ព័ត៌មានជាតិ

ឆ្នាំនេះ រដ្ឋបាលរាជធានី នឹងបញ្ចេញរថយន្តក្រុងជិត ៦០០ គ្រឿង ជូនពលរដ្ឋទៅស្រុកកំណើត មិនគិតថ្លៃ នាឱកាសបុណ្យចូលឆ្នាំថ្មី

បានផុស

១ សប្តាហ៍ មុន

នៅ

ថ្ងៃសុក្រ ២១ មីនា ២០២៥

ដោយ

នៅឆ្នាំនេះ រដ្ឋបាលរាជធានីភ្នំពេញ គ្រោងនឹងបញ្ចេញរថយន្តក្រុងចំនួនជិត ៦០០ គ្រឿង ដើម្បីដឹកជញ្ជូនប្រជាពលរដ្ឋទៅលេងស្រុកកំណើតក្នុងឱកាសបុណ្យចូលឆ្នាំថ្មី ឆ្នាំម្សាញ់ ដោយមិនបង់ប្រាក់។ ការដឹកជញ្ជូននេះ នឹងប្រើប្រាស់ពេលវេលាចំនួន ០៦ ថ្ងៃ ដោយចាប់ពីថ្ងៃទី ១២ ដល់ ថ្ងៃទី ១៧ ខែមេសា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីជូនដំណឹងរបស់រដ្ឋបាលរាជធានីភ្នំពេញបានឱ្យដឹងថា ដោយអនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក្នុងនោះ រដ្ឋបាលរាជធានីភ្នំពេញ នឹងរៀបចំរថយន្តក្រុងចំនួន ៥៩៧ គ្រឿង សម្រាប់បម្រើសេវាដឹកជញ្ជូនសាធារណៈ ដោយមិនបង់ប្រាក់រយៈពេល ០៦ ថ្ងៃ ចាប់ពីថ្ងៃទី ១២ ដល់ ថ្ងៃទី ១៧ ខែមេសា ឆ្នាំ ២០២៥ ដើម្បីជួយសម្រួលដល់ការចំណាយរបស់ប្រជាពលរដ្ឋទាំងអស់ ក្នុងការធ្វើដំណើរទៅលេងស្រុកកំណើត ជួបជុំបងប្អូន ក្រុមគ្រួសារ និងទៅកម្សាន្តសប្បាយ សង្ក្រាន្តឆ្នាំថ្មី នៅតាមបណ្តាខេត្តនានា ក្នុងឱកាសអបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩។

ដើម្បីតាមដានតម្រាយផ្លូវ និងពេលវេលាធ្វើដំណើរ សូមមើលសេចក្ដីជូនដំណឹង ស្ដីពី ការបម្រើសេវាដឹកជញ្ជូនសាធារណៈរថយន្តក្រុងដោយមិនបង់ប្រាក់រយៈពេល ០៦ ថ្ងៃ ចាប់ពីថ្ងៃទី ១២ ដល់ ថ្ងៃទី ១៧ ខែមេសា ឆ្នាំ ២០២៥ នៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩ របស់រដ្ឋបាលរាជធានីភ្នំពេញ៕

អត្ថបទ ៖ ស្រីរ័ត្ន