Connect with us

ព័ត៌មានជាតិ

ប្រធានរដ្ឋសភាអំពាវនាវឱ្យពង្រឹងការត្រួតពិនិត្យសុវត្ថិភាពចំណីអាហារដល់ប្រជាពលរដ្ឋ

បានផុស

នៅ

ប្រធានរដ្ឋសភាកម្ពុជា សម្ដេចសភាធិការធិបតី ឃួន សុដារី អំពាវនាវដល់រដ្ឋាភិបាលឱ្យពង្រឹងការត្រួតពិនិត្យ​បញ្ហាសុវត្ថិភាពចំណីអាហារនាំចូល និងផលិតក្នុងស្រុក  ដែលដាក់លក់នៅក្នុងទីផ្សារកម្ពុជា សំដៅកាត់បន្ថយផលប៉ះពាល់នៃចំណីអាហារចំពោះសុខភាពប្រជាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបើកសិក្ខាសាលាសភាថ្នាក់តំបន់ស្តីពី «បម្រែបម្រួលប្រជាសាស្ត្រ និងជំងឺមិនឆ្លង» នៅសាលសន្និសីទ្ធរដ្ឋសភាព្រឹកថ្ងៃទី៣១ ខែមីនា សម្ដេចសភាធិការធិបតី ឃួន សុដារី មានប្រសាសន៍លើកឡើងពីក្ដីបារម្ភនៃអាហារខូចគុណភាព អាហារមានជាតិផ្អែម និងប្រៃខ្លាំង ឬប្រើប្រាស់សារធាតុគីមីហួសកម្រិត ដែលធ្វើឱ្យប៉ះពាល់ដល់បញ្ហាសុខភាព សុវត្ថិភាពប្រជាពលរដ្ឋ ដែលជាអ្នកប្រើប្រាស់ផ្ទាល់។

សម្ដេចបាន​ជំរុញឱ្យមានវិធានការបន្ទាន់ដើម្បីធានាពីសុវត្ថិភាព និងទប់ស្កាត់នូវចំណីអាហារ ឬភេសជ្ជៈណាដែលអាចបណ្ដាលឱ្យមានផលប៉ះពាល់ធ្ងនធ្ងរដល់សុខភាពប្រជាពលរដ្ឋ។

រដ្ឋមន្ត្រីក្រសួងសុខាភិបាលលោក ឈាង រ៉ា បានថ្លែងថាបាតុភូតនៃអន្តរកាលរាតត្បាតវិវត្តន៍នៃជំងឺមិនឆ្លងគឺជាក្ដីបារម្ភរបស់រដ្ឋាភិបាលផងដែរ បញ្ហានេះទាមទារឱ្យមានការឆ្លើយតបពហុវិស័យ ដែលចាំបាច់តម្រូវឱ្យមានវិធីសាស្ត្រអន្តរស្ថាប័ន។ លោកបន្ថែមថាបច្ចុប្បន្នក្រសួងសុខាភិបាលកំពុងរៀបចំផែនការយុទ្ធសាស្ត្រសុខាភិបាលឆ្នាំ២០២៥-២០៣៤ និងផែនការជាតិគ្រប់គ្រងជំងឺមហារីកឆ្នាំ២០២៥-២០៣០ ដែលនឹងប្រកាសឱ្យប្រើប្រាស់នៅខែឧសភា ខាងមុខផងដែរ។

លោកថា៖ «ការបង្ការ និងការអប់រំសុខភាព ត្រូវកំណត់គោលដៅមនុស្សគ្រប់រូប ជាពិសេសចៀសវាង ឬកាត់បន្ថយការប្រើប្រាស់គ្រឿងស្រវឹង ថ្នាំជក់ អាហារផ្អែម និងកែច្នៃខ្ពស់ ភេសជ្ជៈប៉ូវកម្លាំង។ នៅចំពោះមុខនៃបញ្ហាប្រឈមនេះ និងអន្តរាគមនដែលត្រូវរៀបចំ យើងត្រូវប្រកាន់យកវិធិសាស្ត្រសកល ស្របនឹងស្ថានភាពរបស់ប្រទេស»។

លោកបន្ថែមថាដើម្បីកាត់បន្ថយការស្លាប់មុនអាយុរបស់ពលរដ្ឋ កាត់បន្ថយពិការភាព កាត់បន្ថយ​ចំណាយ​លើការព្យាបាល និងការថែទាំសុខភាពពលរដ្ឋពេលដែលឈានចូលដល់វ័យចំណាស់រដ្ឋកំពុងសម្របសម្រួលបែបបទនៃការថែទាំសុខាភិបាល កែលម្អព័ត៌មាន និងការអប់រំសុខភាពដោយសម្របសារជូនពលរដ្ឋ អភិវឌ្ឍន៍កម្មវិធីសុខភាពឌីជីថល និងបង្កើនមធ្យោបាយក្នុងការបង្ការផលប៉ះពាល់ដល់ពលរដ្ឋ​ផងដែរ។

របាយការណ៍ក្រសួងសុខាភិបាលឱ្យដឹងថាបញ្ហាជំងឺមិនឆ្លងបណញដាលឱ្យមនុស្សស្លាប់ប្រមាណ៦៤%នៅកម្ពុជា ហើយចំនួននេះអាចនឹងកើនឡើងបន្ថែមទៀត។ ក្រសួងក៏បានឱ្យដឹងទៀតថាជំងឺមិនឆ្លងសំខាន់ចំនួន៤ដែលសម្លាបមនុស្សច្រើនជាងគេគឺជំងឺសសៃឈាមបេះដូង ទឹកនោមផ្អែម មហារីក និងជំងឺផ្លូវដង្ហើមរ៉ាំរ៉ៃ៕

អត្ថបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ វិនាទី មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

សន្តិសុខសង្គម៤១ វិនាទី មុន

បុរសម្នាក់ ប្រើអំហិង្សាលើប្រពន្ធ ត្រូវបានឃាត់ខ្លួនទៅកាន់នគរបាលបរកែវ ដើម្បីផ្តន្ទាទោសតាមច្បាប់

កីឡា៨ នាទីutes មុន

ឈ្នះ​មេដាយ​មាស​ពាន RTNK កញ្ញា លឿង ម៉ាលីនិច ចង់​ឃើញ​ក្រុម​ហ៊ុនឯកជន​ចូល​រួម​ឧបត្ថម្ភ​កីឡា​វាយសី​កាន់​តែ​ច្រើន

ជីវិតកម្សាន្ដ៨ នាទីutes មុន

ការប្រគំតន្ត្រីរបស់ G-Dragon ក្លាយទៅជាគំនរសំរាមដ៏អាក្រក់មិនធ្លាប់មាន

ព័ត៌មានជាតិ១៤ នាទីutes មុន

សួនញញឹមអង្គរ តុបតែងលម្អយ៉ាងស្រស់ស្អាត ត្រៀមទទួលភ្ញៀវទេសចរ ក្នុងព្រឹត្តិការណ៍អង្គរសង្ក្រាន្តខាងមុខ

Sokha Hotels

ព័ត៌មានពេញនិយម