ព័ត៌មានជាតិ
ធ្វើអាជ្ញាកណ្ដាលផង បង្ហាត់គេទៀត លោក ឃឹម សុជាតិ រកចំណូលបានប៉ុន្មានក្នុងមួយខែ…
លោក ឃឹម សុជាតិ ឬត្រូវបានគេស្គាល់ថាជាអាជ្ញាកណ្ដាលឆ្នើមហើយបច្ចុប្បន្ននេះមិនត្រឹមជាមន្ត្រីរបស់សហព័ន្ធប្រដាល់គុនខ្មែរនោះទេលោកក៏ជាគ្រូបង្វឹកមួយរូបដែរ ខណៈនិយាយពីចំណូលវិញអាចទទួលបានប្រហែលចន្លោះ៣លានរៀលក្នុងមួយខែ។

លោក ឃឹម សុជាតិ កំពុងបង្ហាត់សិស្ស
លើកឡើងក្នុងកិច្ចសម្ភាសលោក ឃឹម សុជាតិ ឲ្យដឹងថា ពីមួយសប្ដាហ៍ទៅមួយសប្ដាហ៍រវល់ការងារច្រើនទាំងការងារជាចៅក្រម-អាជ្ញាកណ្ដាលផង និងការងារបង្ហាត់សិស្សនៅក្លឹបគុនខ្មែរដូនតាដែលមានសិស្សគុនប្រមាណ ៤០នាក់។
ឆ្លើយតប និងសំនួរថា «រវល់ខ្លាំងបែបនេះលោកគ្រូទទួលបានប្រាក់ចំណូលប៉ុន្មានដែរក្នុងមួយខែ»? អាជ្ញាកណ្ដាលឆ្នើមរូបនេះថា ការងារជាមន្ត្រីសហព័ន្ធក្នុងមួយសប្ដាហ៍លោកធ្វើចន្លោះ ៣-៤កម្មវិធីតាមបណ្ដាស្ថានីយទូរទស្សន៍ ឬខេត្តផ្សេងៗ។

លោក ឃឹម សុជាតិ កំពុងបង្ហាត់សិស្ស
ចំណែកការងារជាគ្រូបង្វឹកនៅក្លឹបប្រដាល់គុនខ្មែរដូនតាវិញបង្ហាត់ចន្លោះ ៤-៥ថ្ងៃ ប៉ុន្តែមានគ្រូជំនួយ២-៣នាក់ទៀតនៅចាំជួយបង្ហាត់ជាប់ដោយទទួលផែនការពីលោក។ ដូច្នេះសរុបខ្ទង់មួយខែបូកថវិកាជាអាជ្ញាកណ្ដាល-ចៅក្រម រួមនិងការបង្ហាត់ទទួលបានចន្លោះ៣លានរៀលក្នុងមួយខែ។ ដោយមានការស្រឡាញ់ចូលចិត្តច្រើនពីអ្នកគាំទ្រនៅពេលចុះបំពេញការងារជាអាជ្ញាកណ្ដាលតាមបណ្ដាខេត្តតែងតែមានគេឧបត្ថម្ភច្រើន។

លោក ឃឹម សុជាតិ
បញ្ជាក់ដែរថា លោក ឃឹម សុជាតិ ជាចៅក្រម-អាជ្ញាកណ្ដាល ល្បីឈ្មោះមួយរូបនៅកម្ពុជា និងជាគ្រូបង្វឹកនៅក្លឹបគុនខ្មែរដូនតាមផងដែរ។ បច្ចុប្បន្ននេះរាល់ការប្រកួតគូសំខាន់ៗគេឃើញតែមានរូបលោកឡើងចាប់ស្ទើរគ្រប់កម្មវិធី។ សិស្សដែលលោកកំពុងបង្ហាត់នៅទីនោះមានដូចជា ចំរើន គុនខ្មែរ សាន់ គុនខ្មែរ សម្ភស្ស គុនខ្មែរ រស្មី គុនខ្មែរ ភក្ដី គុនខ្មែរ និងកីឡាករជាច្រើនរូបទៀត៕
អត្ថបទដោយ៖ នួន ស៊ីណា

-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១៧ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១៧ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល