ខេត្តរតនគិរី អាកាសធាតុ ៣២អង្សារសេ ក្តៅមិនមានភ្លៀងធ្លាក់រយៈពេល៣ថ្ងៃ

ខេត្តរតនគិរី នៅព្រឹកនេះ មានអាកាសធាតុ ៣២អង្សារសេ ក្តៅមិនមានភ្លៀងធ្លាក់នោះទេ មានរយៈពេល ៣ថ្ងៃ ចាប់ពីថ្ងៃទី ១៤ ខែ មីនា ឆ្នាំ ២០២៥ រហូតដល់ថ្ងៃទី ១៦ ខែ មីនា ឆ្នាំ ២០២៥ ។ នេះបើយោងតាមការព្យាករណ៍ អាកាសធាតុរបស់មន្ទីរធនធានទឹកនិងឧតុនិយម ខេត្តរតនគិរី។ ការរីងស្ងួត មិនមានភ្លៀងនេះ បណ្តាមកពី ធាតុអាកាសខេត្តរតនគិរី ទទួលឥទ្ធិពល ពីកម្រិតសម្ពាធខ្សោយ ធ្វើឱ្យ សីតុណ្ហភាព ២៣°C ទៅ ៣២°C ខ្យល់បក់ មកពីទិសបូព៌ និង មានល្បឿន ១ ទៅ ៤ ម៉ែត្រ វិនាទី។

ការផ្លាស់ប្ដូរអាកាសធាតុ ពីមានភ្លៀងធ្លាក់តិចតួច ទៅជាមិនមានភ្លៀងធ្លាក់ដូច្នេះ បណ្តាលមកពីការប្រែប្រួល ធាតុអាកាស សម្រាប់ថ្ងៃនេះ ផ្ទៃមេឃមានភាពស្រឡះល្អ ចាប់ពីម៉ោង ០៧ៈ០០ រហូតដល់ ម៉ោង ១៧ៈ០០ មិនមានពពក ព្រះអាទិត្យបញ្ចេញពន្លឺ ចាប់ពីព្រឹកព្រលឹម មានខ្យល់តិចតួច ។

សូមប្រជាពលរដ្ឋ យកចិត្តទុកដាក់ថែរក្សាសុខភាព រក្សាអនាម័យ ហូបស្អាត ផឹកស្អាត រស់នៅស្អាត ហើយក៏ត្រូវផឹកទេកឲ្យបានគ្រប់គ្រាន់ និងពាក់អាវខោអាវ ដែលការពារពីកម្តៅព្រះអាទិត្យ បានល្អ ដើម្បីជៀសផុតពីប៉ះពាល់ដោយសារពន្លឺព្រះអាទិត្យ ម៉្យាងវិញទៀត ត្រូវប្រុងប្រយ័ត្នភ្លើងឆេះចម្ការ ហើយក៏មានការប្រើប្រាស់ ទឹកដោយសន្សំសំចៃ ។

ដោយ៖ ខៀវ ចាប