Connect with us

ព័ត៌មានជាតិ

អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល

បានផុស

នៅ

សហភាពអឺរ៉ុបនឹងផ្ដល់ជំនួយសាងសង់ស្ពានភ្ជាប់ទៅកោះខ្សាច់ទន្លា ស្ថិតក្នុងស្រុកស្អាង ខេត្តកណ្ដាល ក្នុងគម្រោងគាំទ្រដល់ការអភិវឌ្ឍសេដ្ចកិច្ចជនបទ និងពាណិជកម្មផលិតផលកសិកម្ម។ គម្រោងសាងសង់នេះមានតម្លៃជាង១០លានអឺរូ ឬប្រមាណ១១លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីជាន់ខ្ពស់ផ្នែកកម្ចីនៃ EIB លោក Francesco Consiglio បានលើកឡើងថាក្រុមការងារនឹងសិក្សាលំអិតបន្ថែមទៀតបន្ទាប់ពីមានការពិភាក្សាជាមួយក្រសួងសាធារណការ និងក្រសួងកសិកម្ម។ លោកថាការសាងសង់ស្ពាននេះនឹងជួយដល់កសិករដែលដាំបន្លែ និងធ្វើកសិកម្មលើកោះនេះអាចពង្រីកទីផ្សាររបស់ខ្លួនកាន់តែងាយស្រួល។

លោកថា៖ «ជាការពិតនៅពេលដែលមានស្ពានភ្ជាប់ពីកោះហើយ កសិករភ្ជាប់មកកាន់ទីផ្សារ អ៉ីចឹងវាបានផ្ដល់នូវប្រយោជន៍សម្រាប់សហគមន៍ក្នុងហ្នឹងផង ហើយក៏ជាប្រយោជន៍ដល់កម្ពុជាទាំងមូលផងដែរដោយសារផលិតផលរបស់កសិករបានចូលទៅក្នុងទីផ្សារ»។

អនុប្រធានធនាគារអឺរ៉ុបសកល (EIB Global) លោកស្រី Nicola Beer បានលើកឡើងថាការពង្រីកទីផ្សារបានរបស់ប្រជាកសិករនៅលើកោះខ្សាច់ទន្លានឹងធ្វើឱ្យមានការបង្កើនការផលិតបង្កើនចំណូលដល់ពលរដ្ឋ ជួយដល់ការអប់រំ និងភាពរីករាយដល់ពលរដ្ឋលើកោះនោះផងដែរ។

លោកស្រីថា៖ «ប្រសិនជាយើងមានសហគមន៍កសិកម្មនៅលើកោះនោះហើយយើងមិនបានភ្ជាប់ទៅកាន់ទីផ្សារទេ អ្នកមិនអាចផលិតគុណភាពអាហារដែលអ្នកចង់បានទេអ្នកមិនអាចដឹកជញ្ជូនវាទៅកាន់ទីផ្សារខាងក្រៅ អ្នកនឹងប្រើវាតែលើកោះ អ៊ីចឹងអ្នកមិនទទួលបានគ្រប់គ្រាន់សម្រាប់ការរីកចម្រើនទេ។ ដូច្នេះនៅពេលដែលអ្នកមានទីផ្សារអ្នកមានចំណូលអ្នកនឹងអាចវិនិយោគក្នុងគ្រួសារអ្នកបាន រួមទាំងការអប់រំ និងភាពរីករាយក្នុងជីវិត»។

គួរឱ្យដឹងដែរថាកាលពីថ្ងៃទី១៤ ខែមីនា ឆ្នាំ២០២៥ តំណាងធនាគារវិនិយោគអឺរ៉ុបសកល (EIB Global) ទើបតែបានចុះហត្ថលេខាផ្ដល់ជំនួយឥតសំណងចំនួន១៥លានអឺរ៉ូ ឬប្រមាណ១៦,២៦លានដុល្លារអាមេរិក ដល់កម្ពុជាដើម្បីគាំទ្រដល់ការអភិវឌ្ឍសេដ្ចកិច្ចជនបទ និងពាណិជកម្មផលិតផលកសិកម្ម។ តាមរយៈជំនួយនេះនឹងជួយដល់ការពង្រឹងនូវហេដ្ឋារចនាសម្ព័ន្ធកសិកម្ម និងការតភ្ជាប់ទៅកាន់ទីផ្សារកម្ពុជា រាប់ចាប់តាំងពីការប្រមូល ការដឹកជញ្ជូន ការស្ដុកទុក ឃ្លាំងសម្ងួត ព្រមទាំងយកទៅជួយសាងសង់ស្ពានកោះខ្សាច់ទន្លេនៅក្នុងខេត្តកណ្ដាលដើម្បីធ្វើឱ្យប្រសើរឡើងនូវការដឹកជញ្ជូន និងចូលទៅកាន់ទីផ្សារ។

តាមការប៉ានស្មាននឹងមានកសិករប្រមាណ១០ម៉ឺននាក់ស្មើនឹងជាង២៥ ០០០គ្រួសារ និងសហគា្រសកសិកម្មចំនួន៥០០ នឹងទទួលបានអត្ថប្រយោជន៍ពីជំនួយនេះ៕

អត្ថបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទីutes មុន

រដ្ឋាភិបាលនឹងជំរុញពង្រីកសេវាទឹកស្អាតដើម្បីឆ្លើយតបនឹងកំណើន​អ្នកប្រើប្រាស់ និងឧស្សាហកម្ម

ចរាចរណ៍៩ នាទីutes មុន

រថយន្ត ២ គ្រឿង បុកគ្នា នៅផ្លូវបំបែកជាបួន រងការខូចខាតទាំងសងខាង

ព័ត៌មានជាតិ៤០ នាទីutes មុន

សម្តេច ហ៊ុន សែន៖ នៅលើពិភពលោកនេះកម្រណាស់ដែលអាចធ្វើឱ្យមានតុល្យភាពពាណិជ្ជកម្មស្មើគ្នា

ព័ត៌មានជាតិ៥២ នាទីutes មុន

អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល

ព័ត៌មានជាតិ៥៧ នាទីutes មុន

គណៈបញ្ជាការឯកភាពខណ្ឌកំបូល ចុះត្រួតពិនិត្យណែនាំទីតាំងកែច្នៃ-វេចខ្ចប់ថ្នាំជក់ សាយភាយក្លិនប៉ះពាល់ពលរដ្ឋ

សន្តិសុខសង្គម១៣ ម៉ោង មុន

ម្ចាស់​ប្រេន​សម្រស់ធារ៉ា ត្រូវ​សមត្ថកិច្ច​ឃុំខ្លួន ពាក់ព័ន្ធ​ការ​កែច្នៃ​គ្រឿង​សំអាង​គ្មាន​ច្បាប់​អនុញ្ញាត

ព័ត៌មានជាតិ១៦ ម៉ោង មុន

សម្តេចធិបតី៖ ឧកញ៉ា ១៤០រូប ត្រូវបានលុប​ឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស

ព័ត៌មានអន្ដរជាតិ៣ ម៉ោង មុន

ពូទីន៖ តាម​សំណើ​លោក ត្រាំ រុស្ស៊ី​នឹង​ទុក​ជីវិត​ទាហាន​អ៊ុយក្រែន​នៅ Kursk បើ​​ពួកគេចុះ​ចាញ់

ព័ត៌មានអន្ដរជាតិ១៩ ម៉ោង មុន

ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ

ចរាចរណ៍២ ម៉ោង មុន

BMW បុក Chevrolet ពីក្រោយវិលមួយជុំ រុញផ្ទប់រនាំងដែក ០៦ ផ្ទាំង លើផ្លូវ ៦០ ម៉ែត្រ ដែលអាជ្ញាធរទើបតែដាក់ថ្មីៗ នេះ រងការខូចខាត

Sokha Hotels

ព័ត៌មានពេញនិយម