ព័ត៌មានជាតិ
រដ្ឋបាលខេត្តមណ្ឌលគិរី នឹងរៀបចំលេងល្បែងប្រជាប្រិយ ក្នុងឱកាសបុណ្យចូលឆ្នាំថ្មី នៅលើសួនដំរី
នៅជាង១សប្ដាហ៍ទៀតប៉ុណ្ណោះ ពិធីចូលឆ្នាំប្រពៃណីជាតិខ្មែរ នឹងឈានចូលមកដល់។ ដើម្បីអបអរសាទរពិធីចូលឆ្នាំថ្មីប្រពៃណីជាតិខ្មែរ នៅពេលខាងមុខ រដ្ឋបាលខេត្តមណ្ឌលគិរី បានរៀបចំទីតាំងលេងល្បែងប្រជាប្រិយខ្មែរគ្រប់ប្រភេទ ដើម្បីទទួលស្វាគមន៍ប្រជាពលរដ្ឋខ្មែរគ្រប់ស្រទាប់វណ្ណៈ ក៏ដូចជាភ្ញៀវទេសចរជាតិ អន្តរជាតិ ដែលបានមកលេងកម្សាន្តក្នុងខេត្តមណ្ឌលគិរី។

លោក ហៀក សុផាន អភិបាលក្រុងសែនមនោរម្យ បានឱ្យដឹងថា ពិធីបុណ្យចូលឆ្នាំប្រពៃណីជាតិជាតិខ្មែរ ដែលប្រព្រឹត្តទៅរយៈ ៣ថ្ងៃ ស្ថិតនៅលើសួនដំរីដែកដូចឆ្នាំមុនដែរ ហើយអាជ្ញាធរបានរៀបចំឱ្យលេងល្បែងប្រជាប្រិយគ្រប់ប្រភេទ នឹងមានការចូលរួមពីក្រុមអាជីវករលក់ផលិតផលប្រចាំតំបន់ជាច្រើនតូប ក៏ដូចជាមានការប្រគំតន្ត្រីរាំលេងកម្សាន្ត ដើម្បីញ៉ាំងបរិយាកាសឱ្យប្រជាពលរដ្ឋសប្បាយរីករាយនៅពេលយប់ផងដែរ។ ទន្ទឹមនឹងការរៀបចំតុបតែងកន្លែងលេងល្បែងប្រជាប្រិយ អាជ្ញាធរក៏បានតុបតែងកែលម្អដាក់អំពូលនៅតាមសួនច្បារទីធ្លាសាធារណៈ ដើម្បីបង្កើនសោភ័ណភាពនៅក្នុងក្រុងបន្ថែមទៀត។
លោកបានបញ្ជាក់ទៀតថា ការរៀបចំទីតាំងលេងល្បែងប្រជាប្រិយ ដើម្បីទទួលអបអរសាទរ ពិធីបុណ្យចូលឆ្នាំថ្មីប្រពៃណីជាតិខ្មែរនាពេលខាងមុខនេះ ក៏ដូចជាបានតុបតែងកែលម្អនៅទីធ្លាសាធារណៈ ឱ្យមានសោភ័ណភាពស្រស់បំព្រង ដើម្បីទាក់ទាញភ្ញៀវទេសចរជាតិ និងអន្តរជាតិ ឱ្យមកកម្សាន្ត និងបង្កបរិយាកាសសប្បាយរីករាយ នៅក្នុងខេត្តមណ្ឌលគិរី៕





អត្ថបទ៖រៀម សុខហេង

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២២ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល