ព័ត៌មានជាតិ
អ្នកជំនាញប្រាប់មូលហេតុ ពីក្រោយប្រាក់រៀលខ្មែរស្ទុះងើបឡើងធៀបប្រាក់ដុល្លារ?
ប្រាក់រៀលខ្មែរបានស្ទុះងើបតម្លៃ បើធៀបប្រាក់ដុល្លារនៅមួយរយៈចុងក្រោយនេះ។ តាមអត្រាប្តូរប្រាក់ពីធនាគារជាតិគិតត្រឹមព្រឹកថ្ងៃទី ២៦ ខែមីនា ឆ្នាំ ២០២៥ គឺមួយដុល្លារដូរបាន ៤ ០០៣ រៀល។
ការហក់ឡើងតម្លៃប្រាក់រៀល នាំឲ្យមានការចាប់អារម្មណ៍ពីមជ្ឍដ្ឋានពលរដ្ឋទូទៅ។ មន្រ្តីសមាគមធនាគារនៅកម្ពុជាក៏បានពន្យល់ពីមូលហេតុនៃការស្ទុះងើបតម្លៃប្រាក់រៀលខ្មែរ ខណៈអ្នកជំនាញមើលឃើញថាការស្ទុះងើបឡើងតម្លៃប្រាក់រៀលនៅពេលនេះ មិនគួរឲ្យព្រួយបារម្ភនោះទេ។
លោក រ័ត្ន សោភ័ណ ប្រធានក្រុមប្រឹក្សាភិបាលសមាគមធនាគារនៅកម្ពុជាបានកត់សម្គាល់ថា បើតាមការអង្កេតរបស់លោក ប្រាក់រៀលខ្មែរច្រើនហក់ឡើងតម្លៃក្នុងពេលវេលាជាក់លាក់មួយចំនួន ជាពិសេសអំឡុងពេលថ្ងៃបុណ្យទាន។
ថ្លែងចូលរួមក្នុងកិច្ចពិភាក្សាជាមួយអ្នកសារព័ត៌មាន និងអ្នកជំនាញក្នុងវិស័យហិរញ្ញវត្ថុស្តីអំពី «ការចូលរួមផ្សព្វផ្សាយចំណេះដឹងហិរញ្ញវត្ថុ និងប្រើប្រាស់ឥណទានប្រកបដោយការទទួលខុសត្រូវ» រៀបចំដោយ CBC រួមជាមួយក្លឹបអ្នកកាសែតកម្ពុជានៅព្រឹកមិញនេះ លោក រ័ត្ន សោភ័ណ បានបញ្ជាក់ថា ស្ថានភាពពេលនេះក៏មិនខុសគ្នាដែរ។ ការហក់ឡើងតម្លៃប្រាក់រៀលខ្មែរ ដោយសារមានតម្រូវការច្រើន ខណៈក្រុមហ៊ុនជាច្រើនត្រូវការប្រាក់រៀលដើម្បីបង់ពន្ធលើប្រាក់ចំណេញ។ ទីពីរជិតចូលឆ្នាំថ្មី តម្រូវការប្រើប្រាស់ប្រាក់រៀលកើនខ្ពស់ និងមួយទៀតក៏ពាក់ព័ន្ធដល់រដូវកាលប្រមូលផលកសិកម្មរបស់កសិករផងដែរ។
បើតាមលោក រ័ត្ន សោភ័ណ និយាយពីទិដ្ឋភាពរួមនៃអត្រាប្តូរប្រាក់រៀលខ្មែរ មានស្ថិរភាពថ្លៃល្អ។ បើធៀបបណ្ដាប្រទេសមួយចំនួននៅក្នុងតំបន់ នៅពេលប្រាក់ដុល្លារឡើងថ្លៃនាំឲ្យកើនអតិផរណា ហើយអត្រាប្តូរប្រាក់គ្មានលំនឹងក៏នាំឲ្យប៉ះពាល់ដល់ការចំណាយប្រចាំថ្ងៃរបស់ពលរដ្ឋដូចជាការឡើងថ្លៃទំនិញជាដើម។
ជាមួយគ្នានេះ លោក រ័ត្ន សោភ័ណ បញ្ជាក់បន្ថែមថា បើក្រឡេកមើលអត្រាប្តូរប្រាក់រៀល នៅរយៈពេលប៉ុន្មានឆ្នាំចុងក្រោយគឺមានស្ថិរភាពក្នុងអត្រាត្រឹម ៤ ០០០ រៀល ធៀបប្រាក់ដុល្លារ។ ការប្រែប្រួលអត្រាប្រាក់រៀលនៅពេលនេះ មិនបង្កផលប៉ះពាល់ច្រើននោះទេ ដោយសារការប្រែប្រួលនេះតិចមែនទែន។
ផ្ទុយទៅវិញ បើប្រាក់ដុល្លារឡើងថ្លៃ ជះប៉ះពាល់ត្រឡប់ទៅវិញ។ មូលហេតុដោយសារជិត ៩០% នៃចរាចរណ៍សេដ្ឋកិច្ចប្រទេសកម្ពុជាប្រើប្រាស់លុយដុល្លារ។ នៅពេលលុយដុល្លារកើនតម្លៃ នឹងរុញឲ្យទំនិញនាំចេញឡើងថ្លៃ ហើយទេសចរមកលេងក៏រងផលប៉ះពាល់ ដោយសារការចំណាយច្រើនជាងមុន។
លោកលើកឧទាហរណ៍ប្រទេសជប៉ុន មានកំណើនទេសចរទៅលេងច្រើននៅឆ្នាំនេះ ហើយបើតាមការស្រាវស្រាវគឺដោយសារតម្លៃលុយយេនចុះថោក។
លោក រ័ត្ន សោភ័ណ ទាញចំណាប់អារម្មណ៍បន្ថែមយ៉ាងដូច្នេះថា ការប្រែប្រួលអត្រាប្រាក់រៀលនៅពេលនេះ ជាសញ្ញាណធម្មតាមិនជាខុសប្រក្រតី សូមកុំព្រួយបារម្ភ៕
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?