ព័ត៌មានជាតិ
មន្ត្រីជាន់ខ្ពស់ការងារ អំពាវនាវនិយោជកយកចិត្តទុកដាក់ថែទាំសុខភាព កម្មករ-និយោជិត ក្នុងពេលអាកាសធាតុក្ដៅខ្លាំង
មន្ត្រីជាន់ខ្ពស់ នៃក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់ម្ចាស់រោងចក្រសហគ្រាសទាំងអស់យកចិត្តទុកដាក់ខ្ពស់ចំពោះសុខភាពរបស់កម្មករ-និយោជិតក្នុងអំឡុងពេលអាកាសធាតុក្តៅខ្លាំង ដើម្បីជៀសវាងនូវការដួលសន្លប់ ឬបញ្ហាផ្សេងៗ ដែលបណ្តាលមកពីអាកាសធាតុក្តៅ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ១២ មីន នេះថា«រដូវក្តៅបានឈានចូលមកដល់ហើយ ខ្ញុំសូមអំពាវនាវដល់និយោជកយកចិត្តទុកដាក់ថែទាំសុខភាព និងសុវត្ថិភាពដល់កម្មករ-និយោជិត ក្នុងនោះត្រូវលើកកម្ពស់ការទទួលខុសត្រូវលក្ខខណ្ឌការងារ ការគោរពច្បាប់ការងារ រៀបចំកន្លែងធ្វើការឱ្យមានផាសុកភាព មានខ្យល់ចេញចូលគ្រប់គ្រាន់ មានកង្វារ មានម៉ាស៊ីនស្រូបកម្ដៅ ដាក់ម៉ាស៊ីនត្រជាក់ ឬផ្លាស់ប្ដូរដំបូលការពារពន្លឺថ្ងៃ ឬឧស្សាហ៍បាញ់ទឹកឱ្យមានភាពត្រជាក់នៅកន្លែងធ្វើការ ត្រូវមានរៀបចំកន្លែងសង្គ្រោះបឋម ដើម្បីជួយសង្គ្រោះករណីមានកម្មករ-និយោជិត មានការដួលសន្លប់ ឬករណីផ្សេងៗ ទៀត ដែលបណ្តាលមកពីអាកាសធាតុក្តៅនេះ»។
លោក កត្តា អ៊ន ក៏បានណែនាំដល់កម្មករ-និយោជិត ត្រូវហូបទឹកឱ្យបានច្រើន និងទៀងទាត់ ដើម្បីឱ្យខ្លួនប្រាណមានទឹកគ្រប់គ្រាន់ទប់ទល់នឹងកម្ដៅ និងកុំទទួលទានភេសជ្ជៈផ្អែមៗ ព្រោះវាមិនអាចធ្វើឱ្យបាត់ស្រេកទឹកបានទេ ត្រូវស្លៀកសំលៀកបំពាក់តាមរដូវ និងពេលធ្វើដំណើរកាត់ថ្ងៃត្រូវពាក់មួក និងមានឆត្របាំងពន្លឺ ត្រូវបរិភោគអាហារមានសុខភាព និងអនាម័យ និងមានវីតាមីន និងជៀសវាងបរិភោគអាហារទាំងឡាយណាដែលអាចបង្កឱ្យឆ្លងមេរោគបណ្តាលឱ្យចុកពោះ រាករូស ឬប៉ះពាល់សុខភាព។ ក្នុងករណីមានបញ្ហាសុខភាព ត្រូវប្រញាប់រាយការណ៍អ្នកគ្រប់គ្រងរោងចក្រចាត់ចែងជួយសង្គ្រោះបឋមឱ្យបានទាន់ពេលវេលា។
លើសពីនេះ លោក កត្តា អ៊ន បានអំពាវនាវម្ចាស់រោងចក្រសហគ្រាសចូលរួមអនុវត្តលក្ខខណ្ឌការងារ និងបរិស្ថាន ឱ្យបានល្អ ដើម្បីលើកកម្ពស់សុខសុវត្ថិភាពដល់កម្មករ-និយោជិត នៅកន្លែងធ្វើការកាន់តែប្រសើរបន្ថែមទៀត។
គួរបញ្ជាក់ថា ថ្មីៗ នេះ ក្រសួងការងារ និងបណ្ដុះបណ្ដាលវិជ្ជាជីវៈ បានក្រើនរំលឹកសាជាថ្មីដល់ម្ចាស់ ឬនាយកសហគ្រាស គ្រឹះស្ថានទាំងអស់ ត្រូវចូលរួមពង្រឹងការអនុវត្តនូវវិធានការ បង្ការអគ្គិភ័យ និងវិធានការសុវត្ថិភាព និងសុខភាពការងាររបស់កម្មករ-និយោជិត សំដៅធានាបាននូវបរិយាកាសនៅកន្លែងធ្វើការប្រកបដោយសុវត្ថិភាព ទប់ស្កាត់បាននូវគ្រោះអគ្គិភ័យ និងករណីដួលសន្លប់តាមសហគ្រាសគ្រឹះស្ថាន៕
អត្ថបទ ៖ សំអឿន
មន្ត្រីជាន់ខ្ពស់ការងារ អំពាវនាវនិយោជកយកចិត្តទុកដាក់ថែទាំសុខភាព កម្មករ-និយោជិត ក្នុងពេលអាកាសធាតុក្ដៅខ្លាំង
EU ប្រកាសសងសឹក ក្រោយពន្ធ ត្រាំ លើដែកថែប និងអាលុយមីញ៉ូម ចូលជាធរមាន
មហាជនកូរ៉េ នាំគ្នាបន្ទោសការស្លាប់របស់ Sulli និង Kim Sae Ron សម្លាប់ខ្លួនសុទ្ធតែមានចំណែក Kim Soohyun
កសិករត្អួញត្អែរថា ម្ទេសដៃនាងក្រៀម ១ ខែចុងក្រោយនេះ មិនសូវមានទីផ្សារដូចមុន
តារាកំប្លែង Jo Se Ho ឈប់តាមដាន Kim Soo Hyun លើ IG ភ្លាមៗ ចំពេលផ្ទុះរឿងអាស្រូវបន្តបន្ទាប់
មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ
រដ្ឋមន្ត្រីបរិស្ថានខកចិត្ត ព្រោះចាប់បានរោងចក្របង្ហូរទឹកកខ្វក់ចូលស្ទឹង តែមន្ត្រីធ្វើការយឺតរហូតខូចការណ៍ធំ
ឆេះមន្ទីរពេទ្យនៅបាងកក បង្កការផ្អើលឆោឡោនិងជម្លៀសអ្នកជំងឺ យ៉ាងតក់ក្រហល់
នាដការី ឈឹម ចាន់ស្រីណុច ជួបទុក្ខធំបាត់បង់ម្តាយ ខណៈកំពុងបន្តបេសកកម្មសម្ដែងជូនជាតិនៅបារាំង
គ្រួសារតារាស្រី អះអាងថា មានរូបភាពរសើបរវាង Kim Soohyun និង Kim Sae Ron ជាង200រូប ទុកជាភស្ដុតាង
-
សន្តិសុខសង្គម៤ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ១ សប្តាហ៍ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ១ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៥ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១ ថ្ងៃ agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
-
ព័ត៌មានអន្ដរជាតិ២៣ ម៉ោង agoមន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ