ព័ត៌មានជាតិ

បង្ក្រាបករណីថ្នាំញៀន ដកហូតបាន១៦០កញ្ចប់

Published

2 months ago

November 7, 2020

ជនសង្ស័យ៣នាក់ ត្រូវនគរបាលក្រុងព្រះសីហនុ ធ្វើការឃាត់ខ្លួន ពាក់ព័ន្ធករណីគ្រឿងញៀន វត្ថុតាងដកហូតថ្នាំញៀនជាង ១៦០កញ្ចប់។

ផែនការងារប្រឆាំងគ្រឿងញៀនខេត្តព្រះសីហនុ ប្រាប់ឲ្យដឹងថា កាលពីថ្ងៃទី០៧ ខែវិច្ឆិកា ឆ្នាំ ២០២០ វេលាម៉ោង២៣និង៣០នាទី កម្លាំងជំនាញនៃអធិការដ្ឋាននគរបាលក្រុងព្រះសីហនុ បានឃាត់ខ្លួនជនសង្ស័យពាក់ព័ន្ធករណីគ្រឿងញៀន ៣នាក់ ស្ថិតនៅចំណុចក្រុម១ ភូមិ៥ សង្កាត់លេខ៤ ក្រុង-ខេត្តព្រះសីហនុ។

ជនសង្ស័យទាំង ៣នាក់ ដែលត្រូវសមត្ថកិច្ចឃាត់ខ្លួន ១. ឈ្មោះ ឃិន ស៊ីនួន ភេទប្រុស ឆ្នាំកំណើត ១៩៨៧ ជនជាតិខ្មែរ មុខរបរកម្មករសំណង់ ទីលំនៅបច្ចុប្បន្នក្រុម១ ភូមិ៥ សង្កាត់លេខ៤ ក្រុង/ខេត្តព្រះសីហនុ។ ២. ឈ្មោះ ឈួន កំសត់ ភេទស្រី ឆ្នាំកំណើត ១៩៨៦ ជនជាតិខ្មែរ មុខរបរកម្មករសំណង់ មានទីលំនៅបច្ចុប្បន្នក្រុម១ ភូមិ៥ សង្កាត់លេខ ៤ ក្រុង/ខេត្តព្រះសីហនុ មានស្រុកកំណើត ភូមិកំពែងស្វាយ ឃុំស្នាមព្រះ ស្រុកបាកាន ខេត្តពោធិសាត់។ ៣. ឈ្មោះ ឈៀង សុខា ភេទប្រុស ឆ្នាំកំណើត ១៩៧៧ ជនជាតិខ្មែរ មុខរបរមេកាសំណង់ ទីលំនៅបច្ចុប្បន្នក្រុម ១ ភូមិ ៥ សង្កាត់ ៤ ក្រុង/ខេត្តព្រះសីហនុ មានស្រុកកំណើត ភូមិរោងបន្លែ សង្កាត់ស្វាយរៀង ក្រុងស្វាយរៀង ខេត្តស្វាយរៀង។ វត្ថុតាង រួមមាន ម្សៅក្រាមពណ៌សថ្លា សង្ស័យសារធាតុញៀន ចំនួន ១៦៦ កញ្ចប់ , ទូរសព្ទ័ ០៤ គ្រឿង , ដាវ ០៣ ដេីម , និង ថង់សម្រាប់ វេចខ្ចប់ថ្នាំមួយចំនួន។ ជនសង្ស័យទាំង៣នាក់ រួមទាំងវត្ថុតាង សមត្ថកិច្ចកំពុងកសាងសំណុំរឿង ដើម្បីចាក់ការតាមនីតិវិធី ៕