Connect with us

ព័ត៌មានជាតិ

មន្ត្រីជាន់ខ្ពស់សុខាភិបាល ណែនាំក្រុមការងារយកចិត្តទុកដាក់បង្ការជំងឺឆ្លងនៅតាមច្រកព្រំដែន នាឱកាសបុណ្យចូលឆ្នាំថ្មី

បានផុស

នៅ

លោកស្រី យក់ សម្បត្តិ រដ្ឋលេខាធិការក្រសួងសុខាភិបាល ណែនាំឱ្យក្រុមការងារយកចិត្តទុកដាក់បង្ការជំងឺឆ្លងនៅតាមច្រកព្រំដែនទាំងអស់ នាឱកាសបុណ្យចូលឆ្នាំថ្មីប្រពៃណីខ្មែរ នាពេលខាងមុខ។ លោកស្រី បានលើកឡើងបែបនេះ ក្នុងឱកាសអញ្ជើញជាអធិបតី ពិធីបើកវគ្គបណ្តុះបណ្តាល ស្តីពីការផ្តល់សេវាថែទាំសុខភាពសម្រាប់ការគ្រប់គ្រងជំងឺផ្តាសាយបក្សី (Influenza) A/H5N1 នៅប្រទេសកម្ពុជាតាមរយៈប្រព័ន្ធនិម្មិត (Zoom) កាលពីថ្ងៃទិ១ ខែមេសា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលបំណង នៃវគ្គបណ្តុះបណ្តាលនេះ គឺដើម្បីធ្វើរោគវិនិច្ឆ័យជំងឺផ្តាសាយបក្សី A/H5N1 ឱ្យបានទាន់ពេលវេលា ក៏ដូចជាធ្វើការគ្រប់គ្រង និងព្យាបាលអ្នកជំងឺសង្ស័យ ឬអ្នកជំងឺវិជ្ជមានមេរោគ A/H5N1។ ព្រមទាំងគ្រប់គ្រង និងបង្ការរោគ ជាពិសេសប្រព័ន្ធបញ្ជូនអ្នកជំងឺ និងទំនាក់ទំនងជាមួយក្រុមឆ្លើយតបបន្ទាន់សម្រាប់ឆ្លើយតបទៅនឹងការផ្ទុះរាតត្បាត។

ក្នុងនេះដែរ លោកស្រី​ រដ្ឋលេខាធិកា បានផ្តល់អនុសាសន៍ណែនាំដូចជា នៅពេលសង្ស័យមានរោគសញ្ញា ក្តៅខ្លួន ក្អក ពិបាកដកដង្ហើម សុំរាយការណ៍ និងយកសំណាក ព្រមទាំងផ្ញើមកវិទ្យាស្ថានជាតិសុខភាពសធារណៈ ដោយសូមសរសេរបញ្ជាក់លើប្រអប់សំណាកថា ប្រញាប់ និងមួយវិញទៀត នៅពេលមានករណីបញ្ជូនជំងឺត្រូវមានគ្រូពេទ្យមកជាមួយ ដើម្បីផ្តល់ភាពកក់ក្តៅដល់អ្នកជំងឺ និងបើមានករណីអ្វីកើតឡើងបន្ថែមទៀត អាចសង្គ្រោះបានទាន់ពេលវេលា។ បន្ថែមលើនេះ សូមយកចិត្តទុកដាក់នៅតាមច្រកព្រំដែនទាំងអស់ នៅពេលមានអ្នកដំណើរចេញចូលពីក្រៅប្រទេស នាឱកាសបុណ្យចូលឆ្នាំថ្មីប្រពៃណីខ្មែរ ខាងមុខនេះ។

មន្រ្តីជាន់ខ្ពស់រូបនេះ ក៏បានគូសរំលេច និងកោតសរសើរដល់ក្រុមការងារឆ្លើយតបបន្ទាន់នាយកដ្ឋានប្រយុទ្ធនឹងជំងឺឆ្លង ព្រមទាំងក្រុមឆ្លើយតបបន្ទាន់ថ្នាក់ខេត្តដែលបានយកចិត្តទុកដាក់ក្នុងការបំពេញការងារជាបុរេសកម្មក្នុងការទប់ស្កាត់ជំងឺផ្តាសាយបក្សីកន្លងមក៕

Helistar Cambodia - Helicopter Charter Services
Sokimex Investment Group
ព័ត៌មានជាតិ២២ វិនាទី មុន

មន្ត្រីជាន់ខ្ពស់សុខាភិបាល ណែនាំក្រុមការងារយកចិត្តទុកដាក់បង្ការជំងឺឆ្លងនៅតាមច្រកព្រំដែន នាឱកាសបុណ្យចូលឆ្នាំថ្មី

ជីវិតកម្សាន្ដ៧ នាទីutes មុន

តារាចិន៤រូប​ ជាប់ឈ្មោះជាបុគ្គលសំបូររឿងអាស្រូវជាប់ខ្លួន

ព័ត៌មានអន្ដរជាតិ១១ នាទីutes មុន

សភាពាណិជ្ជកម្មអាមេរិកនៅកម្ពុជា ស្នើឱ្យ​ដោះស្រាយបញ្ហា​ពន្ធអាមេរិកថ្មី ​ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»

សេដ្ឋកិច្ច១២ នាទីutes មុន

កម្ពុជារកចំណូលបានជាង $១៨ លាន ពីការលក់សំបុត្រចូលទស្សនាអង្គរ

ព័ត៌មានអន្ដរជាតិ១៧ នាទីutes មុន

មេដឹកនាំពិភពលោកប្រតិកម្មខ្លាំងៗ ចំពោះពន្ធគយថ្មីរបស់លោក ត្រាំ

Sokha Hotels

ព័ត៌មានពេញនិយម