Connect with us

ព័ត៌មានជាតិ

ប្រមុខការពារជាតិកម្ពុជា បង្ហាញសុទិដ្ឋិនិយមលើកិច្ចសហប្រតិបត្តិការជាមួយអាមេរិក ថា នឹងត្រូវបានពង្រឹងឡើងវិញ

បានផុស

នៅ

រដ្ឋមន្ត្រីការពារជាតិកម្ពុជា បង្ហាញសុទិដ្ឋិនិយមចំពោះកិច្ចសហប្រតិបត្តិការទ្វេភាគីជាមួយសហរដ្ឋអាមេរិក ថា នឹងត្រូវបានបន្តពង្រឹងពង្រីកបន្ថែមទៀត ខណៈមន្ត្រីអនុព័ន្ធយោធាសហរដ្ឋអាមេរិក បានសន្យាស្វះស្វែងរកវិធីសាស្ត្រថ្មីៗដើម្បីបង្កើនកិច្ចសហប្រតិបត្តិការរវាងប្រទេសទាំងពីរឱ្យមានភាពល្អប្រសើរឡើងវិញ ពិសេសទាក់ទិននឹងសហការយោធារវាងកងទ័ពកម្ពុជា-អាមេរិក។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអរគុណចំពោះការយកចិត្តទុកដាក់របស់រដ្ឋាភិបាលសហរដ្ឋអាមេរិក ដែលបានបញ្ជូនមន្ត្រីជាន់ខ្ពស់របស់ខ្លួនមកកាន់ប្រទេសកម្ពុជា ដើម្បីបំពេញទស្សនកិច្ចទាំងផ្លូវការ និងមិនផ្លូវការ ដែលជាផ្នែកមួយនៃការប្រាស្រ័យទាក់ទងគ្នា សំដៅពង្រឹងចំណងមិត្តភាព និងកិច្ចសហប្រតិបត្តិការនៃប្រទេសទាំងពីរ។

ក្នុងន័យនេះ នាយឧត្តមសេនីយ៍ ទៀ សីហា បានបញ្ជាក់អំពីការស្វាគមន៍ និងត្រៀមខ្លួនរួចជាស្រេចរបស់ក្រសួងការពារជាតិកម្ពុជាក្នុងការសហការជាមួយភាគីសហរដ្ឋអាមេរិក ហើយលោកនាយឧត្តមសេនីយ៍ ជឿជាក់ថា ឆ្នាំ២០២៥នេះ និងឆ្នាំខាងមុខទៀត កម្ពុជា-អាមេរិក នឹងពង្រឹងនូវកិច្ចសហប្រតិបត្តិការទ្វេភាគីឱ្យបានល្អប្រសើរថែមទៀត។

ជាការតបទៅនឹងបំណងរបស់កម្ពុជា លោកវរសេនីយ៍ទោ ខៃ សាល់មែន (Kyle Saltzman) នាយការិយាល័យអនុព័ន្ធយោធាអាមេរិកប្រចាំកម្ពុជា បានសន្យានៅចំពោះមុខរដ្ឋមន្ត្រីការពារជាតិកម្ពុជា ថា នឹងបន្តធ្វើយ៉ាងណា ដើម្បីលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែល្អប្រសើរឡើងមួយកម្រិតទៀត។ តាមការបញ្ជាក់របស់វរសេនីយ៍ទោ ខៃ សាល់មែន នាពេលឆាប់ៗខាងមុខនេះ មន្ត្រីមួយចំនួនរបស់កងទ័ពអាមេរិក នឹងមកធ្វើទស្សនកិច្ចនៅកម្ពុជាជាបន្តបន្ទាប់ទៀត។

យកឱកាសនៃជំនួបកាលពីរសៀលថ្ងៃទី៣១ ខែមីនា ឆ្នាំ២០២៥ លោកវរសេនីយ៍ទោ អនុព័ន្ធយោធាអាមេរិក ក៏បានអរគុណរាជរដ្ឋាភិបាលកម្ពុជាចំពោះការជួយគាំទ្រ និងទទួលស្វាគមន៍គណៈប្រតិភូកងទ័ពអាមេរិក ក៏ដូចជាការចូលចតនាវារបស់កងទ័ពសហរដ្ឋអាមេរិក នៅក្នុងដែនសមុទ្រកម្ពុជា នាឆ្នាំកន្លងមក៕

Helistar Cambodia - Helicopter Charter Services
Sokimex Investment Group
ព័ត៌មានជាតិ១៧ វិនាទី មុន

ប្រមុខការពារជាតិកម្ពុជា បង្ហាញសុទិដ្ឋិនិយមលើកិច្ចសហប្រតិបត្តិការជាមួយអាមេរិក ថា នឹងត្រូវបានពង្រឹងឡើងវិញ

ជីវិតកម្សាន្ដ៤ នាទីutes មុន

ក្រោយរឿងអាស្រូវហាក់ស្ងប់ Thùy Tiên លេចមុខធ្វើសកម្មភាពសប្បុរសធម៌ជាថ្មី

ព័ត៌មានជាតិ៨ នាទីutes មុន

សិស្សានុសិស្ស ២៧៨នាក់ បានចូលរួមប្រកួតសំណេរ នៅវិទ្យាល័យព្រែកលៀប អបអរសង្ក្រាន្តឆ្នាំថ្មី

ព័ត៌មានជាតិ៨ នាទីutes មុន

សម្ដេចធិបតី ឱ្យបណ្តុះមនសិការ«ខ្មែរស្រឡាញ់ខ្មែរ ខ្មែរប្រើប្រាស់ផលិតផលខ្មែរ ជាមោទនភាពជាតិខ្មែរ»

ព័ត៌មានជាតិ១០ នាទីutes មុន

ចូលឆ្នាំថ្មីឆ្នាំនេះ អភិបាលខេត្តកំពង់ចាម គ្រោងបំពាក់ប្រព័ន្ធ Free WiFi ឱ្យអ្នកមកលេងកម្សាន្តនៅខេត្តបានប្រើប្រាស់ដោយសេរី

ព័ត៌មានអន្ដរជាតិ១៨ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

ព័ត៌មានជាតិ១៨ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

ព័ត៌មានអន្ដរជាតិ១៨ ម៉ោង មុន

ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ

ព័ត៌មានអន្ដរជាតិ២៤ ម៉ោង មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

ព័ត៌មានជាតិ២០ ម៉ោង មុន

ពលរដ្ឋភូមិឃ្មួញ ខណ្ឌសែនសុខ កំពុងរៀបចំតុបតែងភូមិស្វាគមន៍សង្ក្រាន្តឆ្នាំថ្មី

Sokha Hotels

ព័ត៌មានពេញនិយម