Connect with us

ព័ត៌មានជាតិ

សហជីព ៖ ការកេងចំណេញនយោបាយពីការដំឡើងពន្ធអាមេរិក គឺ​ជា​ចរិត​នយោបាយ​ដ៏ខ្មៅកខ្វក់​របស់​ក្រុម​ប្រឆាំង

បានផុស

នៅ

ភ្នំពេញ ៖ សហជីព​ដែលតំណាងកម្មកររោងចក្រដេរ និងវាយនភណ្ឌនៅកម្ពុជាបានលើកឡើងថា ក្រុមប្រឆាំងខិតខំប្រឹងប្រែងកេងចំណេញនយោបាយពីការដំឡើងពន្ធរបស់អាមេរិក គឺជាចរិតនយោបាយដ៏ខ្មៅកខ្វក់របស់ពួកគេដែលធ្វើឱ្យពលរដ្ឋស្គាល់ចរិតក្រុមប្រឆាំងកាន់តែច្បាស់។

លោក គឹម ចាន់សំណាង ប្រធានសភាសម្ព័ន្ធសហជីពជាតិកម្ពុជា (NACC)បានថ្លែងថា៖«ក្រុមប្រឆាំងនៅក្រៅប្រទេស កំពុងចាប់ឱកាសដែលសហរដ្ឋមេរិកដាក់ពន្ធធ្ងន់មកលើកម្ពុជា ដើម្បីដាក់សម្ពាធមកលើរាជរដ្ឋាភិបាល ព្រោះវាជាចរិតនយោបាយខ្មៅកង្វក់របស់ពួកគេ។ ម្យ៉ាងទៀត វាជាក្ដីបំណងរបស់ពួកគេជាមកហើយ ដែលចង់ឃើញសហរដ្ឋអាមេរិកដាក់សម្ពាធមកលើកម្ពុជា»។

លោកបន្ត​ថា «ក្រុមប្រឆាំងគ្មានបំណងល្អចំពោះកម្មករ និងពលរដ្ឋកម្ពុជាទេ ពួកគេចង់ឃើញកម្មករគ្មានការងារ ពលរដ្ឋមានជីវភាពយ៉ាប់យ៉ឺន ដើម្បីយកមូលហេតុទាំងអស់នេះធ្វើជាលេសញុះញង់ឱ្យពលរដ្ឋខឹងសម្បារជាមួយនឹងរាជរដ្ឋាភិបាល ហើយនាំគ្នាតវ៉ា ឬក៏បោះបោរជាដើម»។

លោក ចាន់សំណាងបន្ថែមថា រឿងដែលពួកគេកំពុងរំពឹងទុកនោះ នឹងមិនអាចកើតមានឡើងទៅតាមគោលបំណងរបស់ពួកគេនោះទេ ព្រោះប្រជាពលរដ្ឋ និងកម្មករនៅក្នុងប្រទេសកម្ពុជាមានការភាពជឿជាក់ទៅលើរាជរដ្ឋាភិបាលក្រោមការដឹកនាំរបស់សម្ដេចបវរធិបតី ហ៊ុន ម៉ាណែត នាយករដ្ឋមន្រ្តី ដែលនឹងមានដំណោះស្រាយសមរម្យនាពេលឆាប់ៗនេះ។

ចំណែកលោក សំ សឿន ប្រធានសហជីពពលកម្មជាតិកម្ពុជា (NLC)បានថ្លែងថា «ក្រុមប្រឆាំងមិនដែលគិតពីផលប្រយោជន៍ប្រទេសជាតិនោះទេ គឺពួកគេអង្គុយបន់ព្រះ​ឱ្យតែកម្ពុជាជួបរឿងបែបនេះទេ ដើម្បីជាឱកាសញុះញង់ប្រជាពលរដ្ឋឱ្យរើសអើង ខឹងសម្បារជាមួយនឹងរាជរដ្ឋាភិបាល និងបំផុសបំផុលព័ត៌មានមិនពិតនានាដែលធ្វើឱ្យកម្មករ និងពលរដ្ឋមានការព្រួយបារម្ភ»។

លោកបន្តថា ប្រជាពលរដ្ឋបានដឹងពីចរិតនយោបាយរបស់ពួកគេដែលជាក្រុមឱកាសនិយម ហើយក្រុមប្រឆាំងជ្រុលនិយមសព្វថ្ងៃនេះមិនបានសិក្សាពីគោលនយោបាយជាតិ ផលប្រយោជន៍ជាតិទេ ក្រៅតែពីការនិយាយចោទប្រកាន់ឱ្យខ្មែរបែកបាក់សាមគ្គី ជាសម្ដីដែលហាមាត់ពេលនេះគឺចេញភ្លើងពេលនោះ បង្កជាការញុះញង់ឱ្យប្រជាពលរដ្ឋខ្មែរស្អប់រដ្ឋាភិបាល។

ដោយឡែកយុវជនដែលជាសមាជិកនៃក្រុមប្រឆាំងនៅក្រៅប្រទេសមួយចំនួន មិនបានបង្ហាញឱ្យឃើញពីភាពចេះដឹងរបស់ខ្លួន ដើម្បីឱ្យយុវជនផ្សេងៗស្ដាប់ពិចារណាទេ បែរជាដើរតាមដានរបស់រាមច្បងរបស់គេដោយប្រើភាសាបំផ្លើសបំផ្លៃ ធ្វើយ៉ាងណាឱ្យប្រជាជនច្របូកច្របល់ ជាភាសាមិនបញ្ជាក់ពីភាពជាបញ្ញវ័ន្តសោះឡើយ។

លោកបានបង្ហាញពីភាពរឹងមាំរបស់រាជរដ្ឋាភិបាលអាណត្តិនេះ ដែលឈរធានាការពារសន្តិភាព ស្ថិរភាពនយោបាយ បូរណភាពទឹកដី ការពារភាពសុខសាន្តរបស់ប្រជាពលរដ្ឋ ហើយបើមិនមានរដ្ឋាភិបាលដែលកើតចេញពីគណបក្សប្រជាជនទេនោះ ម្ល៉ោះប្រទេសកម្ពុជានឹងធ្លាក់ចូលក្នុងប្រវត្តិសាស្រ្តចាស់ តាមរយៈនយោបាយផ្ដួលរំលំដោយប្រើកម្លាំងក្រៅប្រព័ន្ធបោះឆ្នោត។

បើតាមការកត់សម្គាល់របស់ថ្នាក់ដឹកនាំសហជីពទាំងពីររូប គឺក្រុមប្រឆាំងជ្រុលនិយមនៅក្រៅប្រទេស បានធ្វើសកម្មភាពជំទាស់នឹងគម្រោងព្រែកជីកហ្វូណនតេជោ ដែលជាសមិទ្ធផលមួយ ដែលផ្តល់នូវអត្ថប្រយោជន៍ធំធេងដល់សេដ្ឋកិច្ចសង្គមកម្ពុជា។

មិនតែប៉ុណ្ណោះ ពួកគេបានធ្វើសកម្មភាពញុះញង់បំភ្លៃលើកិច្ចសហប្រតិបត្តិការត្រីកោណកម្ពុជា-ឡាវ-វៀតណាម (CLV-DTA) ហើយបំផុសចលនាឱ្យយុវជនតវ៉ាបះបោ ដើម្បីផ្តួលរំលំរាជរដ្ឋាភិបាលស្របច្បាប់ថែមទៀត ប៉ុន្ដែអ្វីដែលពួកគេចង់បាន និងចង់ឱ្យមានបញ្ហាកើតមានឡើងនោះបានរលាយសាបសូន្យទៅវិញ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group
ព័ត៌មានជាតិ៣១ វិនាទី មុន

សហជីព ៖ ការកេងចំណេញនយោបាយពីការដំឡើងពន្ធអាមេរិក គឺ​ជា​ចរិត​នយោបាយ​ដ៏ខ្មៅកខ្វក់​របស់​ក្រុម​ប្រឆាំង

សេដ្ឋកិច្ច១៣ នាទីutes មុន

កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%

ព័ត៌មានជាតិ២៦ នាទីutes មុន

ស្ពាន​អាកាស​មរតក​តេជោ នឹងសម្ពោធ​​ឱ្យ​ប្រើប្រាស់​​នា​ថ្ងៃ​ទី០៧ ខែមេសា អាជ្ញាធរ​រាជធានី​នឹង​បិទ​ផ្លូវ​មួយ​ចំនួន

ព័ត៌មានជាតិ៤៦ នាទីutes មុន

អភិបាលរាជធានីណែនាំ​ឱ្យ​ពង្រឹង​សន្តិសុខ សណ្តាប់ធ្នាប់ នា​ឱកាស​បុណ្យ​ចូលឆ្នាំថ្មីខាងមុខ

ព័ត៌មានជាតិ១ ម៉ោង មុន

សហជីព​នៅ​កម្ពុជា​ថា ​ការ​ដំឡើង​ពន្ធ​អាមេរិក នឹង​មិន​នាំ​ដល់​ការ​រើរោងចក្រ ធ្វើ​ឱ្យ​ពលរដ្ឋខ្មែរបាត់បង់ការងារ​ទេ

Sokha Hotels

ព័ត៌មានពេញនិយម