ព័ត៌មានជាតិ

ឱក សុគន្ធកញ្ញា បញ្ជាក់ប្រាប់លទ្ធផលក្រោយធ្វើតេស្តលើកទី២

បានផុស

៤ years មុន

នៅ

ថ្ងៃអង្គារ ២៣ មីនា ២០២១

ដោយ

កំពូលតារាចម្រៀងរបស់ផលិតកម្មហង្សមាសអ្នកនាង ឱក សុគន្ធកញ្ញា បន្ទាប់ពីឃុំខ្លួនធ្វើចត្តាឡីស័កបានរយៈពេល១៥ថ្ងៃ និងបានធ្វើតេស្តរកជំងឺកូវីដ-១៩ជាលើកទី២ហើយនោះ នាងបានបញ្ជាក់ប្រាប់ថាលទ្ធផលក្រោយធ្វើតេស្តគឺអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ឱក សុគន្ធកញ្ញា បានរៀបរាប់ខ្លឹមសារថា ថ្ងៃនេះជាថ្ងៃទី១៥ហើយដែលនាង និងគ្រួសារបានរក្សាខ្លួននៅដាច់ដោយឡែកនិងថែទាំតាមដានសុខភាព ជាពិសេសគឺហាត់ប្រាណ ហើយមួយវិញទៀត នាងនិងគ្រួសារបានធ្វើតេស្តរកមេរោគ COVID-19 ជាលើកទី២រួចរាល់ហើយ លទ្ធផលគឺ អវិជ្ជមាន( Negative ) ។

តារាចម្រៀងអ្នកនាង ឱក សុគន្ធកញ្ញា បានបន្ថែមទៀតថា ទោះជាយ៉ាងណាក៏ដោយ ក៏គ្រួសារនាងនៅតែបន្តស្នាក់នៅក្នុងផ្ទះបន្តទៀត។ សូមការពារខ្លួនយើង និងក្រុមគ្រួសារទាំងអស់គ្នា ( ៣ការពារ ៣កុំ ) ។

សូមជម្រាបដែរថា បច្ចុប្បន្នមានតារាចម្រៀងប្រុស-ស្រីរួមអាជីពនៅក្នុងផលិតកម្មហង្សមាសមួយចំនួនបានឆ្លងជំងឺកូវីដ-១៩ ហើយកំពុងតែសម្រាកព្យាបាលនៅមន្ទីរពេទ្យ ខណៈមានខ្លះទៀតធ្វើចត្តាឡីស័ក១៤ផងនោះ៕

អត្ថបទ ៖ ចាន់រ៉ា