ព័ត៌មានជាតិ

អាជ្ញាធរចុះបោះបង្គោលព្រំ ដើម្បីធ្វើច្រាំងទន្លេនិងស្ថាបនាផ្លូវបានតាមកំណត់គ្មានការតវ៉ាពីប្រជាពលរដ្ឋ

បានផុស

៤ years មុន

នៅ

ថ្ងៃពុធ ២៤ មីនា ២០២១

ដោយ

ខណៈពេលដែលក្រុមការងារនិងអាជ្ញាធរខណ្ឌច្បារអំពៅចុះបោះបង្គោលនៃគម្រោងស្ថាបនាច្រាំងនិងផ្លូវតាមដងទន្លេបាសាក់ នាថ្ងៃទី២៤ ខែមីនានេះ គឺមានការសហការណ៍ពីប្រជាពលរដ្ឋ ដែលរស់នៅក្នុងគម្រោងដោយគ្មានការជំទាស់ឡើយ។ ព្រោះពួកគាត់ដឹងថា ជាការអភិវឌ្ឍន៍របស់ប្រទេសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោក ហ៊ត គឹមនី អភិបាលរងខណ្ឌច្បារអំពៅបានឲ្យដឹងថា ការចុះបង្គោលដើម្បីកំណត់ទីតាំងធ្វើច្រាំងទន្លេនិងស្ថាបនាផ្លូវចាប់ពីគល់ស្ពានព្រះមុនីវង្សចាស់ ក្នុងទឹកដីសង្កាត់ច្បារអំពៅទី២រហូតដល់តំបន់អភិវឌ្ឍន៍កោះនរា ស្ថិតក្នុងសង្កាត់និរោធខណ្ឌច្បារអំពៅ គឺប្រព្រឹត្តិទៅបានដោយរលូនគ្មានការជំទាស់ពីប្រជាពលរដ្ឋឡើយ។ ក្នុងនោះដែរបង្គោលកំណត់ភាគច្រើននៅក្នុងទឹក។

ទាក់ទិនទៅនិងបង្គោលដែលបោះរួចរាល់ហើយ គឺអាជ្ញាធរបានសំណូមពរឲ្យបងប្អូនប្រជាពលរដ្ឋជួយថែរក្សាបង្គោលដែលបានបោះរួច។ ករណីបុគ្គលណាមួយបំពានដកឬបំផ្លិចបំផ្លាញ រដ្ឋបាលខណ្ឌច្បារអំពៅនិងចាត់វិធានការណ៍តាមផ្លូវច្បាប់ដោយគ្មានការលើកលែង៕