ព័ត៌មានជាតិ
មន្រ្តីជំនាញ ចុះពិនិត្យទីសត្តឃាតដ្ឋាន និងកន្លែងលក់ផលិតផលសត្វនៅស្រុកស្រែអំបិល
ក្រុមមន្រ្តីការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តកោះកុង បានចុះត្រួតពិនិត្យលក្ខណៈបច្ចេកទេសសត្តឃាតដ្ឋាន និងកន្លែងតាំងលក់ផលិតផលសត្វលើទីផ្សារ នៅឃុំស្រែអំបិល ស្រុកស្រែអំបិល។

លោក ទូច ប៊ុណ្ណារិទ្ធ ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានឱ្យដឹងនារសៀលថ្ងៃទី៤ ខែមេសា ឆ្នាំ២០២៥នេះថា ក្រុមការងារតែងធ្វើផែនការសកម្មភាពចុះពិនិត្យកន្លែងសត្តឃាត និងតូបលក់ដូរសាច់សត្វជាប្រចាំ ដើម្បីធានាបានសុវត្ថិភាពសម្រាប់អ្នកបរិភោគប្រើប្រាស់។

បើតាមលោក ទូច ប៊ុណ្ណារិទ្ធ លោកបានណែនាំដល់ម្ចាស់សត្តឃាត និងអាជីវករ ត្រូវរៀបចំអនាម័យបរិស្ថានអោយស្អាតល្អត្រឹមត្រូវតាមបច្ចេកទេស និងចុះបញ្ជីអាជីវកម្មសមស្របតាមច្បាប់កំណត់ ដោយមិនធ្វើអាជីវកម្មគ្មានច្បាប់នោះទេ ដែលនឹងប្រឈមចំពោះមុខច្បាប់។
លោកប្រធានការិយាល័យផលិតកម្ម និងបសុព្យាបាលបន្តថា សាច់សត្វជ្រូកដែលអាជីវករកំពុងតាំងលក់ដូរនៅលើទីផ្សារ ភាគច្រើនជាសត្វជ្រូកដែលទិញពីប្រជាពលរដ្ឋក្នុងមូលដ្ឋាន ក៏ដូចជាទិញពីក្រុមហ៊ុន ម៉ុងឬទ្ធី និងក្រុមហ៊ុនCP។ បច្ចុប្បន្ន ម្ចាស់សត្តឃាត និងអាជីវករលក់ដូរសាច់ជ្រូក បានអនុវត្តល្អទៅតាមការណែនាំ ព្រមទាំងច្បាប់ដែលបានកំណត់ ពុំមានការលក់ដូរសាច់សត្វគ្មានគុណភាពនោះទេ។

សូមជម្រាបថា បច្ចុប្បន្ន ខេត្តកោះកុងមានសត្តឃាតដ្ឋាន និងអាជីវករលក់ដូរសាច់ជ្រូក ប្រមាណជាង១០០កន្លែង ភាគច្រើនមានច្បាប់មានអនុញ្ញាតចេញដោយរដ្ឋបាលខេត្ត និងមន្ទីរជំនាញ។ ដោយឡែកសម្រាប់អាជីករដែលមិនទាន់សុំច្បាប់ ត្រូវបានក្រុមមន្រ្តីជំនាញជំរុញទៅបំពេញបែបបទចុះបញ្ជី ដើម្បីងាយស្រួលគ្រប់គ្រង៕
អត្តបទ៖ សិរីវឌ្ឍនៈ


-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់