ព័ត៌មានជាតិ

កូវីដឆ្លងចូលសហគមន៍ជនជាតិចិននៅភ្នំពេញថយចុះ ថ្ងៃខ្លះគ្មានមួយករណី

បានផុស

៤ years មុន

នៅ

ថ្ងៃពុធ ២៤ មីនា ២០២១

ដោយ

ការឆ្លងកូវីដលើសហគមន៍ជនជាតិចិននៅរាជធានីភ្នំពេញ ចាប់ផ្តើមមានការថយចុះ ហើយថ្ងៃខ្លះគ្មានមួយករណីផង។ នេះជាស្ថានភាពប្រែប្រួល បន្ទាប់ពីការផ្ទុះព្រឹត្តិការណ៍សហគមន៍ ២០ កុម្ភៈរយៈពេលជាងមួយខែមកនេះ បានរាលដាលដល់ខេត្តក្រុង ជាពិសេសនៅខេត្តព្រះសីហនុ និងស្រុកកោះធំខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមរបាយការណ៍ចេញផ្សាយប្រចាំថ្ងៃរបស់ក្រសួងសុខាភិបាល ក្នុងរយៈពេលមួយសប្តាហ៍ ការឆ្លងរាលដាលលើសហគមន៍ជនជាតិចិននៅរាជធានីភ្នំពេញ មានត្រឹមតែ ០៦ករណីប៉ុណ្ណោះជាអត្រាទាបបំផុត ខណៈមេរោគឆ្លងតាមផ្លូវដង្ហើមនេះបានឆ្លងចូលសហគមន៍ជនជាតិខ្មែរក្នុងទ្រង់ទ្រាយធំ។

ទិន្នន័យការឆ្លងកូវីដលើសហគមន៍ជនជាតិចិននៅរាជធានីភ្នំពេញ (ចាប់ពីថ្ងៃ ១៧-២៣មីនា ២០២១)៖

-ថ្ងៃ ២៣ មីនា ២០២១ (០១ ករណី)
-ថ្ងៃ ២២ មីនា ២០២១ (មិនមាន)
-ថ្ងៃ ២១ មីនា ២០២១ (មិនមាន)
-ថ្ងៃ ២០ មីនា ២០២១ (មិនមាន)
-ថ្ងៃ ១៩ មីនា ២០២១ (មិនមាន)
-ថ្ងៃ ១៨ មីនា ២០២១ (០៣ ករណី)
-ថ្ងៃ ១៧ មីនា ២០២១ (០២ ករណី)

ជនជាតិចិនបានទៅសុំបណ្ណបញ្ជាក់សុខភាពពីក្រសួងសុខាភិបាលដើម្បីធ្វើដំណើរទៅក្រៅប្រទេស ក្រោយមកតេស្តមានលទ្ធផលវិជ្ជមានកូវីដ១៩។ ស្ថាប័នមានសមត្ថកិច្ចបានចុះស្រាវជ្រាវបន្ទាន់រកអ្នកពាក់ព័ន្ធ ដោយរកឃើញអ្នកពាក់ព័ន្ធ ហើយក្លិបកម្សាន្តឈ្មោះ N8 ជាទីតាំងផ្ទុះព្រឹត្តិការណ៍សហគមន៍ ២០ កុម្ភៈ។

តាំងពីផ្ទុះព្រឹត្តិការណ៍សហគមន៍ ២០ ជាងមួយខែ កម្ពុជារកឃើញអ្នកឆ្លងកូវីដ១៩ សរុបចំនួន ១២៩៣នាក់ ក្នុងនោះអ្នកជាសះស្បើយចំនួន ៥២៧នាក់ អ្នកកំពុងសម្រាកព្យាបាលជំងឺ ៧៦១ នាក់ និងស្លាប់ចំនួន ០៥ នាក់៕