ព័ត៌មានជាតិ
ដើមអង្កាញ់ដាំក្នុងរបងផ្ទះ ជួយឲ្យស្ត្រីចំណាស់ម្នាក់រកចំណូលមិនក្រោម ៥ ម៉ឺនរៀលជាប្រចាំរាល់ថ្ងៃ
ត្រឹមម៉ោង ៩ ព្រឹក ស្ត្រីចំណាស់ម្នាក់អាចប្រមូលត្រួយអង្កាញ់បានចន្លោះពី ១០០ ដល់ ១ ៥០០ ដុំ សម្រាប់លក់បន្តឲ្យម៉ូយ យកទៅលក់លើទីផ្សារនានា ដោយក្នុង ១ ដុំបោះឲ្យម៉ូយក្នុងតម្លៃ ៥០០ រៀល បើគិតជាថវិកាស្ត្រីរូបនេះអាចរកបានចន្លោះពី ៥ មុឺនរៀលទៅជាង ៦ មុឺនរៀលក្នុងមួយថ្ងៃៗ ខណះដើមអង្កាញ់ជាប្រភពចំណូលស្រ្តីរូបនេះលូតលាស់ជាបន្តបន្ទាប់និងប្រមូលផលបានជាប្រចាំរាល់ថ្ងៃ។
ក្នុងសកម្មភាពកំពុងប្រមូលផលត្រួយអង្កាញ់សម្រាប់លក់ឲ្យម៉ូយ អ្នកស្រី វណ្ណ ថា វ័យ ៧៨ ឆ្នាំ រស់នៅក្នុងភូមិទួល ឃុំចែងមានជ័យ ស្រុកបាណន់ ខេត្តបាត់ដំបងបានប្រាប់កម្ពុជាថ្មីថា រាល់ព្រឹកអ្នកស្រីដើរប្រមូលត្រួយអង្កាញ់សម្រាប់លើកឲ្យម៉ូយលក់បន្តនៅតាមទីផ្សារនានា ហើយអ្នកស្រីអាចរកចំណូលបានជាប្រចាំ យ៉ាងហោចក៏បាន ៥ មុឺនរៀលទៅជាង ៦ មុឺនរៀលក្នុង ១ ថ្ងៃ។

ស្ត្រីវ័យ ៧៨ ឆ្នាំរូបនេះបន្តថា ដើមអង្កាញ់អ្នកស្រីដាំជុំវិញរបងដីលំនៅដ្ឋានមានចំនួនជាង ១០ ដើម ហើយការលូតលាស់ត្រួយជាបន្តបន្ទាប់។ ការដាំដើមអង្កាញ់នេះឆាប់លូតលាស់លឿនណាស់ ហើយក៏មិនសូវមានអ្នកផ្សេងចាប់អារម្មដាំដែរ ខណះអ្នកស្រីថា ត្រួយអង្កាញ់នៅតែពេញនិយមរបស់មនុស្សវ័យចំណាស់ៗយកទៅផ្សំធ្វើជាបន្លែយ៉ាងមានរសជាតិឆ្ងាញ់ និងបានជំនួយដល់សុខភាពយ៉ាងប្រសើផងដែរ។
បើតាមអ្នកស្រី វ័ណ្ណថា ត្រួយអង្កាញ់បើទោះមានអ្នកចង់បរិភោគ ក៏រកទិញនៅលើទីផ្សារក្នុងក្រុងកម្រមានណាស់ ព្រោះម៉ូយដែលមកទិញពីអ្នកស្រី គឺសម្រាប់លក់លើទីផ្សារក្នុងស្រុកជនបទប៉ុណ្ណោះ ហើយក្នុងត្រួយ ១ ដុំដែលអ្នកស្រីលក់បន្តក្នុងតម្លៃ ៥០០ រៀល គឺម៉ូយលក់បន្តបាន ១ ដុំ ១ ០០០ រៀល គឺចំណេញពាក់កណ្តាល។

អ្នកស្រីបន្តថា “បើយើងមានវ័យចំណាស់ហើយ បែរជាមិនធ្វើអ្វីសោះនោះ កុំថាត្រឹមរកចំណូលមិនបាន សូម្បីជម្ងឺឈឺថ្កាត់ក៏មានកើតឡើងច្រើនដែរ។ យើងមានដីហើយទោះដាំបានតិចតួចក្នុង១ថ្ងៃៗ ក៏គង់តែហុចផល ពេលនោះយើងអាចរកចំណូល បានសម្រាប់ខ្លួនយើងជាមនុស្សចាស់ កុំរំពឹងលើតែកូនពេក សម្រាប់ខ្ញុំពេលខ្លះខ្ញុំជួយដល់កូនដែលខ្វះខាតវិញផង”។
អ្នកស្រីបញ្ជាក់ថា ដរាបនៅមានកម្លាំង អ្នកស្រីនៅតែបន្តដាំដើមអង្កាញ់បន្តទៀត ព្រោះតែអ្នកនៅតាមជនបទនេះ មិនដែលដាំនោះទេ ហើយក៏មិនស្មានថា ត្រួយរបស់វាអាចរកចំណូលបានយ៉ាងស្រួលបែបនេះសោះ ហើយដល់រដូវធ្លាក់ភ្លៀង អ្នកស្រីនឹងប្រមូលផលឲ្យកូនដឹកចូលទីផ្សារក្នុងខេត្ត អាចបង្កើតចំណូលបានច្រើនជាងនេះ៕
អត្ថបទ÷សៅ សារិទ្ធ

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២៣ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល