Connect with us

ព័ត៌មានជាតិ

សមាគមបណ្ណាល័យគំនិតដាក់ដំណើរការកម្មវិធី “សួនសៀវភៅ”នៅផ្លូវថ្មើជើងភ្នំពេញ

បានផុស

នៅ

សមាគមបណ្ណាល័យគំនិត បានចាប់ផ្ដើមដំណើរការគម្រោងបណ្ណាល័យសាធារណៈក្នុងកម្មវិធី “សួនសៀវភៅ” ដែលមានទីតាំងនៅលើសួនច្បារមុខព្រះបរមរាជវាំង ទល់មុខ​ព្រះ​អង្គ​ដងកើ នៅថ្ងៃសៅរ៍​ ទី២៩​ ខែមីនា​ ឆ្នាំ​២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធី “សួនសៀវភៅ” នេះធ្វើឡើងក្នុងគោលបំណងលើកកម្ពស់ការយល់ដឹងផ្ដើមចេញពីការអានសៀវភៅ និងជួយផ្សព្វផ្សាយលើកកម្ពស់វប្បធម៌នៃការអានឱ្យបានទូលំទូលាយជាសាធារណៈ។ កម្មវិធីនេះដំណើរការនៅរៀងរាល់ចុងសប្ដាហ៍នាថ្ងៃសៅរ៍និងថ្ងៃអាទិត្យ ចាប់ផ្ដើមម៉ោង៦ល្ងាចដល់ម៉ោង៨កន្លះយប់។

គួរបញ្ជាក់ផងដែរថា សកម្មភាពមួយចំនួនត្រូវបានបញ្ចូលក្នុងកម្មវិធី “សួនសៀវភៅ” របស់សមាគម
បណ្ណាល័យគំនិត ដូចជា សកម្មភាពអំណាន ដែលសាធារណជនទូទៅ ជាពិសេសសិស្សានុសិស្ស អាចចូលរួមអានសៀវភៅដោយសេរីនូវសៀវភៅច្រើនក្បាលនិងច្រើនប្រភេទ ភាគច្រើនសៀវភៅទាំងនេះសុទ្ធតែទទួលបានពីការបរិច្ចាគរបស់សំណាក់សាធារណជនទូទៅ។ សាធារណជនដែលមកដើរលំហែកម្សាន្តតាមបណ្ដោយផ្លូវថ្មើរជើង (Walk Street) នេះទៀតសោធក៏អាចមកអង្គុយអាននៅទីតាំងផ្ទាល់ ឬអាចស្នើយកទៅអាននៅគេហដ្ឋានបានដោយក្ដីរីករាយ។

បន្ថែមលើសពីការអានសៀវភៅនេះ សមាគមបានរៀបចំនូវ “វេទិកាចែករំលែក” ដោយបានអញ្ជើញកវីនិពន្ធគ្រប់ស្រទាប់មកចូលរួមធ្វើជាវាគ្មិនចែករំលែកបទពិសោធន៍នៃការតែងនិពន្ធរបស់ខ្លួនផងដែរ។ បងប្អូនអ្នកស្រឡាញ់ការអានសៀវភៅឬអ្នកដែលមាននិស្ស័យនឹងការតែងនិពន្ធ អាចមកជួបពិភាក្សាដោយផ្ទាល់ជាមួយនឹងអ្នកនិពន្ធដែលពោរពេញដោយសមត្ថភាពនិងបទពិសោធន៍នៃការតែងនិពន្ធ។ ការប្រឹក្សាយោបល់នានាពាក់ព័ន្ធនឹងការតែងនិពន្ធ ការចងក្រង ការស្វែងរកសៀវភៅឬប្រភពឯកសារចាំបាច់នានាក៏ត្រូវបានផ្ដល់ជូនពីសំណាក់កវីនិពន្ធដែលជាវាគ្មិនរបស់កម្មវិធីនេះផងដែរ។

ក្នុងនោះទៀតសោធ ខាងសមាគមក៏ទទួលការបរិច្ចាគសៀវភៅបន្ថែមទៀតពីសំណាក់សាធារណជនផងដែរ។ សាធារណជនដែលមានបំណងចង់បរិច្ចាគសៀវភៅ អាចមកបរិច្ចាគដោយផ្ទាល់នៅទីតាំង “សួនសៀវភៅ” ។ សៀវភៅទាំងនោះនឹងត្រូវឧបត្ថម្ភទៅកាន់បណ្ណាល័យដែលនៅតំបន់ដាច់ស្រយាល ខ្វះខាត និងមានតម្រូវការជាចាំបាច់។

សូមរំឭកផងដែរថា ក្នុងឱកាសអញ្ជើញជាអធិបតីប្រគល់សញ្ញាបត្រជូនដល់និស្សិតវិទ្យាស្ថាន វ៉ាន់ដា នៅព្រឹកថ្ងៃទី១១ ខែមីនា ឆ្នាំ២០២៥ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានឱ្យដឹងថា មានតែចំណេះវិជ្ជាទេដែលអាចជួយបណ្ដុះនូវផ្នត់គំនិតចម្រើនជឿនលឿន ហើយអាចជួយលើកស្ទួយប្រទេសជាតិឱ្យកាន់តែរីកចម្រើនថែមទៀតផងដែរ។

សម្ដេចមានប្រសាសន៍ថា៖ «មិនចាំបាច់ទាល់តែប្អូន អុក វាន់ដេ ទៅដល់ទេ! ហើយចប់ពីហ្នឹងស្ងាត់ឈឹងទេ! យើងបង្កើតមួយខ្លួនឯង ទិវា ឬកន្លែងណាមួយ។ សៀវភៅអត់ខ្វះទេ ខ្ញុំថាមិនពិបាកទេ សៀវភៅ១ពាន់ក្បាល ដាក់សម្រាប់អានចុងសប្តាហ៍ ឬមួយយ៉ាងណា? នៅរាជធានីភ្នំពេញដូចគ្នា បើថាចាំបាច់ ផ្លូវដើរ (Walk street) ហ្នឹង កន្លែងណាដាក់ជ្រុងនៃអំណានទៅ»។

​បើតាម​រដ្ឋបាល​រាជធានី​ភ្នំពេញ គម្រោង​ផ្លូវ​ថ្មើរជើង (Walk Street) ធ្វើ​ឡើង​នៅតាម​បណ្ដោយ​ទន្លេចតុមុខ​ចាប់​ពីមុខ​ប្រៃសណីយ៍​កម្ពុជា រហូតដល់​មុខ​ព្រះបរមរាជវាំង ស្ថិតនៅក្នុង​សង្កាត់​វត្តភ្នំ សង្កាត់​ផ្សារកណ្ដាល​ទី​១ សង្កាត់​ផ្សារកណ្ដាល​ទី​២ និង​សង្កាត់​ជ័យជម្នះ ខណ្ឌដូនពេញ រាជធានី​ភ្នំពេញ​៕

Helistar Cambodia - Helicopter Charter Services
Sokimex Investment Group
ព័ត៌មានជាតិ១ នាទីute មុន

រដ្ឋាភិបាលកូរ៉េ គ្រោងនឹងសង់អគារមន្ទីរពេទ្យថ្មីទំនើបកម្ពស់ ៥ ជាន់ តម្លៃ ១៦ លានដុល្លារ នៅចុងឆ្នាំ ២០២៥ នេះ

ព័ត៌មានជាតិ៥ នាទីutes មុន

ធ្វើ​អាជ្ញាកណ្ដាល​ផង​ បង្ហាត់​គេ​ទៀត​ លោក​ ឃឹម​ សុជាតិ​ រក​ចំណូល​បាន​ប៉ុន្មាន​ក្នុង​មួយខែ…

ព័ត៌មានជាតិ៥ នាទីutes មុន

សមាគមបណ្ណាល័យគំនិតដាក់ដំណើរការកម្មវិធី “សួនសៀវភៅ”នៅផ្លូវថ្មើជើងភ្នំពេញ

ព័ត៌មានអន្ដរជាតិ៦ នាទីutes មុន

ត្រាំ ផ្តាំទៅ ហ្សេលេនស្គី ថា ទោះប្រគល់រ៉ែកម្រ ឲ្យអាមេរិក ក៏អ៊ុយក្រែន មិនអាចចូលណាតូបានដែរ

ព័ត៌មានជាតិ១៥ នាទីutes មុន

ខេត្តបន្ទាយមានជ័យក្លាយជាខេត្តទី១៨ ដែលបញ្ចប់ការបន្ទោបង់ពាសវាលពាសកាល

ព័ត៌មានអន្ដរជាតិ១៧ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

ព័ត៌មានជាតិ១៧ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

ព័ត៌មានអន្ដរជាតិ១៧ ម៉ោង មុន

ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ

ព័ត៌មានអន្ដរជាតិ២៣ ម៉ោង មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

ព័ត៌មានជាតិ១៩ ម៉ោង មុន

ពលរដ្ឋភូមិឃ្មួញ ខណ្ឌសែនសុខ កំពុងរៀបចំតុបតែងភូមិស្វាគមន៍សង្ក្រាន្តឆ្នាំថ្មី

Sokha Hotels

ព័ត៌មានពេញនិយម