ព័ត៌មានជាតិ
អាជ្ញាធរខណ្ឌបឹងកេងកង ទុករយៈពេលមួយសប្ដាហ៍ឲ្យរុះរើចេញ បញ្ឈប់ការលក់ដូរលើចិញ្ចើមផ្លូវ
ដើម្បីសោភ័ណភាពតាមដងផ្លូវសាធារណៈ និងកាត់បន្ថយការកកស្ទះ អាជ្ញាធរខណ្ឌបឹងកេងកង បានចេញសេចក្ដីជូនដំណឹងទៅដល់ប្រជាពលរដ្ឋដែលយកចំណីផ្លូវធ្វើជាអាជីវកម្មលក់ដូរនៅលើផ្លូវ ៣៤៨ ឲ្យរុះរើចេញជាបន្ទាន់ ដោយទុករយៈពេលមួយសប្ដាហ៍។
ជាក់ស្ដែងនៅលើផ្លូវលេខ ៣៤៨ កែងផ្លូវ ១៦៣ និងផ្លូវលេខ ៣៤៨ កែងផ្លូវ ១៧៣ ស្ថិតក្នុងភូមិ ៧ សង្កាត់ទួលស្វាយព្រៃទី ១ ខណ្ឌបឹងកេងកង រាជធានីភ្នំពេញ ត្រូវបានអាជីវករលក់ដូរយកចិញ្ចើមដាក់លក់ទំនិញ ធ្វើឲ្យមានការកកស្ទះជាខ្លាំង ទើបអាជ្ញាធរចេញសេចក្ដីជូនដំណឹងឲ្យរុះរើចេញជាបន្តបន្ទាប់។
បើតាម លោក លី ពូ ចៅសង្កាត់ទួលស្វាយព្រៃទី ១ បានប្រាប់កម្ពុជាថ្មី ឲ្យដឹងថា ចំពោះបញ្ហានេះដែរ អាជីវករប្រមាណជាង ៥០ នាក់ ដែលលក់ដូរចល័ត ភាគច្រើនជាអ្នកលក់បន្លែ ត្រីសាច់ ជាដើម ដោយ អាជីវករទាំងអស់នោះបានតវ៉ាមិនយល់ព្រមសហការជាមួយអាជ្ញាធរនោះឡើយ។ ចំពោះការលក់ដូរនេះ អាជ្ញាធរបានឲ្យក្រុមអាជីវករទាំងនោះចូលទៅលក់នៅខាងក្នុងវិញ ដោយសារតែកាលពីជំនាន់កូវីដ-១៩ គឺមិនឲ្យមានការប្រមូលផ្ដុំ ទើបឲ្យពួកគាត់មកលក់នៅខាងក្រៅ។
លោកបានបន្តថា ដោយសារតែមានការយោគយល់ក៏ចេះតែឲ្យលក់ចាប់តាំងពីនោះមកដល់បច្ចុប្បន្ននេះ។ ដោយឡែកពេលថ្មីៗ នេះ ខាងរដ្ឋបាលខណ្ឌ ក៏បានចេញសេចក្ដីជូនដំណឹងទៅកាន់អាជីវកររួចហើយដែរ គឺទុករយៈពេលមួយសប្ដាហ៍ បើសិនជាមាននរណាមិនអនុវត្ត នឹងត្រូវចាត់វិធានការរដ្ឋបាលជាក់ជាពុំខាន។
ដោយឡែកអាជីវករឈ្មោះហៅក្រៅ អ៊ី មឿន បានលើកឡើងថា ចំនួនតូបនៅខាងក្នុងផ្សារគឺមានចំនួនច្រើន ហើយម្យ៉ាងវិញទៀតអាជីវករភាគច្រើនលក់ដូរគឺនៅដើមផ្សារ និងចុងផ្សារតែប៉ុណ្ណោះ។ ចំណែកនៅចំណុចកណ្ដាល នៃផ្សារ គឺសល់តូបជាច្រើននៅទំនេរ ដូច្នេះហើយទើបអាជ្ញាធរសម្រេចឲ្យអាជីវករដែលលក់ដូរនៅលើដងផ្លូវសាធារណៈចូលទៅលក់នៅខាងក្នុងវិញ ដើម្បីបញ្ចៀសការកកស្ទះ និងលក់គ្មានសណ្ដាប់ធ្នាប់នៅលើផ្លូវសាធារណៈ។
ជាមួយគ្នានេះ អាជ្ញាធរមូលដ្ឋាន ក៏បានសំណូមពរដល់អាជីវករទាំងអស់ សូមចូលរួមសហការជាមួយនឹងអាជ្ញាធរ ដោយចូលទៅលក់ក្នុងផ្សារទាំងអស់គ្នា ចូលរួមកាត់បន្ថយការកកស្ទះចរាចរណ៍ និងសណ្ដាប់ធ្នាប់សាធារណៈ៕
អត្ថបទ ៖ ម៉េង
អាជ្ញាធរខណ្ឌបឹងកេងកង ទុករយៈពេលមួយសប្ដាហ៍ឲ្យរុះរើចេញ បញ្ឈប់ការលក់ដូរលើចិញ្ចើមផ្លូវ
តម្លៃជ្រូករស់កើនឡើង តែមិនប៉ះពាល់ប្រាក់ចំណេញរបស់អាជីវករ និងអ្នកបរិភោគ
ក្រោយដាក់ឲ្យដំណើរការ អាកាសយានដ្ឋានអន្តរជាតិតេជោ បើកឱ្យពលរដ្ឋចូលទស្សនាឬទេ?
សិស្សសាលារាប់រយនាក់ ចូលរួមសម្អាតបរិស្ថានតាមដងផ្លូវជាតិ លើកកម្ពស់សោភណភាពក្នុងមូលដ្ឋាន
កម្ពុជាលើកទឹកចិត្តសាជីវកម្មហិរញ្ញវត្ថុអន្តរជាតិ សម្លឹងមើលឱកាសពង្រីកការវិនិយោគបន្ថែមនៅកម្ពុជា
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
រដ្ឋមន្ត្រីមហាផ្ទៃ ដឹកនាំអភិបាលខេត្ត និងស្នងការខេត្ត៣ទៅឡាវ ដើម្បីបង្កើនល្បឿនទប់ស្កាត់គ្រឿងញៀនឆ្លងដែន
អាមេរិក ទម្លាក់គ្រាប់បែកនៅយេម៉ែន ឯអ៊ីស្រាអែល វាយប្រហារនៅហ្គាហ្សា សម្លាប់មនុស្ស ច្រើននាក់
អ្នកនាំពាក្យទាត់ចោលព័ត៌មានមិនពិតដែលទាញសម្ដេច ស ខេង ទៅនឹងចលនាខុសច្បាប់នៅក្រៅប្រទេស
ព្រះអង្គធំនៅភ្នំសំពៅ នឹងក្លាយជាគោលដៅទេសចរណ៍សាសនាធំជាងគេ ក្រោយបញ្ចប់សាងសង់ដ៏ខ្លីខាងមុខនេះ
-
ព័ត៌មានជាតិ៧ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៧ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៦ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៦ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
កីឡា៤ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម១ សប្តាហ៍ agoឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ
-
ព័ត៌មានអន្ដរជាតិ១ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានជាតិ៤ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ