ព័ត៌មានជាតិ
ជួបកម្លាំងការពារព្រំដែន, អភិបាលខេត្តកណ្ដាល ប្រាប់ឱ្យបន្តទប់ស្កាត់បង្ក្រាបបទល្មើសឆ្លងដែន
ក្នុងពេលចុះជួបជាមួយកម្លាំងវរៈនគរបាលការពារព្រំដែនលេខ៦០៥ និងកម្លាំងយោធាការពារព្រំដែនលេខ៦០១ ស្ថិតនៅក្រុងសំពៅពូន អភិបាលខេត្តកណ្ដាល លោក គួច ចំរើន បានណែនាំឱ្យកម្លាំងមានសមត្ថកិច្ចទាំងអស់បន្តរក្សាឱ្យបាននូវសុខសុវត្ថិភាពតាមខ្សែបន្ទាត់ព្រំដែនជាមួយប្រទេសជិតខាង ពិសេសការបង្ក្រាប និងទប់ស្កាត់បទល្មើសឆ្លងដែន។

ថ្លែងក្នុងពិធីសំណេះសំណាល នារសៀលថ្ងៃទី៣១ ខែមីនា ឆ្នាំ២០២៥ លោក គួច ចំរើន បានកោតសរសើរ និងវាយតម្លៃខ្ពស់ចំពោះកងកម្លាំងវរៈនគរបាលការពារព្រំដែនលេខ៦០៥ និងកងកម្លាំងយោធាការពារព្រំដែនលេខ៦០១ ដែលបានការការពារទឹកដី ប្រកបដោយស្មារតីស្នេហាជាតិ និងការស្រឡាញ់ទឹកដីពិតប្រាកដ ហើយរក្សាបានសុខសុវត្ថិភាព សណ្តាប់ធ្នាប់ល្អ និងបង្កលក្ខណៈល្អជូនប្រជាពលរដ្ឋនៅតាមបណ្ដោយព្រំដែន។

ភ្ជាប់ទៅនឹងការសរសើរ លោកអភិបាលខេត្ត បានណែនាំដល់កងកម្លាំងទាំងអស់បន្តថែរក្សា ការការពារព្រំដែន ព្រមទាំងការទប់ស្កាត់ និងបង្ក្រាបបទល្មើសឆ្លងដែននានា ដោយអនុវត្តតួនាទី-ភារកិច្ច តាមច្បាប់ លិខិតបទដ្ឋានគតិយុត្ត និងបទបញ្ជារបស់ថ្នាក់ដឹកនាំ រួមទាំងខិតខំបង្កលក្ខណៈល្អជូនប្រជាពលរដ្ឋ ក្នុងការប្រកបរបរទទួលទាននៅតំបន់ព្រំដែន។
បន្ថែមពីនេះ លោក គួច ចំរើន ឱ្យកងកម្លាំងបន្តរក្សាសាមគ្គីភាព និងទំនាក់ទំនងល្អជាមួយអាជ្ញាធរពាក់ព័ន្ធ ជាពិសេសជាមួយអាជ្ញាធរ និងកងកម្លាំងមានសមត្ថកិច្ចនៃប្រទេសជាមិត្តជាប់ខ្សែបន្ទាត់ព្រំដែន។ ដោយមានភាពរីកចម្រើននៅក្រុងសំពៅពូននេះ ពិសេសការសាងសង់សំណង់ផ្សេងៗ លោកអភិបាលខេត្ត ក៏បានហាមឃាត់ការសាងសង់សំណង់នានានៅតាមខ្សែបន្ទាត់ព្រំដែន ដែលស្ថិតក្នុងតំបន់មិនទាន់មានការឯកភាពកំណត់បង្គោលព្រំដែនជាដាច់ខាត៕


-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៣ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី