Connect with us

ព័ត៌មានជាតិ

សមត្ថកិច្ចចម្រុះ ឆ្មក់បង្ក្រាបទីតាំងជួញដូរនិងរក្សាទុកសត្វព្រៃដ៏ធំមួយកន្លែងនៅស្រុកស្នួល

បានផុស

នៅ

ទីតាំងជួញដូរសត្វព្រៃដ៏ធំមួយកន្លែងនៅស្រុកស្នួល ត្រូវបានសមត្ថកិច្ចចម្រុះខេត្តក្រចេះ ចុះបង្ក្រាបនិងបានឃាត់ខ្លួនជនសង្ស័យម្នាក់ មកធ្វើការសាកសួរតាមនិតិវិធីច្បាប់ជាធរមាន។

ប្រតិបត្តិការនេះ ធ្វើឡើងនៅព្រឹកថ្ងៃទី២៨ ខែមិនា ឆ្នាំ២០២៥ នៅចំនុចភូមិសាស្រ្តផ្សារស្នួល ក្នុងឃុំស្នួល ស្រុកស្នួល ខេត្តក្រចេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីលោក សុធា ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្តក្រចេះ បានឲ្យកម្ពុជាថ្មីដឹងនៅព្រឹកនេះថា ក្រោមការបញ្ជាពីព្រះរាជអជ្ញាអម្យសាលាដំបូងខេត្តក្រចេះ លោកបានដឹកនាំកំម្លាំងសមត្ថកិច្ចចម្រុះ ចុះធ្វើការបង្រ្កាប និងត្រួតពិនិត្យទីតាំងជួញដូរ និងរក្សាទុកសត្វព្រៃមួយកន្លែង នៅចំនុចភូមិសាស្រ្តផ្សារស្នួល ក្នុងឃុំស្នួល ស្រុកស្នួល ខេត្តក្រចេះ។

ក្នុងប្រតិបត្តិការ ក្រោយពីមានការយល់ព្រមពីម្ចាស់លំនៅដ្ឋានឈ្មោះ កែម នុន្នី ភេទស្រី អាយុ ៣៩ ឆ្នាំ ជាម្ចាស់លំនៅដ្ឋាន បានឯកភាពឲ្យក្រុមកាងារត្រួតពិនិត្យ ធ្វើការឆែកឆេរ រុករកវត្ថុតាងបទល្មើសក្នុងបរិវេណទីតាំង ហើយជាលទ្ធផល សមត្ថកិច្ចបានប្រទះឃើញ និងដកហូតបទល្មើសសត្វព្រៃ និងសំណាកសត្វព្រៃ រួមមានដូចជា ៖ សាច់ឈ្លូស ១០ គីឡូក្រាម, សាច់ប្រឹស ១៨ គីឡូក្រាម, សាច់ជ្រូកព្រៃ ២៣ គីឡូក្រាម សត្វចាបស្រូវ ១០០ ក្បាល ស្នែងឈ្នូស កន្ទុយក្រងោក និងសត្វទរទាររស់។

ចំណែកឯជនសង្ស័យ ក៏ត្រូវបញ្ចូនខ្លួនរួមទាំងវត្ថុតាំងមក ធ្វើការសាកសួរ និងប្រគល់ជូនសមត្ថកិច្ចជំនាញពាក់ពន្ធ័ ដើម្បីបន្តនិតិវិធីច្បាប់ជាធរមាន៕

អត្ថបទ៖ ប្រុញ វិធិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៣ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៥ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានជាតិ៥ ម៉ោង មុន

អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា

ក្រុងប៉ោយប៉ែត
សន្តិសុខសង្គម៥ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

Sokha Hotels

ព័ត៌មានពេញនិយម