ព័ត៌មានជាតិ

សារ៉ាយ សក្ខណា ទទួលបានការចាក់វ៉ាក់សាំងកូវីដ-១៩លើកទី១នៅទឹកដីសហរដ្ឋអាមេរិក

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

នេះអាចចាត់ទុកថា ជាតារាស្រីខ្មែរដំបូងគេដែលមានឱកាសអាចចាក់នូវវ៉ាក់សាំងជំងឺកូវីដ-១ ៩នៅលើទឹកដីនៃប្រទេសមហាអំណាចសហរដ្ឋអាមេរិក ខណៈបច្ចុប្បន្ន សារ៉ាយ សក្ខណា កំពុងមានវត្តមានរស់នៅទីនោះជាមួយស្វាមីនិងកូន។

បើតាមការបញ្ជាក់ឲ្យដឹងពីអ្នកនាង សារ៉ាយ សក្ខណា បានលើកឡើងថា ថ្មីៗនេះនាងបានទទួលការចាក់វ៉ាក់សាំងការពារជំងឺកូវីដ-១៩រួចរាល់ហើយនៅទឹកដីអាមេរិក។ នេះគឺជាការចាក់វ៉ាក់សាំងកូវីដ-១៩ លើកទីមួយរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីធ្លាប់មានប្រជាប្រិយភាពរូបនេះបន្តថា ឥឡូវនេះនៅក្នុងប្រទេសកម្ពុជាកំពុងតែមានការឆ្លងជំងឺនេះច្រើន ដូច្នេះនាងក៏សូមជូនពរដល់ប្រជាពលរដ្ឋខ្មែរទាំងអស់ឲ្យមានសុខភាពល្អចៀសផុតពីជំងឺដ៏កាចសាហាវមួយនេះ ជាពិសេសបងៗដែលមានជំងឺនេះហើយសូមឲ្យឆាប់ជាសះស្បើយហើយយើងចូលរួមប្រយ័ត្នទាំងអស់គ្នាថែទាំសុខភាពទាំងអស់គ្នាកុំភ្លេចណាពាក់ម៉ាសពេលទៅណាមកណាហើយលាងដៃឲ្យបានញឹកញាប់។

គួររំលឹកថា តារាសម្តែងពូកែខាងលេងទឹកភ្នែកអ្នកនា ង សារ៉ាយ សក្ខណា បន្ទាប់ពីសាងស្នេហានិងរៀបអាពាហ៍ពិពាហ៍រួច នាងក៏បានសម្រេចចិត្តផ្អាកអាជីពសិល្ប:ដោយទៅរួមរស់តាមស្វាមីលើទឹកដីប្រទេសមហាអំណាចសហរដ្ឋអាមេរិក។

ការរួមរស់សាងសុភមង្គលស្នេហារវាង សារ៉ាយ សក្ខណា និងស្វាមីអាណិកជនខ្មែរអាមេរិកនោះគឺពួកគេបានបង្កើតកូនដ៏គួរឲ្យស្រលាញ់ជាចំណងដៃអាពាហ៍ពិពាហ៍ផងដែរ។ប៉ុន្តែយ៉ាងណាមិញអំឡុងដំណាក់កាលនៃការរីករាលដាលជំងឺកូវីដ-១៩នេះដែរ គឺពួកគេហាក់មានភាពស្ងប់ស្ងាត់ដោយសារត្រូវនៅមួយកន្លែងដើម្បីការពារនៃការឆ្លងជំងឺដ៏កាចសាហាវមួយនេះ៕

អត្ថបទ ៖ ចាន់រ៉ា