ព័ត៌មានជាតិ

លោក ឌី រ័ត្នខេមរុណ ផ្តល់អាកុលជូនកងកម្លាំងប្រចាំការគោលដៅធ្វើចត្តាឡីស័កក្នុងមូលដ្ឋានសង្កាត់ទាំង៧ នៃខណ្ឌមានជ័យ

បានផុស

៤ years មុន

នៅ

ថ្ងៃអង្គារ ២៣ មីនា ២០២១

ដោយ

នៅព្រឹកថ្ងៃទី២២ ខែមីនា ឆ្នាំ២០២១នេះ លោក ឌី រ័ត្នខេមរុណ អភិបាលរងខណ្ឌមានជ័យ បានអញ្ជើញចុះពិនិត្យទីបញ្ជាការស្រាល និងផ្តល់អាល់កុលជូនដល់កងកម្លាំងដែលយាមប្រចាំការនៅគោលដៅទីបញ្ជាការស្រាល និងគោលដៅយាមប្រចាំការដែលកំពុងធ្វើចត្តាឡីស័ក ក្នុងមូលដ្ឋានសង្កាត់ទាំង៧ នៃខណ្ឌមានជ័យ។

នាឳកាសនោះដែរ លោក ឌី រ័ត្នខេមរុណ បានថ្លែងអំណរគុណ និងកោតសរសើរខ្ពស់ចំពោះការលះបង់ និងកិច្ចខិតខំប្រឹងប្រែង យកចិត្តទុកដាក់ ក្នុងការការពារបងប្អូនដែលកំពុងធ្វើចត្តាឡីស័ក និងកំពុងសម្រាកព្យាបាល ក៏ដូចជាបានសហការជាមួយក្រុមគ្រូពេទ្យ មិនថាយប់ ឬថ្ងៃ ភ្លៀង ឬក្តៅ នោះទេ បងប្អូនកងកម្លាំង តែងតែនៅមុខគេជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតក្នុងឱកាសអញ្ជើញចុះពិនិត្យនេះ លោកអភិបាលរង ក៏បានពាំនាំនូវការផ្ដាំផ្ញើសួរសុខទុក្ខ ពីសំណាក់លោក ពេជ្រ កែវមុនី អភិបាលនៃគណៈអភិបាលខណ្ឌមានជ័យ រួមទាំងថ្នាក់ដឹកនាំខណ្ឌផងដែរ នេះជាការលើកទឹកចិត្តកងកម្លាំង ក្នុងការខិតខំរក្សាការពារ តាមទីកន្លែង មណ្ឌលចត្តាឡីស័ក ដើម្បីធានាសុវត្ថិភាពជូនបងប្អូនដែលកំពង់អនុវត្តន៍តាមវិធានការសុខាភិបាល ។

ទន្ទឹមនឹងនេះ លោកអភិបាលរង ខណ្ឌមានជ័យ បានបន្ថែមទៀតថា សូមឲ្យកងកម្លាំងយើងបន្តពង្រឹងការពារសន្តិសុខ នៅគោលដៅចត្តាឡីស័កនីមួយៗឲ្យកាន់តែមានប្រសិទ្ធភាពខ្ពស់ ព្រមទាំងសូមឲ្យបងប្អូនប្រជាពលរដ្ឋ ក៏ដូចជាកងកម្លាំងទាំងអស់ខិតខំយកចិត្តទុកដាក់គិតគូរជានិច្ចពី សុខភាព អនាម័យ និងសុវត្ថិភាពផ្ទាល់ខ្លួន តាមរយៈការចូលរួមអនុវត្តវិធានការការពារ និង រក្សាអនាម័យ ជាពិសេសអនុវត្តតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នូវវិធានការ ៣កុំ និង ៣ការពារ ក៏ដូចជាសារអប់រំនានារបស់ក្រសួងសុខាភិបាល ដើម្បីចូលរួមកាត់បន្ថយ និងបង្ការការរីករាលដាលនៃជំងឺកូវីដ-១៩ ដែលកំពុងតែកើតមាននៅសហគមន៍ ។

លោក ឌី រ័ត្នខេមរុណ ក៏សូមអំពាវនាវដល់បងប្អូនប្រជាពលរដ្ឋ ដែលរស់នៅក្នុងមូលដ្ឋាន ខណ្ឌមានជ័យទាំងអស់ ប្រសិនបើគ្មានការចាំបាច់ទេ សូមកុំចេញក្រៅផ្ទះដើម្បី ជៀសវាងការរីករាលដាលឆ្លងជំងឺកូវីដ-១៩ ក៏ដូចជាបញ្ចប់ព្រឹត្តិការណ៍២០កុម្ភះខាងមុខនេះផងដែរ ។

ក្នុងនោះ លោក ឌី រ័ត្នខេមរុណ ក៏បានផ្តល់អាល់កុលដល់ទីបញ្ជាការស្រាលដែលមានកម្លាំងអធិការ ចំនួន១កាន កម្លាំងអាវុធហត្ថខណ្ឌ១កាន កម្លាំងសណ្តាប់ធ្នាប់ខណ្ឌចំនួន១កាន រួមទាំងកម្លាំងដែរយាមគោលដៅសង្កាត់ទាំង៧ក្នុងមួយសង្កាត់១កាន សរុបទាំងអស់១០កាន សម្រាប់យកប្រើប្រាស់ទប់ទល់និងជំងឺកូវីដ-១៩ ផងដែរ៕