លោក ហ៊ុន ម៉ាណែត កោតសរសើរ​​កម្លាំងកងទ័ព និងកម្លាំងសាមគ្គី

លោក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានកោតសរសើរដល់កម្លាំងកងទ័ព និងកម្លាំងសាមគ្គីនានា ដែលបានជួយគ្នាក្នុងគ្រាទឹកជំនន់ នាពេលកន្លងទៅ។

ថ្លែងក្នុងពិធីសំណេះសំណាល និងចែកពូជស្រូវ ជូនប្រជាពលរដ្ឋ ក្នុងខេត្តពោធិ៍សាត់ នាព្រឹកថ្ងៃទី០៧ ខែវិច្ឆិកា ឆ្នាំ២០២០ នៅបរិវេណពហុកីឡដ្ឋានខេត្តពោធិ៍សាត់ លោក ហ៊ុន ម៉ាណែត បានលើកឡើងថា ទាហ៊ាន បានចូលរួមធ្វើសកម្មភាពយ៉ាងច្រើន រួមមាន ការដឹកជញ្ជួន អន្តរាគមន៍សង្រ្គោះ ជាដើម ដើម្បីជួយដល់ពលរដ្ឋរងគ្រោះដោយទឹកជំនន់។

លោកបានលើកឡើងដែរថា នាពេលកន្លងមក មានមតិមួយចំនួន បានវាយប្រហារមកលើ ការទិញរថយន្តយោធា និងមកលើទាហ៊ាន (យោធា) ប៉ុន្តែបន្ទាប់ពីបានឃើញសកម្មភាពជួយសង្រ្គោះ នៅគ្រាទឹកជំនន់ គឺមិនលឺមានការវាយប្រហារណាមួយកើតឡើងនោះទេ ។

សូមបញ្ជាក់ថា នៅព្រឹកថ្ងៃទី០៧ ខែវិច្ឆិកា ឆ្នាំ២០២០ នេះ មានពលរដ្ឋចំនួន១៣,០៤៧គ្រួសារ ត្រូវបានផ្ដល់ពូជស្រូវ ដើម្បីស្តារការដាំដុះឡើងវិញ ក្រោយការខូចខាតដោយសារទឹកជំនន់ នាពេលកន្លងទៅ៕