ព័ត៌មានជាតិ
ក្រសួងអប់រំ ទទួលបានឧបករណ៍សិក្សារ៉ូបូតិក ២៥៥ឈុត ពីសប្បុរសជនដើម្បីគាំទ្របន្ថែមដល់ការសិក្សា
នៅថ្ងៃទី២៨ ខែមីនា ឆ្នាំ២០២៥ លោកស្រី គឹម សេដ្ឋានី រដ្ឋលេខាធិការប្រចាំការក្រសួងអប់រំ ជួបជាមួយ លោកស្រី លី ឃីតធី ដែលជាសប្បុរសជន បរិច្ចាគជូនក្រសួងអប់រំ យុវជន និងកីឡា នូវឧបករណ៍សិក្សារ៉ូបូតិក (Robotic Kits) ចំនួន ២៥៥ ឈុត ដើម្បីចែកចាយបន្តដល់សាលារៀនគោលដៅ ដើម្បីគាំទ្របន្ថែមដល់សិស្សានុសិស្សស្របតាមសម័យបច្ចេកវិទ្យា។

លោកស្រី លី ឃីតធី តំណាងសប្បុរសជន បានឱ្យដឹងថា មូលហេតុនៃការបរិច្ចាគឧបករណ៍សិក្សារ៉ូបូតិក ព្រោះមើលឃើញពីសារៈសំខាន់នៃមុខវិជ្ជារ៉ូបូតិក ដែលមានភាពចាំបាច់សម្រាប់ការអភិវឌ្ឍចំណេះដឹងដល់សិស្សជំនាន់ថ្មី ដើម្បីដើរឱ្យទាន់សម័យបច្ចេកវិទ្យា។ ឧបករណ៍សិក្សារ៉ូបូតិក ដែលត្រុវបរិច្ចាគមានចំនួន ២ ប្រភេទ គឺប្រភេទ ទី១ MRT3 ចំនួន ១៦២ ឈុត សម្រាប់សិស្សអាយុចាប់ពី ៥ឆ្នាំឡើង និង ៨ឆ្នាំឡើង និង ប្រភេទទី២ New Kicky ចំនួន ៩៣ ឈុត រួមជាមួយសៀវភៅណែនាំការប្រើប្រាស់ភ្ជាប់មកជាមួយ សម្រាប់សិស្សអាយុ ១០ឆ្នាំឡើង។
លោកស្រីបញ្ជាក់ថា ក្នុងករណីដែលក្រសួងត្រូវការអំពីរបៀបប្រើប្រាស់បន្ថែមនូវឧបករណ៍នេះ លោកស្រីក៏អាចសម្របសម្រួលរៀបចំវគ្គបណ្ដុះបណ្ដាលអំពីរបៀបប្រើប្រាស់ដល់គ្រូបង្រៀនដែរ ។

ជាមួយគ្នានេះ លោកស្រី គឹម សេដ្ឋានី រដ្ឋលេខាធិការប្រចាំការក្រសួងអប់រំ បានកោតសរសើរចំពោះប្តេជ្ញាចិត្តរបស់សប្បុរសធម៌ ក្នុងចូលរួមលើកកម្ពស់វិស័យអប់រំនៅកម្ពុជា ដោយបានគូសបញ្ជាក់ពីសារៈសំខាន់នៃសម្ភារៈស្ទែម ដែលទាមទារជាចាំបាច់ដើម្បីគាំទ្រដល់ការសិក្សាជំនាញនេះឱ្យមានប្រសិទ្ធភាព ព្រមទាំងជួយលើកទឹកចិត្ត ជំរុញការរៀនសូត្រប្រកបដោយការច្នៃប្រឌិត ផ្តល់នូវបំណិនដោះស្រាយបញ្ហា និងការត្រិះរិះពិចារណាស៊ីជម្រៅ សំដៅពង្រឹងមូលដ្ឋានគ្រឹះចំណេះដឹងចាប់ពីវ័យក្មេង ឆ្លើយតបនឹងចក្ខុវិស័យអភិវឌ្ឍធនធានមនុស្សដែលជាការងារអាទិភាពចម្បងមួយរបស់រាជរដ្ឋាភិបាល៕


-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម១ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?