ព័ត៌មានជាតិ
រដ្ឋមន្ត្រីអប់រំ ៖ កម្ពុជា មានសាលាឯកជននៅគ្រប់កម្រិតជិត ៦ ពាន់សាលា នៅទូទាំងប្រទេស
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា បច្ចុប្បន្ននេះ កម្ពុជា មានសាលាឯកជននៅគ្រប់កម្រិតប្រមាណ ៥ ៧៤៧ សាលា នៅទូទាំងប្រទេស ដែលបានចូលរួមចំណែកយ៉ាងសំខាន់ក្នុងការលើកស្ទួយគុណភាពអប់រំ និងអភិវឌ្ឍន៍ធនធានមនុស្សកាន់តែប្រសើរឡើងបន្ថែមទៀត។
ថ្លែងក្នុងពិធីប្រកាសក្រុមប្រឹក្សាភិបាលអាណត្តិថ្មី ២០២៥-២០២៧ និងប្រគល់បណ្ណសរសើរនាយក/នាយិកាថ្លើម និងគ្រូឆ្នើម នៃសហព័ន្ធសេវាអប់រំនៅកម្ពុជា កាលពីចុងសប្ដាហ៍កន្លងទៅនេះ លោក ឧបនាយករដ្ឋមន្ត្រី បានបន្តថា ក្នុងចំណោមសាលាគ្រប់កម្រិតជិត ៦ ០០០ សាលា ក្នុងនោះ សាលាមត្តេយ្យមាន ៤ ៣០០ ចំណោមសាលា ៩ ០០០ សាលា ក្នុងនោះ មតេយ្យសហគមន៍ជាង ៣ ០០០។ សាលាបឋមសិក្សាមាន ៨៩០ សាលា ក្នុងចំណោម ៧ ៤០០ សាលា មានសិស្ស ២ លាន ២ សែននាក់។ សាលាមធ្យមសិក្សាមាន ៤៤២ សាលា ក្នុងចំណោមជាង ១ ៨០០ សាលា និងគ្រឹះស្ថានឧត្តមសិក្សាមានចំនួន ១១៥ ក្នុងចំណោម ១៩៤ កន្លែង។
លោកឧបនាយករដ្ឋមន្ត្រី បានបន្តទៀតថា ជារួមសម្រាប់ឆ្នាំសិក្សា ២០២៤-២០២៥ ចំនួនសាលារៀននៅទូទាំងប្រទេសសរុប ១៩.៥៩១ ដោយមានសិស្សនិស្សិតសរុប ៤.១៧១.៩៦២ នាក់។
លោកឧបនាយករដ្ឋមន្ត្រី បានណែនាំឱ្យយកចិត្តទុកដាក់អប់រំកុមារចាប់ពីតូចឡើងទៅ ដើម្បីឱ្យកុមារក្លាយជាធនធានដ៏សំខាន់ក្នុងការចូលរួមអភិវឌ្ឍន៍ប្រទេសជាតិ។
លោកឧបនាយករដ្ឋមន្ត្រី បានបន្ថែមថា «បច្ចុប្បន្នការអប់រំកុមារតូចបើទោះបីជាក្នុងយុគសម័យបច្ចេកវិទ្យា ក៏មានតួនាទីដ៏សំខាន់កុមារតូចជាមូលដ្ឋានគ្រឹះ ហើយតួនាទីការអប់រំកុមារតូចពិសេសការថែរក្សាចាប់តាំងពីអាយុសូន្យឆ្នាំ ពិសេសតាំងពីក្នុងផ្ទៃ ហើយ ១ ពាន់ថ្ងៃដំបូង មានតួនាទីសំខាន់ដើម្បីឱ្យខួរក្បាលរបស់កុមារមានការលូតលាស់បានល្អ ផ្តល់អាហារូបត្ថម្ភធានាបាននូវការអនាម័យដែលនាំនូវសុខភាពរាងកាយ និងនាំមកនូវការបណ្តុះពុទ្ធិ ទាំងពុទ្ធិខាងផ្នែកបញ្ញា ទាំងពុទ្ធិមិនមែនផ្នែកបញ្ញា ការរីកលូតលាស់រាងកាយ ចលនាតូចធំ អារម្មណ៍ និងទំនាក់ទំនងសង្គម ដែលទាំងអស់នេះគឺនាំមកខួរក្បាលលូតលាស់បានល្អ។ អីចឹងតួនាទីរបស់កុមារតូចគឺរៀនតាមបែបលេងហេតុនេះហើយធ្វើឱ្យកុមារមានរំញោចធ្វើឱ្យប្រព័ន្ធកោសិកាសរសៃប្រសាទផ្សារភ្ជាប់គ្នាលូតលាស់»។
លោកឧបនាយករដ្ឋមន្ត្រី បានបញ្ជាក់ថា ក្មេងដែលមានការថែទាំល្អក៏មានការលូតលាស់ល្អ ដូច្នេះគុណភាពធនធានមនុស្សត្រូវតែបំប៉នចាប់ពីកុមារតូចនៅបឋមសិក្សាគឺធ្វើយ៉ាងណាឱ្យកុមារចេះអាន ចេះសរសេរ ចេះគិតលេខ ហើយឱ្យកុមារមានកាយសម្បទា បំណិនសម្បទា និងចរិយាសម្បទា។
លើសពីនេះទៀត ត្រូវឱ្យកុមាររៀនភាសាខ្មែរឱ្យច្បាស់ជាមុនសិន មុននឹងរៀនភាសាផ្សេងទៀតដូចជាភាសាអង់គ្លេស ឬភាសាចិន ដោយសារភាសាអង់គ្លេសងាយរៀនជាងភាសាខ្មែរ។ ដូចនេះហើយបានជា សម្តេចមហាបវរធិបតី តម្រូវឱ្យសាលាអន្តរជាតិបញ្ចូលភាសាខ្មែរទៅក្នុងកម្មវិធីសិក្សា ដើម្បីលើកកម្ពស់អត្តសញ្ញាណជាតិ ព្រោះថាការលើកកម្ពស់ការអប់រំ ដើម្បីឱ្យប្រទេសជាតិមានការឯកភាពគ្នាមានអត្តសញ្ញាណជាតិឱ្យប្រជាជនមានសាមគ្គីគ្នា ធានាបាននូវសុខសន្តិភាព៕
អត្ថបទ ៖ សំអឿន
ផលិតករភាពយន្តខ្នាតធំដ៏ល្បីរបស់បរទេស ស្នើយកប្រទេសកម្ពុជា ពិសេសតំបន់អង្គរវត្តជាទីតាំងផលិតវិដេអូ
រដ្ឋបាលខេត្តពោធិ៍សាត់ ច្រានចោលការចុះផ្សាយគណនីហ្វេសបុកម្នាក់ថា អាជ្ញាធរកំពុងកាន់កាប់ដីធ្លីក្នុងតំបន់អភិរក្ស ភ្នំ១៥០០
នគរបាលខេត្តបន្ទាយមានជ័យ ចុះអប់រំផ្សព្វផ្សាយពលរដ្ឋតាមមូលដ្ឋាន ដើម្បីទប់ស្កាត់អគ្គិភ័យនារដូវក្តៅ
ម៉ាស៊ីនលាងឈាមទំនើបតម្លៃជាង ១៦,០០០ដុល្លារ ត្រូវប្រគល់ជូនមន្ទីរពេទ្យបង្អែកខេត្តកំពង់ឆ្នាំង
សកម្មជនប្រឆាំងថៃប្តេជ្ញាតតាំងប្រឆាំងនឹងច្បាប់កាស៊ីណូ និងអាជីវកម្មកម្សន្ត
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
នាយករដ្ឋមន្ត្រី៣រូបក្នុងត្រកូល «ស៊ីណាវ៉ាត្រា» មានវាសនាខ្ពស់រួចផុតពីការទម្លាក់អំណាចដោយសភា ប៉ុន្តែ២រូបឆ្លងមិនផុតរដ្ឋប្រហារ
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
ហ្សេលេនស្គី ថា ពូទីន នឹងស្លាប់ឆាប់ៗ
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៧ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១៦ ម៉ោង agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៦ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
-
ព័ត៌មានអន្ដរជាតិ៦ ថ្ងៃ agoអង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក