ព័ត៌មានជាតិ

បញ្ជាក់ទីតាំងមួយចំនួនតម្រូវឲ្យពាក់ម៉ាស់ រក្សាគម្លាត ដើម្បីរួចផុតពីការពិន័យ

បានផុស

៤ years មុន

នៅ

ថ្ងៃអង្គារ ២៣ មីនា ២០២១

ដោយ

so pon

ក្រសួងសុខាភិបាលនៅថ្ងៃទី ២៣ ខែមីនា បានប្រកាសផ្សព្វផ្សាយកពីទីតាំងមួយចំនួន ដែលត្រូវគោរពកាតព្វកិច្ចពាក់ម៉ាស និងរក្សាគម្លាតសុវត្ថិភាព បើពុំនោះទេនឹងត្រូវទទួលរងពិន័យ។

បុគ្គលដែលមានកាតព្វកិច្ចពាក់ម៉ាសរួមមាន បុគ្គលដែលមានវិជ្ជមានកូវី-១៩ ក្នុងពេលជួបផ្ទាល់ជាមួយមន្ត្រីសុខាភិបាល ឬមន្ត្រីមានសមត្ថកិច្ចផ្សេងទៀត និងបុគ្គលដែលមានកាតព្វកិច្ចធ្វើចត្តាឡីស័ក លើកលែងតែបុគ្គលនោះធ្វើចត្តាឡីស័កនៅក្នុងបន្ទប់ដាច់ដោយឡែកតែឯង និងមិនជួបផ្ទាល់ជាមួយអ្នកដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនេះមាន អ្នកបើកបរយានគ្រប់ប្រភេទដែលជាមធ្យោបាយធ្វើដំណើររួម ឬមធ្យោបាយដឹកជញ្ជូនសម្រាប់បម្រើឱ្យសាធារណជន អ្នកដំណើរតាមមធ្យោបាយធ្វើដំណើររួម ឬមធ្យោបាយដឹកជញ្ជូនសម្រាប់បម្រើឲ្យសាធារណជន អ្នកផ្តល់សេវាផ្ទាល់ដល់អតិថិជន រួមមាន បុគ្គលិកជួរមុខនៅតាមសហគ្រាស ឬគ្រឹះស្ថាន ឬទីតាំងអាជីវកម្មនានា ព្រមទាំងមន្ត្រី និងបុគ្គលិកសុខាភិបាល អ្នកផ្តល់សេវាព្យាបាលដោយចលនា បុគ្គលដែលបម្រើការនៅក្នុងភោជនីយដ្ឋាន បុគ្គលិកដែលផ្តល់សេវាម៉ាស្សា ឬអាហារដ្ឋាន បុគ្គលិកផ្ទះសំណាក់ ឬសណ្ឋាគារ បុគ្គលិកដែលផ្តល់សេវាម៉ាស្សា កោសជប់ និងបុគ្គលផ្សេងទៀតដែលផ្តល់សេវាផ្ទាល់ជាដើម។

ចំណែកទីតាំងមួយចំនួន ដែលត្រូវរក្សាគម្លាតរួមមាន បុគ្គលគ្រប់រូបដែលកំពុងស្ថិតនៅទីកន្លែងធ្វើការនៃសហគ្រាស ឬគ្រឹះស្ថានឯកជន ទីតាំងអាជីវកម្ម ឬទីកន្លែងសាធារណៈនានា ដែលមានមនុស្សច្រើន ត្រូវមានកាតព្វកិច្ចរក្សាគម្លាតសុវត្ថិភាពបុគ្គល។

ការរក្សាគម្លាតសុវត្ថិភាពបុគ្គល ត្រូវមានយ៉ាងតិច១,៥០ម៉ែត្រ ពីបុគ្គលម្នាក់ទៅ បុគ្គលម្នាក់ ហើយកាតព្វកិច្ចរក្សាគម្លាតសុវត្ថិភាពបុគ្គល ត្រូវបានលើកលែងចំពោះករណី ដូចជា ក្នុងចំណោមបុគ្គលនានា ដែលរស់នៅជាប្រចាំក្នុងលំនៅឋានជាមួយគ្នា ក្នុងអំឡុងពេលធ្វើដំណើរតាមមធ្យោបាយធ្វើដំណើរឯកជន សុវត្ថិភាពបុគ្គលមិនអាចធ្វើទៅបាន ក្នុងកាលៈទេសៈដែលការរក្សាគម្លាត, រវាងជនពិការ ចាស់ជរា ឬកុមារ ជាមួយនឹងអ្នកមើលថែទាំជនទាំងនេះ,

បើតាមការប្រកាសរបស់ក្រសួងសុខាភិបាលមន្ត្រី និងបុគ្គលិកសុខាភិបាលដែលកំពុងផ្តល់សេវានៅតាមគ្រឹះស្ថានសុខា ភិបាលសាធារណៈ និងឯកជន ជាមួយនឹងអ្នកជំងឺ ឬជាមួយអ្នកដែលមកទទួលសេវាសុខាភិបាល និងកូនកំលោះ និងកូនក្រមុំក្នុងពេលអំឡុងពេលធ្វើកិច្ចសាសនា និងប្រពៃណីនៃពិធីអាពាហ៏ពិពាហ៍ ឬពិធីភ្ជាប់ពាក្យ ដែលត្រូវបានអនុញ្ញាតស្របតាមការកំណត់របស់អាជ្ញាធរមានសមត្ថកិច្ច។

ក្នុងសេចក្តីប្រកាសថា បុគ្គលដែលមិនអនុវត្តកាតព្វកិច្ចនៃការពាក់ម៉ាស ឬកាតព្វកិច្ចរក្សាគម្លាតសុវត្ថិភាព ត្រូវទទួលទណ្ឌកម្មដូចមានចែងក្នុងអនុក្រឹត្យស្តីពីវិធានសុខាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។ មាត្រា១៩ នៃអនុក្រឹត្យ បានចែងថា អ្នកមិនពាក់ម៉ាស់ត្រូវផ្តន្ទាទោសជាពិន័យអន្តរការណ៍ពី ២០០,០០០រៀល ទៅ ១,០០០,០០០រៀល៕

អត្ថបទ៖កោះកែវ

Related Topics:ក្រសួងសុខាភិបាល