ព័ត៌មានជាតិ

ស្វែងយល់ពីលក្ខណៈភូមិសាស្ត្រ តំបន់ឆ្នេរសមុទ្រប្រទេសកម្ពុជា

បានផុស

៤ ម៉ោង មុន

នៅ

ថ្ងៃសៅរ៍ ៥ មេសា ២០២៥

ដោយ

តំបន់ឆ្នេរសមុទ្រនៃព្រះរាជាណាចក្រកម្ពុជា គ្របដណ្តប់នៅលើខេត្តចំនួន ៤ ក្រុងចំនួន ៦ ស្រុក ចំនួន ១៧ ឃុំចំនួន ១៣៦ និងសង្កាត់ចំនួន ២០ ដែលមានផ្ទៃដីសរុប ១៨ ៥៣៥ គីឡូម៉ែត្រក្រឡា។

តំបន់ឆ្នេរសមុទ្រកម្ពុជា មានឆ្នេរសមុទ្រជាប់នឹងដីគោកប្រវែងសរុបប្រមាណ ៥២៦ គីឡូម៉ែត្រ។ នេះបើតាមឯកសារគណៈកម្មការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា។ មានប្រជុំកោះនិងកោះ ដែលបានរកឃើញយ៉ាងតិចចំនួន ៧៥ និងមានដៃសមុទ្រ ស្ទឹង ព្រែក ផ្លូវទឹកដែលតភ្ជាប់ទៅនឹងសមុទ្រចំនួន ១១១ ទីតាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លក្ខណៈប្រជាសាស្ត្រតំបន់ឆ្នេរសមុទ្រកម្ពុជា

តំបន់ឆ្នេរសមុទ្រនៃព្រះរាជាណាចក្រកម្ពុជា មានការអភិវឌ្ឍរីកចម្រើនលើគ្រប់វិស័យទាំងផ្នែករូបវន្ត សេដ្ឋកិច្ច សង្គម បរិស្ថាន និងវប្បធម៌ ដោយកំណើននគរូបនីយកម្មនិងកំណើនប្រជាជនយ៉ាងឆាប់រហ័សគួរឱ្យកត់សម្គាល់។

ផ្អែកតាមទិន្នន័យជំរឿនឆ្នាំ២០០៨, ឆ្នាំ២០១៩, និងតាមការព្យាករឃើញថា៖

-នៅឆ្នាំ២០០៨ ប្រជាជនទីក្រុងមានចំនួន ១៧៨ ៤៥២ នាក់ ស្មើនឹង ១៨,៦% នៃប្រជាជនតំបន់ឆ្នេរសមុទ្រកម្ពុជាសរុប ៩៦០ ៤៨០នាក់។
-នៅឆ្នាំ២០១៩ ប្រជាជនទីក្រុងបានកើនឡើងដល់ចំនួន ៤២២ ៧៨៣ នាក់ ស្មើនឹង ៣៩, ៤% នៃ ប្រជាជនតំបន់ឆ្នេរសមុទ្រកម្ពុជាសរុប ១ ០៧២ ៤៦៨នាក់,
-នៅឆ្នាំ២០៣០ ប្រជាជនទីក្រុង នឹងកើនឡើងដល់ចំនួន ៧១៧ ៣៨១ នាក់ ស្មើនឹង ៥៥, ៥% នៃប្រជាជនតំបន់ឆ្នេរសមុទ្រកម្ពុជាសរុប ១ ២៩១ ៩៤៩នាក់,
-នៅឆ្នាំ២០៥០ ប្រជាជនទីក្រុង រំពឹងថានឹងអាចកើនឡើងដល់ចំនួន ៩៧៦ ៦៦៨ នាក់ ស្មើនឹង ៦៦,១% នៃប្រជាជនតំបន់ឆ្នេរសមុទ្រកម្ពុជាសរុប ១ ៤៧៧ ៥៣៤នាក់។

អត្ថបទក្រោយ កម្ពុជាថ្មីនឹងលើកឡើងពីភូមិសាស្រ្តខេត្តជាប់តំបន់ឆ្នេរ ដើម្បីសិក្សាស្វែងយល់និងផ្សព្វផ្សាយបន្តទៀត៕