ព័ត៌មានជាតិ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ផ្តល់ថវិកា ១,០០០ដុល្លារ ដល់បុរសជាកម្មករប្រមូលសំរាម ដែលរងគ្រោះដាច់ដៃពេលបំពេញការងារ

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ដោយបានទទួលព័ត៌មានដ៏រន្ធត់របស់គ្រួសារមួយ មានមុខរបរជាកម្មករប្រមូលសំរាម ហើយត្រូវរងគ្រោះថ្នាក់ដោយម៉ាស៊ីនឡានសំរាមកៀបដៃធ្ងន់ធ្ងរ បណ្តាលឲ្យដាច់ដៃនោះ ទើបនៅរសៀលថ្ងៃទី២៣ ខែមីនា ឆ្នាំ២០២១នេះ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានឲ្យលោក ជិន ប៊ុនធឿន និងក្រុមការងារមនុស្សធម៌នាំយកថវិកាចំនួន ១,០០០ដុល្លារ ជូនដល់លោក ទូច ទីន មានអាយុ ៣៧ឆ្នាំ និងប្រពន្ធ ដើម្បីជួយសម្រាលនូវការខ្វះខាតក្នុងជីវភាពរស់នៅប្រចាំថ្ងៃរបស់គ្រួសារមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមលើនេះ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ក៏មានប្រសាសន៍ផ្ដាំផ្ញើឲ្យក្រុមគ្រូពេទ្យជួយយកចិត្តទុកដាក់មើលថែទាំអ្នកជំងឺឲ្យឆាប់ជាសះស្បើយ។

សូមបញ្ជាក់ផងដែរថា លោក ទូច ទីន និងប្រពន្ធប្រជាជនចំណាកស្រុកពីស្រុកបារាយណ៍ ខេត្តកំពង់ធំ ហើយមានកូនប្រុសស្រីចំនួន០២នាក់ ដោយគាត់បានផ្ញើទុកនឹងបងប្អូនឲ្យជួយមើលថែ ចំណែកគាត់ទាំងពីរបានទៅធ្វើជាកម្មករប្រមូលសំរាមនៅក្នុងក្រុមហ៊ុនមួយនៅខេត្តព្រះសីហនុ។ ហើយកាលពីថ្ងៃទី២២ ខែមីនា ឆ្នាំ២០២១នេះ លោក ទូច ទីន បានទទួលរងគ្រោះថ្នាក់ក្នុងពេលបំពញការងារ ដោយ ម៉ាស៊ីនប្រមូលសំរាមកៀបដៃស្តាំម្ខាងបណ្តាលឲ្យដាច់ដៃ ហើយត្រូវបានប្រពន្ធ ព្រមទាំងមិត្តភក្ដិបញ្ជូនមកសម្រាក នៅមន្ទីរពេទ្យព្រះកុសុមៈ ហៅពេទ្យលោកសង្ឃ៕