ព័ត៌មានជាតិ
ក្រសួងការងារ និង ស្ថាប័នពាក់ព័ន្ធ កំណត់ជា ៣ ដំណាក់កាល ផ្លាស់ប្ដូរ ឬ កែលម្អរថយន្តដឹកកម្មករឱ្យមានផាសុកភាព និង សុវត្ថិភាព
លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស និងជាអ្នកនាំពាក្យ នៃក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ១៩ មីនា នេះថា ក្រសួងការងារដែលមានបេឡាជាតិសន្តិសុខសង្គម ជាសេនាធិការ តាមរយៈក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃបេឡាជាតិសន្តិសុខសង្គម បានសហការជាមួយអគ្គលេខាធិការ នៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ) និងអគ្គស្នងការនគរបាលជាតិ នៃក្រសួងមហាផ្ទៃ បានកំណត់ជា ៣ ដំណាក់កាល ដើម្បីជំរុញការផ្លាស់ប្តូរ ឬកែលម្អរថយន្តដឹកកម្មករឱ្យមានផាសុកភាព និងសុវត្ថិភាព។
លោកអគ្គនាយករង ប.ស.ស បានបន្តថា ក្នុងនោះដំណាក់កាលទី ១ ជំរុញការផ្លាស់ប្តូររថយន្តប្រភេទដឹកទំនិញដែលដឹកកម្មករឈរមកអង្គុយ ដោយរៀបចំឱ្យមានបន្ទះក្ដារ ឬរនូតដែក ឬឈើ មានការថយចុះចំនួនផ្ទុក ១៣% ដោយធៀបនឹងចំនួនផ្ទុកមុនពេលកែលម្អ នៅត្រឹមដំណាច់ឆ្នាំ ២០២៥។ ដំណាក់កាលទី ២ ជំរុញការផ្លាស់ប្តូររថយន្តប្រភេទដឹកទំនិញដែលដឹកកម្មករឈរដោយកែលម្អឱ្យមានកៅអីអង្គុយ និងមានដំបូល ថយចុះចំនួនផ្ទុក ២៣% ដោយធៀបនឹងចំនួនផ្ទុកមុនពេលកែលម្អ នៅត្រឹមដំណាច់ឆ្នាំ ២០២៦ និងដំណាក់កាលទី ៣ ជំរុញការផ្លាស់ប្ដូររថយន្តប្រភេទដឹកទំនិញដែលដឹកកម្មករមករថយន្តប្រភេទដឹកអ្នកដំណើរ ឬដោយកែលម្អឱ្យមានកៅអីអង្គុយសមរម្យ និងមានដំបូល ថយចុះចំនួនផ្ទុក ៣៦% ដោយធៀបនឹងចំនួនផ្ទុកមុនពេលកែលម្អ។
លោកអគ្គនាយករង ប.ស.ស បានបញ្ជាក់ថា ការកំណត់ជា ៣ ដំណាក់កាល ដើម្បីជំរុញការផ្លាស់ប្តូរ ឬកែលម្អរថយន្តដឹកកម្មករឱ្យមានផាសុកភាព និងសុវត្ថិភាពនេះ ដោយសារតែម្ចាស់រថយន្តដឹកកម្មករ-និយោជិតនៅមិនទាន់មានលទ្ធភាពធ្វើការផ្លាស់ប្តូរពីរថយន្តដឹកទំនិញមករថយន្តដឹកអ្នកដំណើរបាន ក៏ព្រោះតែរថយន្តប្រភេទដឹកអ្នកដំណើរមានតម្លៃថ្លៃ ស៊ីប្រេងច្រើន និងត្រូវជួសជុលថែទាំញឹកញាប់ ជាងរថយន្តប្រភេទដឹកទំនិញ និងមិនអាចចូលដល់ក្នុងភូមិបាន ព្រោះស្ថានភាពផ្លូវតូចចង្អៀត។ អ្នកបើកបរមួយចំនួនធំ កំពុងជាប់បំណុលជាមួយធនាគារ។ ការផ្ទុកកម្មករលើរថយន្តបានចំនួនតិចជាងមុន ហើយបើដំឡើងថ្លៃធ្វើដំណើរវានឹងប៉ះពាល់ដល់កម្មករ និងរោងចក្រ សហគ្រាស គ្មានលទ្ធភាពបន្ថែមប្រាក់ធ្វើដំណើរជូនកម្មករ។
យ៉ាងណាក៏ដោយយោងតាមអនុសាសន៍របស់ សម្តេចមហាបវរធិបតី ដែលមានក្រសួងការងារ និងបណ្តុះបណ្តាលវិជ្ជាជីវៈ ឬក្រសួងស្ថាប័ន អង្គភាពពាក់ព័ន្ធ ត្រូវអនុវត្តការងារនេះយ៉ាងយូរត្រឹមបំណាច់ឆ្នាំ ២០២៧។
គួរបញ្ជាក់ថា ឆ្នាំ ២០២៤ ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានស្រង់ស្ថិតិរថយន្តដឹកកម្មករ បានសរុបចំនួន ៣ ៣៣២ គ្រឿង ក្នុងនោះ រថយន្តប្រភេទដឹកទំនិញ មានចំនួន ១ ៩៦៣ គ្រឿង (រថយន្តបានកែលម្អឱ្យមានកៅអីអង្គុយមានចំនួន ២៦៧ គ្រឿង) និងរថយន្តប្រភេទដឹកអ្នកដំណើរស្របតាមលក្ខណៈបច្ចេកទេស មានចំនួន ១ ៣៦៩ គ្រឿង។
ជាមួយគ្នានេះ ក្រុមការងារ ស.ផ.ក នៃ ប.ស.ស. បាននិងកំពុងសហការជាមួយអគ្គស្នងការនគរបាលជាតិ នៃក្រសួងមហាផ្ទៃ ដើម្បីចុះស្រង់ស្ថិតិអ្នកបើកបររថយន្តដឹកកម្មករសម្រាប់ឆ្នាំ ២០២៥ នេះផងដែរ៕
អត្ថបទ ៖ សំអឿន
ក្រសួងការងារ និង ស្ថាប័នពាក់ព័ន្ធ កំណត់ជា ៣ ដំណាក់កាល ផ្លាស់ប្ដូរ ឬ កែលម្អរថយន្តដឹកកម្មករឱ្យមានផាសុកភាព និង សុវត្ថិភាព
រដ្ឋមន្ត្រីក្រសួងការងារ និង ឯកអគ្គរដ្ឋទូតទីម័រខាងកើត បង្ហាញគោលបំណង បង្កើតកិច្ចសហប្រតិបត្តិការលើវិស័យ TVET
ការដោះដូរទំនិញរវាងកម្ពុជា-ចិនសម្រេចបានជាង ២,៦ពាន់លានដុល្លារ នៅក្នុងរយៈពេល២ខែដើមឆ្នាំ២០២៥
សហព័ន្ធខ្មែរកីឡាហាប់គីដូ ឆ្នាំ ២០២៥ មានផែនការ២ធំៗជំរុញអភិវឌ្ឍន៍សមត្ថភាព
David Steven Cohen អ្នកសរសេររឿង Courage the cowardly dog បានទទួលមរណភាពក្នុងវ័យ58ឆ្នាំ
អាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
ពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
ព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
លោក ត្រាំ នឹងបញ្ចេញឯកសារសម្ងាត់ចំនួន ៨០ ០០០ទំព័រ ពាក់ព័ន្ធនឹងរឿងក្ដីធ្វើឃាតលោក Kennedy
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានសាងសង់ដោះស្រាយ នឹងបញ្ចប់សរុប 3172 ផ្ទះហើយ
-
KPT+៣ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ២១ ម៉ោង agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ២៣ ម៉ោង agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៤ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៧ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៥ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៤ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៦ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង