៅជុំវិញនាវាចម្បាំងនេះជាដើម។
នាយឧត្តមសេនីយ៍បញ្ជាក់ថា ប្រតិបត្តិការបោសសម្អាតគ្រាប់យុទ្ធភណ្ឌមិនទាន់ផ្ទុះ ដែលបានកប់នៅក្រោមផ្ទៃទឹក នៅចំណុចនេះ គឺជាស្នាដៃប្រវត្តិសាស្ត្រមិនធ្លាប់មានកន្លងមកសម្រាប់កម្ពុជា ចំពោះប្រតិបត្តិការនេះ ក៏បានបង្ហាញថាកម្ពុជា មានសមត្ថភាពគ្រប់គ្រាន់មិនត្រឹមតែបោសសម្អាតគ្រាប់យុទ្ធភណ្ឌមិនទាន់ផ្ទុះនៅលើដីគោកនោះទេ ដូច្នេះវាជាមោទនភាពមួយទៀតសម្រាប់ប្រជាជាតិកម្ពុជា។
ដោយឡែកបើយោងតាមស្ថានភាពនាវាចម្បាំងលិចក្នុងទន្លេខាងលើនេះ គឺមានសភាពចាស់ទ្រុឌទ្រោមខ្លាំង និងមានស្នាមធ្លុះធ្លាយជាច្រើនកន្លែងដោយការបាញ់ពន្លិច ក្នុងពេលប្រយុទ្ធគ្នា។ តាមការគ្រោងទុកនៅចុងខែមីនា ខាងមុខនេះ កម្លាំងជំនាញនឹងស្រង់គ្រាប់យុទ្ធភណ្ឌក្នុងនាវាចម្បាំងរួចរាល់ ហើយនៅសប្តាហ៍ទី១ ខែមេសា ឆ្នាំ២០២១ នឹងបញ្ចប់ទាំងស្រុងដោយស្រង់នាវាមកលើគោកតែម្តង។
រយៈពេលជាង៤ខែមកនេះ កម្លាំងជំនាញបានប្រមូល និងស្រង់គ្រាប់យុទ្ធភណ្ឌមកលើគោកជាបន្តបន្ទាប់។ បើតាមរបាយការណ៍ គឺចាប់ពីខែតុលា ឆ្នាំ២០២០ រហូតដល់ដើមខែមីនា ឆ្នាំ២០២១នេះ ក្រុមការងារស្រង់បានគ្រាប់យុទ្ធភណ្ឌសរុបចំនួន១៥,២៨២គីឡូក្រាម ព្រមទាំងបំណែកឆ្អឹងសពមនុស្សចំនួន៦ និងសម្ភារៈសឹកមួយចំនួនទៀត។ ដើម្បីដោះស្រាយករណីនេះ រាជរដ្ឋាភិបាល បានបង្កើតក្រុមការងារអន្តរក្រសួងមួយដឹកនាំដោយ នាយឧត្តមសេនីយ៍ នាង ផាត ដើម្បីពិនិត្យ និងដោះស្រាយបញ្ហានេះ។
ភ្លាមៗនាយឧត្តមសេនីយ៍ នាង ផាត ជានិច្ចកាលតែងដឹកនាំកម្លាំងជំនាញចុះត្រួតពិនិត្យដល់ទីតាំងដោយផ្ទាល់ និងបានលើកទឹកចិត្តដល់ក្រុមការងារជំនាញបន្តកិច្ចខិតខំប្រឹងលើការងារបោសសម្អាតគ្រាប់យុទ្ធភណ្ឌមិនទាន់ផ្ទុះនៅក្រោមផ្ទៃទឹកនេះ ឱ្យកាន់តែឆាប់រហ័សទៅតាមផែនការដែលបានកំណត់៕
ដោយ ៖ កោះកែវ
អារ៉ាប៊ីសាអូឌីត ប្រហារជីវិតអ្នកទោសជាង ៣០០នាក់នៅក្នុងឆ្នាំ២០២៤
រដ្ឋមន្ត្រីការងារ លើកទឹកចិត្តយុវជន ខិតខំរៀនជំនាញថ្មីៗ ឆ្លើយតបវិស័យឧស្សាហកម្មទំនើប
ចាយពេលជាង ២០ឆ្នាំ សួន ពិសិដ្ឋ ថា លោកប្រឹងឆ្លាក់ច្នៃខ្លួនឯង ឱ្យក្លាយជាអ្នកសិល្ប:ពហុជំនាញ
កូនស្រីអតីតកីឡាករបាល់ទាត់ Franck បង្ហោះរូបស្រាត ផ្គើននឹងការព្រមានឪពុក
EU ពន្យារពេលចាប់ផ្ដើមហាមឃាត់ការនាំចូលទំនិញដែលពាក់ព័ន្ធនឹងការបំផ្លាញព្រៃឈើ ១ ឆ្នាំ
ករណីចាប់ត្រាក់ទ័រមួយគ្រឿង អ្នកភូមិអះអាងថាឈូសសំអាតដីភូមិធ្វើស្រែចម្ការ មិនមែនឈូសដីព្រៃនោះទេ
ហេតុអ្វីកូរ៉េខាងត្បូង ដាក់ច្បាប់អាជ្ញាសឹក? តើពេលនេះ ស្ថានការណ៍យ៉ាងណាហើយ?
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
មន្ត្រីកំពូលៗរបស់លោក Yoon ស្នើសុំលាលែងពីតំណែង ជាទ្រង់ទ្រាយធំ
ផ្លូវជាតិលេខ ៤១ បំបែកពីថ្នល់ទទឹងប្រសព្វផ្លូវជាតិលេខ៤ ដល់ខេត្តកំពត សម្រេចបានជិត ១០០%
-
សេដ្ឋកិច្ច៦ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ព័ត៌មានជាតិ៤ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៦ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៥ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
សេដ្ឋកិច្ច៣ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៤ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
ព័ត៌មានអន្ដរជាតិ៣ ថ្ងៃ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ