ព័ត៌មានជាតិ
ការជួយពលរដ្ឋក្រីក្រ និងផ្តល់ការអប់រំដល់កុមារជួយឲ្យអ្នកស្រី ផាន់ លក្ខិណា ជាប់វគ្គផ្តាច់ព្រ័ត្រ នៃកម្មវិធីពានរង្វាន់ពលរដ្ឋគំរូ Smart
ការជួយកុមារក្រីក្រឲ្យទទួលបានការសិក្សាដោយឥតគិតថ្លៃ និងការជួយសង់ផ្ទះឲ្យពលរដ្ឋគ្មានផ្ទះសម្បែង គឺជាអំពើល្អ ដែលជួយឲ្យអ្នកស្រី ផាន់ លក្ខិណា ត្រូវបានជ្រើសតាំងជាបេក្ខនារីមួយរូបក្នុងកម្មវិធីពានរង្វាន់ពលរដ្ឋគំរូ Smart ឆ្នាំ២០២០ ហើយឥឡូវនេះ អ្នកស្រីបានជាប់ជាបេក្ខនារីម្នាក់ក្នុងចំណោមបុគ្គល ដែលត្រូវបានជ្រើសតាំង១០នាក់ សម្រាប់វគ្គផ្តាច់ព្រ័ត្រនៃកម្មវិធីពានរង្វាន់ពលរដ្ឋគំរូនេះ ហើយបើអ្នកស្រីត្រូវបានគេជ្រើសរើសជាអ្នកទទួលជយលាភី អ្នកស្រីនឹងទទួលបានប្រាក់រង្វាន់ចំនួន១ ម៉ឺនដុល្លារ។
អ្នកស្រី ផាន់ លក្ខិណា ដែលកើតក្នុងគ្រួសារក្រីក្រក្នុងរាជធានីភ្នំពេញ គឺជាអតីតបុគ្គលិករបស់អង្គការមិនមែនរដ្ឋាភិបាលរយៈពេល១០ឆ្នាំ។ ក្នុងអំឡុងពេលបំពេញការងារ អ្នកស្រីតែងតែងស្រម៉ៃចង់មានឱកាសមួយ ដើម្បីជួយយកអាសាពលរដ្ឋដែលជួបការលំបាក។ ជាក់ស្តែង ក្រោយការចាកចេញពលរដ្ឋសហគមន៍ដីក្រហម ក្នុងរាជធានីភ្នំពេញនៅឆ្នាំ២០០៩ អ្នកស្រីជាមួយនឹងស្វាមី បានជួយពួកគេបន្ទាប់ពីពលរដ្ឋទាំងនោះបានផ្លាស់ប្តូរទីលំនៅទៅរស់នៅក្នុងភូមិស្រះពោធិ៍ ឃុំភ្នំបាទ ស្រុកពញាឮ ខេត្តកំពង់ស្ពឺ ឬហៅថាសហគមន៍តង់ខៀវ។ អ្នកស្រីបានថ្លែងថា “នៅពេលនោះយើងបានជួយពួកគាត់ក្នុងនាមពួកខ្ញុំជាសប្បុរសជន។ ខ្ញុំបានចំណាយថវិកាផ្ទាល់ខ្លួន និងរៃអង្គាសប្រាក់ពីមិត្តភក្តិ ដើម្បីទិញសំពត់តង់ចែកជូនដល់ពលរដ្ឋទាំងនោះ ដោយសារឃើញពួកគាត់មានការលំបាក”។
នៅដើមឆ្នាំ២០១១ ដោយទទួលបានជំនួយពីសប្បុរសជននៅប្រទេសអូស្ត្រាលី អ្នកស្រីបានមកបង្កើតអង្គការមួយឈ្មោះថាអង្គការម៉ាណាជីវិត ជាមួយស្វាមីរបស់អ្នកស្រី។ ក្រោយមក អង្គការរបស់អ្នកស្រីក៏ទទួលបានជំនួយបន្ថែមពីព្រះវិហារគ្រីស្ទសាសនានៅប្រទេសកាណាដា និងណូវែលសេឡង់។ អ្នកស្រីបន្ថែមថា “ខ្ញុំកើតក្នុងគ្រួសារក្រីក្រ។ នៅពេលខ្ញុំឃើញពួកគាត់លំបាក វាធ្វើឲ្យខ្ញុំនឹកឃើញអតីតកាលរបស់ខ្ញុំ។ ដូច្នេះ ខ្ញុំគិតថា ពួកគាត់គួរទទួលបានជំនួយដូចជាផ្ទះជាដើម។ ដូច្នេះខ្ញុំបានសម្រេចចិត្តបើកអង្គការនេះឡើងដើម្បីជួយពួកគាត់”។
បន្ទាប់មក អង្គការរបស់អ្នកស្រី បានសាងសង់កូនផ្ទះតូចៗចំនួន៩៣ខ្នង ជូនពលរដ្ឋសហគមន៍តង់ខៀវ និងអតីតពលរដ្ឋសហគមនបុរីកីឡា ដែលគម្រោងនេះបានបញ្ចប់នៅឆ្នាំ២០១៣ ហើយក្នុងពេលជាមួយគ្នានោះដែរ ក៏មានការបើកវគ្គបង្រៀនកុំព្យូទ័រដល់កុមារផងដែរ។
អ្នកស្រី ធី ស្រី អាយុ ៤៣ឆ្នាំ ដែលបានចាកចេញពីសហគមន៍ដីក្រហមទៅរកនៅក្នុងសហគមន៍តង់ខៀវ បានថ្លែងថា អ្នកស្រី និងក្រុមគ្រួសារជួបការលំបាកខ្លាំងនៅពេលរស់នៅក្នុងសហគមន៍តង់ខៀវដំបូង។ អ្នកស្រីថ្លែងថា “កាលពីពួកយើងមករស់នៅទីនេះដំបូង យើងរស់នៅក្នុងខ្ទមដែលយកឈើគងលើគ្នា ហើយប្រក់សំពត់តង់។ គាត់ [អ្នកស្រី ផាន់ លក្ខិណា] ជួយសង់ផ្ទះឲ្យយើង”។
ក្រោយមក ដើម្បីជួយដល់កុមារក្រីក្រនៅក្នុងតំបន់នោះ ឲ្យទទួលបានការសិក្សាចំណេះទូទៅ អង្គការរបស់អ្នកស្រីបានបង្កើតសាលារៀនមួយឈ្មោះថា សាលារៀនដើមស្វាយ នៅឆ្នាំ២០១៤ ដែលផ្តល់ការសិក្សាពីថ្នាក់ទី១ ដល់ទី៦។ សាលាដើមស្វាយបានផ្តល់ការសិក្សាដល់សិស្សចំនួន៣១៩ នាក់ ក្នុងពេលបើកដំណើរការពីឆ្នាំ២០១៤ ដល់២០១៩។ ជាអកុសល សាលាចំណេះទូទៅមួយនេះ បានបិទនៅឆ្នាំ២០១៩ ដោយសារកង្វះខាតមូលនិធិ។
សម្រាប់ឆ្នាំសិក្សា២០២១នេះ អង្គការម៉ាណាជីវិត បានផ្តល់ការសិក្សាដល់សិស្សចំនួន៦៥ នាក់ តាមរយៈការផ្តល់អាហារូបករណ៍ដល់ពួកគេពី៥០% ទៅ ១០០% ឲ្យទៅរៀននៅសាលាឯកជន។ ចំពោះគ្រួសារណា ដែលមានការខ្វះខាតខ្លាំង អង្គការរបស់អ្នកស្រីក៏ផ្តល់ការឧបត្ថម្ភជាសាច់ប្រាក់ និងអង្ករផងដែរ។ អង្គការក៏ទទួលបានមូលនិធិពីសប្បុរសជនមួយចំនួនទៀតផងដែរ។ អ្នកស្រី លក្ខិណាបានអំពាវនាវស្វែងរកជំនួយបន្ថែមទៀត ដើម្បីរក្សានិរន្តរភាពរបស់អង្គការ។ មានពេលខ្លះ អ្នកស្រីចំណាយថវិកាផ្ទាល់ខ្លួនដែលជាប្រាក់ចំណូលរបស់គ្រួសារ ដើម្បីរក្សាលំនឹងរបស់អង្គការក្នុងពេលខ្វះខាតមូលនិធិ ជាពិសេសក្នុងពេលកើតមានជំងឺកូវីដ-១៩ ដែលសប្បុរសជននិងព្រះវិហារដែលជាម្ចាស់ជំនួយបានផ្អាក និងកាត់បន្ថយជំនួយ។
អំពើល្អទាំងនេះហើយ ដែលឆ្លើយតបទៅនឹងកម្មវិធីពានរង្វានពលរដ្ឋគំរូ Smart ដែលជាផ្នែកមួយនៃយុទ្ធនាការ “ឆ្ពោះទៅមុខរួមគ្នា” របស់ក្រុមហ៊ុន Smart Axiata ដែលបានចាប់ផ្តើមនៅថ្ងៃទី២៣ ខែវិច្ឆិកា ឆ្នាំ២០២០។ កម្មវិធីនេះមានបំណងស្វែងរកពលរដ្ឋកម្ពុជាដែលបានធ្វើសកម្មភាពល្អៗក្នុងការជួយប្រទេសជាតិ អ្នកជិតខាង និង សហគមន៍របស់ខ្លួន។
ការប្រកាសជយលាភីរបស់កម្មវិធីពលរដ្ឋគំរូ Smart ដែលដើមឡើយគ្រោងធ្វើនៅថ្ងៃទី២៧ មីនា ឆ្នាំ២០២១ ត្រូវបានពន្យារពេល ដោយសារការរាតត្បាតជំងឺកូវីដ-១៩។ កាលបរិច្ឆេទថ្មីនឹងត្រូវជូនដំណឹងនៅពេលក្រោយ។ ដើម្បីចូលមើលវីដេអូអំពីអ្នកស្រី ផាន់ លក្ខិណា សូមចុចលើតំណភ្ជាប់ (Link) នេះ៖ https://www.facebook.com/watch/?v=736701273670822 ហើយសម្រាប់ព័ត៌មានបន្ថែម សូមតាមដានទំព័រហ្វេសប៊ុករបស់ក្រុមហ៊ុន Smart តាមរយៈ www.facebook.com/smartforcambodia ឬចូលទៅកាន់គេហទំព័រ www.smart.com.kh៕
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២១ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ