ព័ត៌មានជាតិ
កម្ពុជា-ឡាវ ឯកភាពបង្កើនល្បឿនបង្ក្រាបគ្រឿងញៀន ការជួញដូរមនុស្ស បទល្មើសអនឡាញឆ្លងដែន និងការផ្ទេរទណ្ឌិត
ក្នុងកិច្ចប្រជុំកាលពីថ្ងៃទី២៥ ខែមីនា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃកម្ពុជា និងរដ្ឋមន្ត្រីក្រសួងសន្តិសុខសាធារណៈឡាវ ចុះហត្ថលេខាលើឯកសារកិច្ចសហប្រតិបត្តិការការពារសន្តិសុខ និងរក្សាសណ្តាប់ធ្នាប់ បង្កើនល្បឿនបន្ថែមលើការបង្ក្រាបគ្រឿងញៀនឆ្លងដែន ការប្រឆាំងការជួញដូរមនុស្ស ការការពារសន្តិសុខសណ្តាប់ធ្នាប់តំបន់ព្រំដែន និងការចេញ-ចូលឆ្លងកាត់ព្រំដែន ការបង្ការ ទប់ស្កាត់ និងបង្ក្រាបការឆបោកតាមអនអឡាញ និងបទល្មើសបច្ចេកវិទ្យាព័ត៌មាន ការផ្ទេរទណ្ឌិត។

នេះបើតាម លោក រ៉េន រតនៈអ្នកនាំពាក្យឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ, ប្រាប់ក្រុមអ្នកសារព័ត៌មាននៅអាកាសយានដ្ឋានអន្តរជាតិភ្នំពេញ ក្រោយបញ្ចប់ដំណើរទស្សនកិច្ចនៅប្រទេសឡាវ នាថ្ងៃទី២៦ ខែមីនា។

លោក រ៉េន រតនៈ បញ្ជាក់ពីលទ្ធផលនៃកិច្ចប្រជុំបែបនេះ៖« ជាមួយនឹងការបង្ហាញឆន្ទៈ និងការប្តេជ្ញាចិត្តខ្ពស់ ឯកឧត្ដមអភិសន្តិបណ្ឌិត និង ឯកឧត្ដមនាយឧត្តមសេនីយ៍ បានចុះ ហត្ថលេខាលើកំណត់ហេតុកិច្ចសហប្រតិបត្តិការឆ្នាំ២០២៥ រួមមាន កិច្ចសហប្រតិបត្តិការការពារសន្តិសុខ និងរក្សាសណ្តាប់ធ្នាប់ សុវត្ថិភាពសង្គម ការត្រួតពិនិត្យគ្រឿងញៀន ការប្រឆាំងការជួញដូរមនុស្ស ការការពារសន្តិសុខសណ្តាប់ធ្នាប់តំបន់ព្រំដែន និងការចេញ-ចូលឆ្លងកាត់ព្រំដែន ការបង្ការ ទប់ស្កាត់ និងបង្ក្រាបអំពើឆបោកតាមប្រព័ន្ធទូរគមនាគមន៍ និងបទល្មើសបច្ចេកវិទ្យា ព័ត៌មាន ការផ្ទេរទណ្ឌិត ការផ្លាស់ប្តូរគណៈប្រតិភូជាន់ខ្ពស់បំពេញទស្សនកិច្ច និងកិច្ចសហប្រតិបត្តិការក្នុងវិស័យបណ្តុះបណ្តាល »។

អ្នកនាំពាក្យឱ្យដឹងថា នៅក្នុងកិច្ចប្រជុំពេញអង្គ, លោក ស សុខា និងលោក វិល័យឡា ខាំហ្វង រដ្ឋមន្ត្រីក្រសួងសន្តិសុខសាធារណៈឡាវ វាយតម្លៃថា កាលពី២០២៤ កន្លង អាជ្ញាធរពាក់ព័ន្ធគ្រប់កម្រិត ជាពិសេសរដ្ឋបាលខេត្តជាប់ព្រំដែនដែលបានសហការគ្នាថែរក្សាសន្តិសុខ សណ្តាប់ធ្នាប់ និងរួមគ្នាដោះស្រាយបាតុភាពផ្សេងៗប្រកបដោយស្មារតីយោគយល់ រួមចំណែកពង្រឹងទំនាក់ទំនងក្នុងនាមជាប្រទេសភូមិផងឱ្យ កាន់តែប្រសើរជាលំដាប់។

យ៉ាងណាក៏ដោយ ភាគីទាំងពីរ ក៏កត់សម្គាល់ឃើញថាក្នុងឆ្នាំកន្លងទៅ ចំណុចព្រមព្រៀងមួយចំនួនអាជ្ញាធរប្រទេសទាំងពីរពុំទាន់បានអនុវត្តពេញលេញឡើយ ក្នុង ដូចជាការផ្លាស់ប្តូរទស្សនកិច្ចដកស្រង់បទពិសោធរបស់បណ្តាអង្គភាពជំនាញ របស់រដ្ឋបាលខេត្តជាប់ព្រំដែន ការផ្លាស់ប្តូរព័ត៌មាន និងការបណ្តុះបណ្តាលធនធានមនុស្ស ជាដើម។

អ្នកនាំពាក្យឱ្យដឹងថា នៅចុងបញ្ចប់នៃកិច្ចប្រជុំ លោក ស សុខា ក៏បានអញ្ជើញ លោក នាយឧត្តមសេនីយ៍ វិល័យ ឡាខាំហ្វង បំពេញទស្សនកិច្ចចូលរួមកិច្ចប្រជុំដូចគ្នានៅព្រះរាជាណាចក្រកម្ពុជា ក្នុងពេលវេលាសមស្របនា ឆ្នាំ២០២៦ ផងដែរ៕
ដោយ៖ ង៉ិល ណារ៉ាត់

-
ព័ត៌មានជាតិ៥ ថ្ងៃ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៣ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៥ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ១ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ ago
ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៤ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ២ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
ព័ត៌មានអន្ដរជាតិ១ ថ្ងៃ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា