ព័ត៌មានជាតិ
អភិបាលខេត្តកំពង់ធំ ៖ ការដោះស្រាយបញ្ហាដីធ្លីត្រូវឈរលើមូលដ្ឋានច្បាប់ ជាក់ស្ដែង តម្លាភាព មិនលម្អៀង ដើម្បីយុត្តិធម៌
អភិបាលខេត្តកំពង់ធំ លើកឡើងថា ការដោះស្រាយបញ្ហាដីធ្លី ត្រូវឈរលើមូលដ្ឋានច្បាប់ ជាក់ស្ដែង តម្លាភាព និង មិនលម្អៀង ដើម្បីមានយុត្តិធម៌។
ការលើកឡើងនេះ ខណៈពេល លោក នួន ផារ័ត្ន អភិបាលខេត្តកំពង់ធំ ធ្វើការប្រជុំដោះស្រាយបញ្ហាដីធ្លី ៤ សហគមន៍ មានសហគមន៍អួរលួ សហគមន៍តាអុកតាតេង សហគមន៍កោះរះ និង សហគមន៍ ៣ មុំ ក្នុងឃុំទ្រៀល ស្រុកតាំងគោក ខេត្តកំពង់ធំ និង លោកស្រី ស៊ូ គន្ធា ដែលបានប្តឹងទាមទារយកដីចំនួន ១៣៨០ ហិតា នៅសាលាស្រុកតាំងគោក កាលពីថ្ងៃទី ១៣ ខែមីនា ឆ្នាំ ២០២៥ ដោយមានការចូលរួមពីអាជ្ញាធរមូលដ្ឋាន មន្ត្រីជំនាញ តំណាងសហគមន៍ទាំង ៤ និងប្រជាពលរដ្ឋ។
លោក នួន ផារ័ត្ន លើកឡើងបញ្ជាក់ថា នេះជាកិច្ចប្រជុំលើកទី ៤ ហើយ ដែល ២ លើក រៀបចំប្រជុំនៅសាលាខេត្ត និង ២ លើក ប្រជុំនៅសាលាស្រុកតាំងគោក ដោយមិនគិតកិច្ចប្រជុំថ្នាក់ឃុំឡើយ។ ការទាមទារណាមួយរបស់ប្រជាពលរដ្ឋ ត្រូវឈរលើមូលដ្ឋានច្បាប់ ដោះស្រាយលើមូលដ្ឋានច្បាប់ មូលដ្ឋានជាក់ស្ដែង សមស្រប តម្លាភាព និង យុត្តិធម៌ គឺជាគោលការណ៍ច្បាស់លាស់ដែលត្រូវប្រកាន់យក។
គួរគូសបញ្ជាក់ថា ក្រោយការចុះវាស់វែងលើផ្ទៃដីជាក់ស្ដែងដែលបានទាមទារចំនួន ១៣៨០ ហិតានោះ មានទំហំត្រឹមតែ ៦៥៤ ហិតា តែប៉ុណ្ណោះ ហើយផ្ទៃដីនេះជាន់គ្នាលើដីសហគមន៍ទាំង ៤ ទៀតផង។ សំណួរសួរថា តើលោកស្រី ស៊ូ គន្ធា ដែលតំណាងឲ្យប្រជាពលរដ្ឋធ្វើការទាមទារមានអ្វីឲ្យពិតប្រាកដអីជាសម្អាងថា បានធ្លាប់ប្រើប្រាស់អាស្រ័យផលលើដីនោះ?
ចំពោះតំណាងសហគមន៍ទាំងបួន បានលើកឡើងពីប្រវត្តិដីដែលបានកាន់កាប់អាស្រ័យផល
-សហគមន៍អួរលួ កាន់កាប់ដីឆ្នាំ ២០០១ រហូតមក មានសមាជិកសហគមន៍ ១៨៤ គ្រួសារ មានផ្ទៃដី ១៣៧០ ហិតា។
-សហគមន៍តាអុកតាតេង កាន់កាប់ឆ្នាំ ២០០១ រហូតមក មានសមាជិកសហគមន៍ ១០០ គ្រួសារ មានផ្ទៃដី ១០១០ ហិតា។
-សហគមន៍កោះរះ កាន់កាប់ដីឆ្នាំ ១៩៩៦ រហូតមក មានសមាជិកសហគមន៍ ២៤៤ គ្រួសារ មានផ្ទៃដី ១៤៨៨ ហិតា។
-សហគមន៍ ៣ មុំ កាន់កាប់ដីឆ្នាំ ២០០២ រហូតមក មានសមាជិកសហគមន៍ ៣០៨ គ្រួសារ មានផ្ទៃដី១៥៦១ ហិតា។
តំណាងសហគមន៍ទាំងបួន បានបញ្ជាក់ថា ប្រជាពលរដ្ឋខាងលោកស្រី ស៊ូ គន្ធា មិនដែលចូលធ្វើស្រែក្នុងដីនោះទេ ហើយក៏មិនដែលទាមទារអ្វីដែរ ក្រោយពេលរាជរដ្ឋាភិបាលប្រកាសកាត់ឆ្វៀលឲ្យ ទើបមានឈ្មោះ ស៊ូ គន្ធា និងប្រជាពលរដ្ឋ មកប្តឹងទាមទារថាក្រុមខ្លួនមានដីនៅទីនេះ(សហគមន៍ទាំងបួន)។ ក្នុងនាមតំណាងសហគមន៍ទាំងបួន មិនបែងចែកដីឲ្យទៅ លោកស្រី ស៊ូ គន្ធា ទេ លុះត្រាតែរដ្ឋត្រូវការធ្វើអ្វីមួយទើបឲ្យ ប្រសិនបើលោកស្រីមកទាមទារមិនអនុញ្ញាតទេ។
ដោយឡែក មេឃុំទ្រៀល បញ្ជាក់ថា លោកបានទៅប្រាប់ឈ្មោះ ស៊ូ គន្ធា ឲ្យមកចូលរួមប្រជុំដោះស្រាយ តែគាត់ថា នឹងបែងចែកគ្នា ២ ក្រុម មកចូលរួមប្រជុំ ព្រោះគាត់ជាប់ប្រជុំជាមួយថ្នាក់ដឹកនាំគណបក្សគាត់។
មេភូមិឈូក ឃុំទ្រៀល បានបញ្ជាក់ដែរថា លោកធ្វើជាអនុភូមិតាំងពីឆ្នាំ ១៩៩៧ បន្ទាប់មកក្លាយជាមេភូមិ មិនដែលបានទទួលព័ត៌មានថា ឈ្មោះ ស៊ូ គន្ធា និងប្រជាពលរដ្ឋ ទាមទារមានដី និងកាន់កាប់នៅតំបន់នោះទេ។
លោកក៏បានអំពាវនាវដល់ប្រជាពលរដ្ឋ សូមកុំជឿតាមការញុះញង់របស់បុគ្គលណាដែលធានាថាមានដីច្រើន ពេលទាមទារទៅដឹងតែបានហើយ៕
អត្ថបទ ៖ ឈាង មករា
ឪពុកក្មេក ម្ដាយក្មេកសម្ដេចធិបតី ទស្សនាកម្សាន្តសិល្បៈនៅផ្លូវថ្មេីរជេីង(Walk Street)
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
-
សន្តិសុខសង្គម៧ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៦ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៥ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម១ សប្តាហ៍ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៥ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៣ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល