ព័ត៌មានជាតិ
រាជធានី-ខេត្តចំនួន ១៥ ប្រឈមនឹងខ្វះទឹកស្រោចស្រពបង្កឱ្យប៉ះពាល់ស្រូវប្រាំង និងដំណាំរួមផ្សំជាង ១០ ម៉ឺនហិតា
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅរសៀលថ្ងៃទី ២០ មីនា នេះថា រាជធានី-ខេត្តចំនួន ១៥ កំពុងប្រឈមនឹងខ្វះទឹកស្រោចស្រពបង្កឱ្យប៉ះពាល់ដល់ស្រូវប្រាំង និងដំណាំរួមផ្សំប្រមាណជាង ១០ ម៉ឺនហិតា ក្នុងនោះ ខូចខាតជាង ៧ ពាន់ ៧ រយហិតា។
លោកបានបន្តថា មូលដ្ឋានខ្វះទឹកស្រោចស្រពចំនួន ១៥ រាជធានី-ខេត្ត ក្នុងនោះរួមមាន រាជធានីភ្នំពេញ ខេត្តប៉ៃលិន ព្រៃវែង ត្បូងឃ្មុំ កំពង់ចាម កណ្តាល ក្រចេះ កំពង់ធំ តាកែវ ពោធិ៍សាត់ បាត់ដំបង បន្ទាយមានជ័យ កំពត សៀមរាប និងខេត្តស្វាយរៀង បានបណ្តាលឱ្យប៉ះពាល់ស្រូវចំនួន ៩៩.២៨៩ ហិតា និងដំណាំរួមផ្សំចំនួន ១.៥ ៥៧ ហិតា បានអន្តរាគមន៍សង្គ្រោះ ៨៥.៩៥១ ហិតា និងបន្តជួយ ៥.៦៧២ ហិតា និងរងការខូចខាត ៧.៧៣៥ ហិតា។
លោកបានបន្តថា កង្វះទឹកស្រោចស្រពស្រូវប្រាំងនេះដោយសារតែដល់រដូវប្រាំងហើយភ្លៀងកក់ខែទើបតែកើតមានក្នុងកម្រិតតិចជាងមធ្យម ចាប់ពីសប្ដាហ៍ទី ៣ នៃខែកុម្ភៈ ធ្វើឱ្យបរិមាណទឹកមានមិនទាន់គ្រប់គ្រាន់សម្រាប់ផ្គត់ផ្គង់ដល់ដំណាំស្រូវប្រាំងដែលបានធ្វើលើសផែនការច្រើននៅតាមបណ្តាខេត្តផលិតមួយចំនួន និងតម្រូវឱ្យមានការអន្តរាគមន៍ជួយសង្គ្រោះជាបន្តទៀតរហូតដល់ការ ប្រមូលផលក្នុងក្របខណ្ឌទូទាំងប្រទេស ខណៈរដូវវស្សានៅឆ្នាំនេះ នឹងចាប់ផ្ដើមក្នុងសប្ដាហ៍ទី ២ នៃខែឧសភា លឿនជាង ឆ្នាំ ២០២៤ ហើយកម្ពស់ទឹកភ្លៀង នឹងមានបរិមាណខ្ពស់ជាងមធ្យមភាគច្រើនឆ្នាំ។
លោកបានបន្តថា ចំពោះការអន្តរាគមន៍ជួយសង្គ្រោះដំណាំស្រូវប្រាំងមានការបើកបញ្ចេញទឹកពីអាងស្តុកទឹកមួយចំនួន និងការដាក់ម៉ាស៊ីនបូមទឹកពីប្រភពទឹកផ្សេងៗ បញ្ចូលក្នុងប្រឡាយមេ កំពុងត្រូវបានអនុវត្តនៅតាមខេត្តផលិតស្រូវប្រាំង ចំនួន ១៥ ដោយសារបរិមាណភ្លៀងកក់ខែមានតែបន្តិចបន្តួចមិនអាចផ្គត់ផ្គង់គ្រប់គ្រាន់សម្រាប់ការលូតលាស់បាន ហើយក្នុងនេះកន្លែងដែលគ្មានប្រភពទឹកបានទទួលរងការខូចខាតមួយចំនួន។ ជាទូទៅដំណាំស្រូវដែលទទួលរងការប៉ះពាល់ពីការរាំងស្ងួត បន្ទាប់ពីការអន្តរាគមន៍សង្គ្រោះរួចផុតពីការខូចខាតក៏ទិន្នផលមធ្យមមានការធ្លាក់ចុះខ្លះ។
លោកបានបន្ថែមថា គណៈកម្មាធិការជាតិគ្រប់គ្រងគ្រោះមហន្តរាយ ក្រសួងស្ថាប័នជំនាញ គណៈពង្រឹងគ្រប់ជាន់ថ្នាក់ ថ្នាក់ មន្ត្រីមូលដ្ឋានភូមិ ឃុំ ស្រុក បានយកចិត្តទុកដាក់ចុះជាប់តាមដានជាប្រចាំក្រោមការដឹកនាំ និងបញ្ជាដោយផ្ទាល់ពី សម្តេចធិបតី នាយករដ្ឋមន្ត្រី ព្រោះថា ការខូចខាត អាចនឹងមានការកើនឡើង ដោយសារទឹកនៅតែបន្តរឹងស្ងួត ប៉ុន្តែទំហំ នៃការខូចខាតនោះ ក៏នឹងពុំកើនឡើងច្រើនដែរ៕
អត្ថបទ ៖ សំអឿន
ទឹកជំនន់ឆ្នាំ២០២៤ បណ្តាលឲ្យម៉ាឡេស៊ីខាតបង់ប្រាក់ចំនួន២១១លានដុល្លារ
រាជធានី-ខេត្តចំនួន ១៥ ប្រឈមនឹងខ្វះទឹកស្រោចស្រពបង្កឱ្យប៉ះពាល់ស្រូវប្រាំង និងដំណាំរួមផ្សំជាង ១០ ម៉ឺនហិតា
អាល្លឺម៉ង់ អនុម័តកញ្ចប់ជំនួយ ៣ពាន់លានអឺរ៉ូ បន្ថែមទៀតឲ្យអ៊ុយក្រែន
កសិករដាំដំណាំប៉ិកួៈ កំពុងត្អូញត្អែរគ្មានទីផ្សារលក់ចេញ ខណៈដល់ពេលប្រមូលផល
ក្រុមហ៊ុនចិនធំៗមួយចំនួនចាប់អារម្មណ៍វិនិយោគលើរោងចក្រកែច្នៃវត្ថុធាតុដើម្បីផ្គត់ផ្គង់វិស័យកាត់ដេរនៅកម្ពុជា
និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
បុរសម្នាក់ កាប់សម្លាប់បុរសវ័យចំណាស់នៅខេត្តមណ្ឌលគិរី ព្រោះមិនព្រមតាមការពឹងពាក់ខ្លួន
Breaking News៖ អគ្គិភ័យកំពុងឆេះឃ្លាំងមួយកន្លែងនៅសង្កាត់ស្ទឹងមានជ័យទី៣
ត្រាំ ប្រាប់ទៅ ហ្សេលេនស្គី ថា ទាល់ឲ្យអាមេរិក គ្រប់គ្រងរោងចក្រថាមពល ទើប ពូទីន លែងហ៊ានវាយ
មតិចង់ឱ្យបញ្ចូលកសិកម្ម អភិវឌ្ឍន៍ជនបទ ធនធានទឹក ជាក្រសួងតែមួយ សម្ដេចធិបតី ថា មិនចាំបាច់
-
KPT+៤ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ២ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ២ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៦ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ១ សប្តាហ៍ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៦ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
ព័ត៌មានអន្ដរជាតិ២២ ម៉ោង agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១