ព័ត៌មានជាតិ
ស្នងការខេត្តកណ្ដាល ព្រមាន និងពិន័យ៣ខែ លើប៉ូលិសដែលឃាត់ឡានពលរដ្ឋបណ្ដាលឱ្យខូចខាតនៅផ្លូវជាតិលេខ៣
ការិយាល័យបុគ្គលិក នៃស្នងការនគរបាលខេត្តកណ្ដាល ព្រមានជាលាយលក្ខណ៍អក្សរលើកទី១លើនគរបាលចរាចរណ៍ចំនួន០៤នាក់ និងអប់រំ ធ្វើកិច្ចសន្យាចំនួន០៣នាក់ ហើយដាក់ឲ្យអនុវត្តវិន័យរយៈពេល ០៣ខែ នៅការិយាល័យបុគ្គលិក ក្នុងចំណោមមន្រ្តីនគរបាលចរាចរណ៍ទាំង៧នាក់ ដែលចុះដាក់គោលដៅអនុវត្តច្បាប់ចរាចរណ៍ផ្លូវគោកនៅផ្លូវជាតិលេខ៣ លុះមានបញ្ហាបណ្ដាលឱ្យខូចខាតទ្រព្យសម្បត្តិរបស់ពលរដ្ឋ ស្រាប់តែរើគោលដៅចេញទាំងមិនទាន់ចប់ការងារ ។

ការដាក់ពិន័យបែបនេះ គឺបន្ទាប់ពី ម្ចាស់គណនីហ្វេសប៊ុកឈ្មោះ Lay Kongkea បានបង្ហោះវីដេអូ សកម្មភាពមន្រ្តីនគរបាលចរាចរណ៍ដាក់គោលដៅអនុវត្តរឹតបន្តឹងច្បាប់ចរាចរណ៍ផ្លូវគោក នៅព្រឹកថ្ងៃទី០២ ខែមេសា ឆ្នាំ២០២៥ ចំណុចផ្លូវជាតិលេខ៣ ចន្លោះគីឡូម៉ែត្រលេខ២៨-២៩ ឋិតក្នុងភូមិព្រៃទទឹង ឃុំត្រពាំងវែង ស្រុកកណ្តាលស្ទឹង ខេត្តកណ្តាល ជាមួយនឹងការអត្ថាធិប្បាយនៅក្នុងវីដេអូថា «នៅពេលមានបញ្ហាចាប់ផ្ដើមរើប៉ារ៉ាស់ហើយ»។
តាមសេចក្ដីរាយការណ៍របស់បណ្ដាញព័ត៌មានក្នុងស្រុកឱ្យដឹងថា កាលពីវេលាព្រឹកថ្ងៃទី០២ ខែមេសា សមត្ថកិច្ច ទាំង៧រូប បានដាក់គោលដៅនៅត្រង់ចំណុចផ្លូវជាតិលេខ៣ ចន្លោះគីឡូម៉ែត្រលេខ២៨-២៩។ ក្នុងពេលអនុវត្តច្បាប់ ក្រុមសមត្ថកិច្ច ចេញស្ទាក់រថយន្ត ford មួយគ្រឿងនៅលើផ្លូវ ស្របពេលរថយន្ត fordជាន់ហ្រ្វាំង ស្រាប់តែរថយន្តមួយគ្រឿងទៀតមកបុកពីក្រោយ បណ្ដាលឱ្យខូចខាតខាងមុខ។ ក្រោយមានបញ្ហាបែបនេះ ក្រុមនគរបាលចរាចរណ៍ បានរើគោលដៅភ្លាមៗចេញពីទីតាំងកើតហេតុ ស្របពេលម្ចាស់រថយន្ត ដែលខូចខាតទាមទារឱ្យទទួលខុសត្រូវ៕

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២៤ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់